Crime In India / ପ୍ରେମିକ ପୋଛିଦେଲା ମଥା ସିନ୍ଦୂର, ସ୍ଵାମୀକୁ ଗୁଳି ପାଇଁ ସ୍ତ୍ରୀ ରଚିଥିଲା ଷଡ଼ଯନ୍ତ୍ର

ଲକ୍ଷ୍ନୌ: ବର, କନ୍ୟା ରାଜିହେଲେ । ଦୁଇ ପରିବାର ଏକାଠି ବସି ଦୁହିଁଙ୍କ ବାହାଘର କରାଇଲେ । ହେଲେ ଅଷ୍ଟମଙ୍ଗଳାର ଅନ୍ଧାର ରାତିରେ ସ୍ଵାମୀକୁ ହେଲା ଗୁଳିମାଡ଼ । ସେଇଠି ହିଁ ଟଳି ପଡ଼ିଲା ସ୍ଵାମୀ । ଏଭଳି ବୀଭତ୍ସ ହତ୍ୟାକାଣ୍ଡ ସମସ୍ତଙ୍କୁ ସ୍ତବ୍ଧ କରି ଦେଇଛି । ଉତ୍ତର ପ୍ରଦେଶର ବସ୍ତି ଜିଲ୍ଲାରେ ଘଟିଛି ଏଭଳି ନୃଶଂସ ହତ୍ୟାକାଣ୍ଡ ।

ବିବାହର ମାତ୍ର ୭ ଦିନ ପରେ ସ୍ଵାମୀକୁ ହତ୍ୟା କରାଯାଇଛି । ଆଉ ଏହି ଜଘନ୍ୟ ହତ୍ୟା ପଛରେ ସ୍ତ୍ରୀ ଥିବା ଅଭିଯୋଗ ହୋଇଛି । ପୋଲିସ ଅନୁସାରେ, ବିବାହ ପରେ ପ୍ରେମିକ ସହ କଥା ହେଉଥିଲେ ଯୁବତୀ ଜଣଙ୍କ । ପ୍ରେମିକ ସହ ମିଶି ସ୍ଵାମୀଙ୍କୁ ରାସ୍ତାରୁ ହଟାଇବା ପାଇଁ ମଧ୍ୟ ଯୋଜନା କରିଥିଲେ ।

ଏଥିସହ ପଢ଼ନ୍ତୁ: ଦୁବାଇରେ ତେଜସ ବିମାନ ଦୁର୍ଘଟଣାଗ୍ରସ୍ତ: ପାଇଲଟ ମୃତ

ମୃତକ ହେଉଛନ୍ତି ୨୫ ବର୍ଷୀୟ ଅନୀସ । ଘର ବାହାରେ ସନ୍ଧ୍ୟା ଭ୍ରମଣ ସମୟରେ ଗୁରୁବାର ଅନୀସଙ୍କୁ ହତ୍ୟା କରାଯାଇଛି । ହତ୍ୟା ପାଇଁ ରୁକ୍ସାନାଙ୍କୁ ଅନୀସ କେଉଁଆଡ଼େ ଯାଉଛନ୍ତି ସେନେଇ ତଥ୍ୟ ମାଗିଥିଲା ରିଙ୍କୁ । ଆଉ ରୁକ୍ସାନା, ସ୍ଵାମୀ କେଉଁ ଆଡ଼େ ଯାଉଛନ୍ତି ମେସେଜ୍ ମାଧ୍ୟମରେ ଜଣାଉଥିଲେ । ଆଉ ଏହାପରେ ରାସ୍ତାରେ ଛକି ରହିଥିବା ରିଙ୍କୁ ପଏଣ୍ଟ ବ୍ଲାଙ୍କ୍‌ରୁ ଅନୀସକୁ ଦେଶୀ ବନ୍ଧୁକରୁ ମୁଣ୍ଡକୁ ଗୁଳି କରିଥିଲା ।

