Mafia Atiq Ahmed / ଜେଲରେ ୨ ପୁଅ, ୨ ମୃତ ଏବଂ ସ୍ତ୍ରୀ ପରୱିନ ଫେରାର, ମାଫିଆ ଡନ୍ ଅତିକ୍ ପରିବାରରେ କିଏ ରହିଲେ ?

ଲକ୍ଷ୍ନୌ: ମାଫିଆ ନେତା ଅତିକ୍ ଅହମ୍ମଦ ସାନ ପୁଅ ଅବାନ୍ ଅହମ୍ମଦର ଏକ ସଡ଼କ ଦୁର୍ଘଟଣାରେ ମୃତ୍ୟୁ ଘଟିଛି। ଅବନ୍ ଜେଲରେ ଥିବା ବଡ଼ ଭାଇ ଅଲିକୁ ଭେଟିବାକୁ ଯାଉଥିବା ସମୟରେ ଏହି ଦୁଃଖଦ ଦୁର୍ଘଟଣା ଘଟିଥିଲା । ଅବାନ୍ ଅହମ୍ମଦ ଉତ୍ତର ପ୍ରଦେଶର ଶକ୍ତିଶାଳୀ ନେତା ଅତିକ୍ ଅହମ୍ମଦର ସବୁଠୁ ସାନ ତଥା ୫ ନମ୍ବର ପୁଅ ଥିଲା । ପୂର୍ବରୁ ଅତିକ୍‌ର ତୃତୀୟ ପୁଅ ଅସଦ ଅହମ୍ମଦ ଏକ ଏନକାଉଣ୍ଟରରେ ନିହତ ହୋଇଥିଲା । ଏବେ ଗ୍ୟାଙ୍ଗଷ୍ଟର ଅତିକ୍‌ ପରିବାରରେ ଆଉ କିଏ ବଞ୍ଚିଲେ ତାକୁ ନେଇ ଚର୍ଚ୍ଚା ହେଉଛି ।

ମାଫିଆ ଡନ୍ ଅତିକ୍ ଅହମ୍ମଦ ଉତ୍ତର ପ୍ରଦେଶର ବାହୁବଳୀ ନେତା ଥିଲା । ଅତିକ୍‌ ପରିବାରରେ ପତ୍ନୀ ଶାଇସ୍ତା ପରୱିନ୍ ଏବଂ ପାଞ୍ଚ ପୁଅ ଥିଲେ । ୨୦୨୩ରେ ଏକ ଏନକାଉଣ୍ଟରରେ ଅସଦ ଅହମ୍ମଦର ମୃତ୍ୟୁ ହୋଇଥିଲା । ଦୁଇ ପୁଅ ଉମର ଏବଂ ଅଲି ବିଭିନ୍ନ ଅଭିଯୋଗରେ ଜେଲରେ ଅଛନ୍ତି । ଅତିକ୍‌ର ଭାଇ ମହମ୍ମଦ ଆଶରଫ୍‌କୁ ମଧ୍ୟ ହତ୍ୟା କରାଯାଇଥିଲା । ଫେବୃଆରୀ ୨୪ ତାରିଖରେ ଉମେଶ ପାଲ ହତ୍ୟା ପରଠାରୁ ଅତିକ୍‌ର ସ୍ତ୍ରୀ ଶାଇସ୍ତା ପରୱିନ୍ ଫେରାର୍ ଅଛନ୍ତି । ତାଙ୍କ ମୁଣ୍ଡ ଉପରେ ୫୦,୦୦୦ ଟଙ୍କାର ପୁରସ୍କାର ରଖାଯାଇଛି ।

• ବଡ଼ ପୁଅ ଲକ୍ଷ୍ନୌରେ, ଆଉ ଏକ ପୁଅ ଜେଲରେ

ଅତିକର ବାକି ୪ ପୁଅଙ୍କ ମଧ୍ୟରୁ ବଡ଼ ପୁଅ ଉମର ଅହମ୍ମଦ ଲକ୍ଷ୍ନୌ ଜେଲରେ ବନ୍ଦୀ ଅଛି । ଦ୍ୱିତୀୟ ପୁଅ ଅଲି ଅହମ୍ମଦ ନୈନି ଜେଲରେ ସଜା କାଟୁଛି । ତୃତୀୟ ପୁଅ ଅସଦ ଅହମ୍ମଦ ଏକ ଏନକାଉଣ୍ଟରରେ ନିହତ ହୋଇଥିବାବେଳେ ଚତୁର୍ଥ ପୁଅ ଅହଜାମ ଏକ ବାଳ ସୁଧାର ଗୃହରେ ଥିଲା । ଆଜି ଅବାନର ମୃତ୍ୟୁ ପରେ ଅତିକର ପରିବାରରେ ତାର ସ୍ତ୍ରୀ ଶାଇସ୍ତା ପରୱିନ, ବଡ଼ ପୁଅ ଉମର ଅହମ୍ମଦ, ଦ୍ୱିତୀୟ ପୁଅ ଅଲି ଏବଂ ତୃତୀୟ ପୁଅ ଅହଜାମ ଅଛନ୍ତି ।

ପଢନ୍ତୁ ଏହି ଖବର: ରିଲ୍ ବନାଉଥିଲେ, ହଠାତ୍ ବାହାର କଲେ ପିସ୍ତଲ...ଭିଡିଓ ଭାଇରାଲ ପରେ ଛାଡ଼ିଗଲା ରିଲ୍ସ ନିଶା

• ୨୦୨୩ରେ ଅତିକକୁ ହତ୍ୟା

୧୫ ଏପ୍ରିଲ୍ ୨୦୨୩ରେ ପ୍ରୟାଗରାଜରେ ପୋଲିସ ହେପାଜତରେ ଅତିକ୍ ଅହମ୍ମଦକୁ ହତ୍ୟା କରାଯାଇଥିଲା, ଯେତେବେଳେ ପୋଲିସ ତାକୁ ଏବଂ ତାର ଭାଇ ଆଶରଫକୁ ଡାକ୍ତରୀ ପରୀକ୍ଷା ପାଇଁ ଏକ ହସ୍ପିଟାଲକୁ ନେଇଯାଉଥିଲା । ଅତିକ୍ ଅହମ୍ମଦ ବିରୋଧରେ ୧୦୧ଟି ମାମଲା ରୁଜୁ ହୋଇଥିଲା, ଯେତେବେଳେ କି ଆଶରଫ୍ ବିରୋଧରେ ୫୭ଟି ମାମଲା ରୁଜୁ ହୋଇଥିଲା । ଏହି ଗ୍ୟାଙ୍ଗଷ୍ଟରର ପତ୍ନୀ ଶାଇସ୍ତା ପରୱିନ୍ ବିରୋଧରେ ମଧ୍ୟ ୪ଟି ଅପରାଧିକ ମାମଲା ରହିଛି । ଏନକାଉଣ୍ଟରରେ ନିହତ ହୋଇଥିବା ପୁଅ ଆସଦ ଅହମ୍ମଦ ବିରୋଧରେ ଗୋଟିଏ ମାମଲା ରହିଛି । ଅତିକ୍‌ର ଅନ୍ୟ ଦୁଇ ପୁଅ ଅଲି ଅହମ୍ମଦ ଏବଂ ଉମର ଅହମ୍ମଦଙ୍କ ବିରୋଧରେ ଯଥାକ୍ରମେ ୬ଟି ଏବଂ ଦୁଇଟି ମାମଲା ରୁଜୁ ହୋଇଛି ।