Gujarat Latest Crime News / ଗିରଫ ଅଭିଯୁକ୍ତକୁ ମିଳିଲା ନିର୍ଘାତ ପ୍ରହାର; କ'ଣ ରହିଛି ଘଟଣା ପଛର କାରଣ

ପୋଲିସ ଜିପ୍‌ରେ ବନ୍ଧା ହୋଇଥିବା ଜଣେ ବ୍ୟକ୍ତିଙ୍କୁ ଜଣେ ପୋଲିସ ଅଧିକାରୀ ତାକୁ ପଛ ପଟରୁ ନିର୍ମମ ପିଟୁଛନ୍ତି। ସୋସିଆଲ ମିଡିଆରେ ଏହି ଭିଡ଼ିଓ ଏବେ ଦ୍ରୁତ ଗତିରେ ଭାଇରାଲ ହେଉଛି। ଏହି ଭିଡ଼ିଓ ଦେଖି ସମସ୍ତେ କହୁଛନ୍ତି କାହିଁକି ଏଭଳି ମାଡ ମରାଯାଉଛି? ସେହି ସମାନ ଭିଡି଼ଓର ଆଉ ଏକ ଅଂଶ ଅଛି, ଯେଉଁଥିରେ ସେହି ବ୍ୟକ୍ତିଙ୍କୁ ବେଞ୍ଚରେ ଶୋଇ ପୋଲିସ ନିର୍ଘାତ ପିଟୁଛି। ଏଠାରେ ମଧ୍ୟ ତାଙ୍କ ହାତ ବନ୍ଧା ହୋଇଛି। ଉଭୟ ଭିଡିଓ ଦେଖି ଆଶ୍ଚର୍ଯ୍ୟ ହେବା ସ୍ୱାଭାବିକ। ଭାଇରାଲ ଭିଡି଼ଓରେ ପୋଲିସ ମାଡ ମାରୁଥିବାର ସ୍ପଷ୍ଟ ଭାବରେ ଦୃଶ୍ୟମାନ ହେଉଛି। ହେଲେ ଏହି ପୋଲିସ କାର୍ଯ୍ୟାନୁଷ୍ଠାନ ପଛରେ ରହିଥିବା କାହାଣୀ ସମାନ ଭାବରେ ଭୟଙ୍କର।

ଗୁଜରାଟର ଭାବନଗରରେ ଘଟିଛି ଏହି ଘଟଣା
ଭାଇରାଲ ଭିଡି଼ଓରେ ପୋଲିସ ଦ୍ୱାରା ମାଡ ଖାଉଥିବା ବ୍ୟକ୍ତି ହେଉଛନ୍ତି ଫୈସଲ ଲଖାନି। ଯିଏ ବର୍ତ୍ତମାନ ପୋଲିସ ହେପାଜତରେ ଅଛନ୍ତି ଏବଂ ଆଇନଗତ ପ୍ରକ୍ରିୟା ଅନୁଯାୟୀ ତାଙ୍କ ବିରୋରେ ମାମଲା ରୁଜୁ କରାଯାଉଛି।

ଫୈସଲ ଲଖାନିଙ୍କ ବିରୋଧରେ ରହିଛି ହତ୍ୟା ଅଭିଯୋଗ
ଫୈସଲ ଲଖାନି ଜଣେ ମହିଳାଙ୍କୁ ହତ୍ୟା କରିଥିବା ଅଭିଯୋଗ ହୋଇଛି। ସେ ନିକଟରେ କାଜଲ ବରୈୟା ନାମକ ଜଣେ ମହିଳାଙ୍କୁ ନିର୍ମମ ଭାବରେ ହତ୍ୟା କରିଥିଲେ। ଏହାର ଏକ ଭିଡିଓ ମଧ୍ୟ ସାମ୍ନାକୁ ଆସିଛି। ମାଡ଼ ମାରିବାର ସିସିଟିଭି ଫୁଟେଜରେ ଫୈସଲ କାଜଲଙ୍କୁ ଲାତ ଏବଂ ମୁଥ ମାରୁଥିବାର ଦେଖାଯାଉଛି।

ଏହା ସହ ପଢନ୍ତୁ: ରାତି ଅଧରେ ମହିଳାଙ୍କ ହାଇଭୋଲଟେଜ୍ ଡ୍ରାମା; ଗାଳି ଗୁଲଜ କରୁଥିବାର ଭିଡ଼ିଓ

କାହିଁକି ଦେଇଥିଲେ ଏପରି ଦଣ୍ଡ? କାରଣ କହିଲା ପୋଲିସ
ହତ୍ୟା ଅଭିଯୁକ୍ତ ଫୈସଲ ଲଖାନି, ମୃତକ କାଜଲ ବରୈୟା ଯେପରି ନିର୍ଦ୍ଦୟତାର ସହ ପିଟିଥିଲା, ତାହାକୁ ଦେଖିଲେ ଆପଣ ତାତି ଉଠିବେ। ପୋଲିସ ଅଧିକାରୀ କହିଛନ୍ତି ଯେ ଏହି ହତ୍ୟାକାଣ୍ଡ ଅତ୍ୟନ୍ତ ନିଷ୍ଠୁର ଥିଲା। ଏହି ଘଟଣା ସେମାନଙ୍କ ଭାବମୂର୍ତ୍ତିକୁ କ୍ଷତି ପହଞ୍ଚାଇଥିଲା। ଏଥିପାଇଁ ସେମାନେ ପାଦେ ଆଗକୁ ଯାଇ ଅଭିଯୁକ୍ତ ବିରୋଧରେ ଏପରି କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ।