ଗୁଳିମାଡ଼ ପରେ ଘଟଣାସ୍ଥଳରେ ହିଁ ଚେତାଶୂନ୍ୟ ହୋଇ ପଡ଼ିଥିଲେ ଅନୀସ । ପରିବାର ଲୋକେ ଅନୀସଙ୍କୁ ଅଯୋଧ୍ୟାର ଶ୍ରୀରାମ ହସ୍ପିଟାଲ୍‌କୁ ନେଇଥିଲେ । ସେଠାରୁ ତାଙ୍କୁ ମେଡିକାଲ୍ କଲେଜ ସ୍ଥାନାନ୍ତର କରାଯାଇଥିଲା । ଚିକିତ୍ସାଧିନ ଅବସ୍ଥାରେ ଅନୀସଙ୍କ ମୃତ୍ୟୁ ହୋଇଛି ।

ହାଇଡ୍ରା କ୍ରେନ୍ ଅପରେଟର୍ ଭାବେ କାମ କରୁଥିବା ଅନୀସ ନଭେମ୍ବର ୧୦ରେ ମୁମ୍ବାଇରୁ ଘରକୁ ଫେରିଥିଲେ । ଗୋଣ୍ଡାର ରୁକ୍ସାନାଙ୍କ ସହ ନଭେମ୍ବର ୧୩ରେ ଅନୀସଙ୍କ ବିବାହ ହୋଇଥିଲା । ତେବେ ରିଙ୍କୁ ସହ ରୁକ୍ସାନାଙ୍କ ସମ୍ପର୍କ ଥିବା ଜାଣିନଥିଲେ ଅନୀସଙ୍କ ପରିବାର ।

ପୋଲିସ ଅନୁସାରେ, "ବିବାହ ପରେ ରୁକ୍ସାନା, ରିଙ୍କୁ ସହ କଥା ହେଉଥିଲେ । ନଭେମ୍ବର ୧୯ରେ ଚତୁର୍ଥୀ ପାଇଁ ରୁକ୍ସାନା ବାପଘର ଯାଇଥିଲେ । ସେଠାରେ ଅନୀସଙ୍କୁ ହତ୍ୟା ପାଇଁ ଯୋଜନା କରିଥିଲେ ରୁକ୍ସାନା ଓ ଅନୀସ । ଏହାପରେ ସ୍ଵାମୀଙ୍କ ଗତିବିଧି ନେଇ ରିଙ୍କୁକୁ ତଥ୍ୟ ଦେଉଥିଲା ରୁକ୍ସାନା ।"

ଏଥିସହ ପଢ଼ନ୍ତୁ: ଖଣି ପାଇଁ ଅକ୍ସନ୍ ଜାଗାରେ ହେବ ଲଟେରି; SC/ST ଛାତ୍ରଛାତ୍ରୀଙ୍କ ବୃତ୍ତି ରାଶି ବଢ଼ିଲା

ଆଉ ଯୋଜନା ଅନୁସାରେ, ରିଙ୍କୁ ଅତି ନିକଟରୁ ଅନୀସକୁ ଗୁଳି କରିଥିଲେ । ମେଡିକାଲ୍ ପରୀକ୍ଷାରୁ ମଧ୍ୟ ଅତି ନିକଟରୁ ଗୁଳି କରାଯାଇଥିବା ଜଣାପଡ଼ିଛି । ରିଙ୍କୁ ସହ ପୋଲିସ ରୁକ୍ସାନାଙ୍କୁ ଗିରଫ କରିଛି । ରିଙ୍କଠାରୁ ଦେଶୀ ବନ୍ଧୁକ, କ୍ୟାଟ୍ରିଜ୍ ଏବଂ ଅନ୍ୟ ସାମଗ୍ରୀ ମିଳିଛି ।

ଅନୀସଙ୍କ ବାପା କହିଛନ୍ତି, "ବିବାହ ଦିନ ଝିଅ ବିଦାୟୀ ବେଳେ ତାଙ୍କ କାର୍‌କୁ କେତେଜଣ ସ୍ଥାନୀୟ ଲୋକ ଅଟକାଇଥିଲେ । ପୁଅ ଅନୀସକୁ ଧମକ ମଧ୍ୟ ଦେଇଥିଲେ । କିନ୍ତୁ ସେତେବେଳେ ଅଭିଯୋଗ କରି ନଥିଲେ ପରିବାର ।"