କେମିତି ହେଲା ଚାଉଳିଆଗଞ୍ଜ ଆଇଆଇସିଙ୍କ ମୃତ୍ୟୁ ଏ ପ୍ରଶ୍ନ ଏବେ ସମସ୍ତଙ୍କ ମୁହଁରେ । ତଦନ୍ତ ପାଇଁ ଗଠନ ହୋଇଛି ୩ଟି ସ୍ପେଶାଲ୍ ଟିମ୍ । ନଜର ରଖିଛନ୍ତି ନିଜେ କଟକ ଡିସିପି । ମୋବାଇଲ୍‌ରୁ ଖୋଲିବ ବିୟୁଟି ମହାନ୍ତିଙ୍କ ମୃତ୍ୟୁ ରହସ୍ୟ । SFSLରୁ ମିଳିଛି ଆଂଶିକ ଡିଜିଟାଲ୍ ରିପୋର୍ଟ । ଏବେ ବି ଡାଟା ଆନାଲିସିସ୍ ଜାରି ରହଛି । ତଦନ୍ତରେ ବିଳମ୍ବକୁ ନେଇ ସନ୍ଦେହ ପ୍ରକାଶ କରିଛନ୍ତି ବରିଷ୍ଠ ଆଇନଜୀବୀ । ତଦନ୍ତରେ ସହାୟତା ପାଇଁ ପରିବାର ଲୋକଙ୍କ ସହ କ୍ରମାଗତ ଯୋଗାଯୋଗରେ ଅଛି ପୋଲିସ ।

ଅଧିକ ପଢ଼ନ୍ତୁ: ରାସ୍ତାରେ ଓଲଟିଲା ଟ୍ୟାଙ୍କର; କ୍ଷୀର ସାଗର ଭାବି ପିଇ ଚାଲିଲେ ଲୋକେ

କେମିତି ହେଲା ଚାଉଳିଆଗଞ୍ଜ ଆଇଆଇସି ବିୟୁଟି ମହାନ୍ତିଙ୍କ ମୃତ୍ୟୁ । ଏବେ କାରଣ ଖୋଜୁଛି ପୋଲିସ । କଟକ ଡିସିପି କହିଛନ୍ତି, ତଦନ୍ତ ପାଇଁ ଗଠିତ ହୋଇଛି ୩ଟି ସ୍ୱତନ୍ତ୍ର ଟିମ୍ । ପିଏମ୍ ରିପୋର୍ଟ ଓ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ କାଗଜପତ୍ର ସଂଗ୍ରହ କଲା ପ୍ରଥମ ପୋଲିସ ଟିମ୍ । ମୃତ୍ୟୁ ପୂର୍ବର ଶେଷ ଯୋଗାଯୋଗକୁ ନେଇ ଦ୍ୱିତୀୟ ଟିମ୍ ଜାରି ରଖିଛି ପଚରାଉଚରା । ସାଇଣ୍ଟିଫିକ୍ ଏବଂ ଡିଜିଟାଲ୍ ପ୍ରମାଣ ଉପରେ କାମ କରୁଛି ତୃତୀୟ ସ୍ୱତନ୍ତ୍ର ଟିମ୍ । SFSL ରୁ ପୋଲିସକୁ ମିଳିଲା ଆଂଶିକ ଡିଜିଟାଲ୍ ରିପୋର୍ଟ । ଏଥିସହ ମୋବାଇଲ୍ ଫୋନ୍‌ରୁ ମିଳିଥିବା ଡାଟାର ଚାଲିଛି ଆନାଲିସିସ୍ । ଅଲଗା ଅଲଗା ଫର୍ମାଟ୍‌ରେ ରିପୋର୍ଟ ଆସୁଥିବାରୁ ଯାଞ୍ଚ ପ୍ରକ୍ରିୟା ଜାରି ରହିଛି ।

ମାମଲାର ପ୍ରଗତି ଉପରେ ନିଜେ ନଜର ରଖିଛନ୍ତି କଟକ ଡିସିପି । ତଦନ୍ତରେ ସହାୟତା ପାଇଁ ପରିବାର ଲୋକଙ୍କ ସହ କ୍ରମାଗତ ଯୋଗାଯୋଗରେ ଅଛି ପୋଲିସ । ବର୍ତ୍ତମାନ ପର୍ଯ୍ୟନ୍ତ ଏହି ଘଟଣାରେ କେବଳ ଅପମୃତ୍ୟୁ ମାମଲା ରୁଜୁ ହୋଇଛି । ତଦନ୍ତ ସମୟରେ କିଛି ସନ୍ଦେହଜନକ ତଥ୍ୟ ମିଳିଲେ ତୁରନ୍ତ ନିୟମିତ ମାମଲା ହେବ । ଘଟଣା ଦିନର ଡିଜିଟାଲ୍ ଓ ଥାନା ଭିତରେ ଯୋଗାଯୋଗରେ ଥିବା ଲୋକଙ୍କୁ ଏକ୍ସାମିନ୍ କରାଯାଇଛି । ଜୁଲାଇ ୪ରେ ଥାନା ରେଷ୍ଟରୁମରୁ ମିଳିଥିଲା ମୃତଦେହ । ସେପଟେ ତଦନ୍ତ ପକ୍ରିୟା ବିଳମ୍ବ ହେବାକୁ ନେଇ ସନ୍ଦେହ ପ୍ରକାଶ କରିଛନ୍ତି ବରିଷ୍ଠ ଆଇନଜୀବୀ ।