ଲିଭ୍-ଇନ୍ ପାର୍ଟନର କାଜଲକୁ ହତ୍ୟା କରିଥିଲା ଫୈଜଲ
ଫୈସଲ ଭାବନଗର ସହର ସ୍ଥିତ ବସ୍ ଷ୍ଟାଣ୍ଡ ଠାରେ କାଜଲ ବରୈୟାଙ୍କୁ ପିଟି ପିଟି ହତ୍ୟା କରିଥିଲେ। ସମଗ୍ର ଘଟଣା ଅଞ୍ଚଳରେ ଲାଗିଥିବା ସିସିଟିଭି କ୍ୟାମେରାରେ କଏଦ ହୋଇଥିଲା। ସିସିଟିଭି ଫୁଟେଜରେ ଅଭିଯୁକ୍ତ ମହିଳାଙ୍କୁ ନିର୍ମମ ଭାବରେ ପିଟୁଥିବାର ଦେଖାଯାଉଛି। ଯେତେବେଳେ ପାଖରେ ଥିବା ଲୋକ ନୀରବ ଦର୍ଶକ ଭାବରେ ଠିଆ ହୋଇଛନ୍ତି।

ଅଭିଯୁକ୍ତର ଅପରାଧିକ ଇତିହାସ ଅଛି ଏବଂ ସେ ଜେଲ ଯାଇଥିଲା
ଉପ ପୋଲିସ ଅଧିକ୍ଷକ ଆର.ଆର. ସିଂହଲ କହିଛନ୍ତି ଯେ ଏହି ଘଟଣା ନୀଲମ ବାଗ ଥାନା ଅଞ୍ଚଳରେ ଘଟିଛି। ସେ କହିଛନ୍ତି, "କାଜଲ ବରୈୟା ଏବଂ ଫୈସଲ ଲଖାନି ବିଗତ ୭ ବର୍ଷ ଧରି ଫୁଟପାଥ୍ ରେ ଏକାଠି ରହୁଥିଲେ। ଅଭିଯୁକ୍ତର ଅପରାଧିକ ଇତିହାସ ରହିଛି। ଏପରିକି ତା' ବିରୋଧରେ ଡକାୟତି ଏବଂ ଅନ୍ୟାନ୍ୟ ଗୁରୁତର ଅପରାଧିକ ମାମଲା ରହିଛି।" ହତ୍ୟାକାଣ୍ଡ ପରେ ପୋଲିସ ଫୈସଲକୁ ଗିରଫ କରିଥିଲା। ଶନିବାର ଅଭିଯୁକ୍ତକୁ ସେହି ସ୍ଥାନକୁ ନେଇଯାଇଥିଲେ ଯେଉଁଠାରେ ସେ କାଜଲ ଉପରେ ଆକ୍ରମଣ କରିଥିଲା। କ୍ରାଇମ୍ ସିନ୍ ରିକ୍ରିଏସନ୍ ସମୟରେ, ଫୈସଲ ନିର୍ଘାତ ପ୍ରହାର ଖାଇଥିଲା।

ଏହା ସହ ପଢନ୍ତୁ:  ମଦ ନିଶାରେ ଭୁଲିଗଲେ ମାନବିକତା; ପ୍ରଥମେ କଲେ ଆକ୍ରମଣ, ପରେ ପାଲିଟିଗଲେ...

କାହିଁକି କାଜଲର ହତ୍ୟା କରିଥିଲା ଫୈସଲ ?
ଫୈସଲ କାହିଁକି କାଜଲର ହତ୍ୟା କରିଥିଲା ​​ତାହା ପଛରେ ରହିଥିବା କାହାଣୀ ଫିଲ୍ମ ଠାରୁ କମ୍ ନୁହେଁ । ଫୈସଲର ଅପରାଧିକ ଇତିହାସ ଅଛି। ସେ ଜେଲ୍ ରେ ଥିଲା। ଏହି ସମୟରେ ଲିଭ୍-ଇନ୍ ପାର୍ଟନର କାଜଲ ତାଙ୍କ ପରିଚିତ ରବିଙ୍କ ସହିତ ସମ୍ପର୍କ ଗଢ଼ି ଉଠିଥିଲା। ଅଧିକାରୀ କହିଛନ୍ତି ଯେ ଜେଲରୁ ମୁକ୍ତ ହେବା ପରେ ଫୈସଲ ଏ ସମ୍ପର୍କରେ ଜାଣିବା ପରେ କ୍ରୋଧିତ ହୋଇ ଯାଇଥିଲେ। ଫୈସଲ ଲଖାନି ଏହା ପରେ କାଜଲ ଏବଂ ରବି ଉଭୟଙ୍କୁ ଆକ୍ରମଣ କରିଥିଲେ। ସେମାନଙ୍କୁ ନିର୍ମମ ଭାବରେ ପିଟିଥିଲେ। ଗୁରୁତର ଆହତ କାଜଲଙ୍କୁ ସାର୍ ଟି ହସ୍ପିଟାଲ ଠାରେ ଭର୍ତ୍ତି କରାଯାଇଥିଲା। ଯେଉଁଠାରେ ଚିକିତ୍ସାଧିନ ଅବସ୍ଥାରେ ତାହାର ମୃତ୍ୟୁ ହୋଇଥିଲା। ସିଂହଲ କହିଛନ୍ତି ଯେ ହତ୍ୟା ଏବଂ ଅନ୍ୟାନ୍ୟ ଅଭିଯୋଗ ଅନୁଯାୟୀ ଅଭିଯୁକ୍ତଙ୍କୁ ଗିରଫ କରାଯାଇଥିଲା।