Man Climbs Tower / ବାପଘରୁ ଫେରିଲାନି ସ୍ତ୍ରୀ; ଟାୱାର ଉପରେ ଚଢି ୩ ଘଣ୍ଟା ସ୍ଵାମୀର ହାଇଡ୍ରାମା

ଉତ୍ତରପ୍ରଦେଶ କୌଶାମ୍ବୀ ଜିଲ୍ଲାରେ ଏକ ଅଜବ ଘଟଣା ସାମ୍ନାକୁ ଆସିଛି । ସ୍ତ୍ରୀ ବାପଘରୁ ନ ଫେରିବା ପରେ ଜଣେ ଯୁବକ ବିଦ୍ୟୁତ ଟାୱାର ଉପରେ ଚଢି ହଙ୍ଗାମା ସୃଷ୍ଟି କରିଛନ୍ତି । ହଠାତ୍ ଜଣେ ଯୁବକଙ୍କୁ ବହୁ ଉଚ୍ଚ ଟାୱାର ଉପରେ ଦେଖି ଲୋକେ ଚକିତ ହୋଇପଡ଼ିଥିଲେ । ଦେଖୁଦେଖୁ ଟାୱାର ନିକଟରେ ବହୁ ସଂଖ୍ୟାରେ ଲୋକେ ଭିଡ଼ ଜମାଇଥିଲେ । ଯୁବକ ଜଣକ ପ୍ରାୟ ୩ ଘଣ୍ଟା ପର୍ଯ୍ୟନ୍ତ ଟାୱାର ଉପରେ ବସି ରହିଥିଲେ । ଗାଁଲୋକେ ଯେତେ କହିଲା ପରେ ବି ତଳକୁ ଓହ୍ଲାଇନଥିଲେ । ଶେଷରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା ।

ଏହି ଘଟଣାଟି ପିପରି ଥାନା ଅଞ୍ଚଳର ମଖଦୁମପୁର ଗାଁରୁ ଆସିଛି । ଏଠାକାର ସ୍ଥାନୀୟ ଅଧିବାସୀ ଅନୁପ ପୁତ୍ର ମାଝିଲଙ୍କ ପତ୍ନୀ ଗୁଡ୍ଡି ଦେବୀ ରାକ୍ଷୀ ପୂର୍ଣ୍ଣିମା ପାଇଁ ବାପଘରକୁ ଯାଇଥିଲେ । ବୁଧବାର ଅପରାହ୍ନ ସମୟରେ ଅନୁପ ଫୋନ କରି ସ୍ତ୍ରୀକୁ ଘରକୁ ଫେରି ଆସିବାକୁ କହିଥିଲେ । ମାତ୍ର ଗୁଡ୍ଡୀ କୌଣସି କାରଣବଶତଃ ଶାଶୂଘରକୁ ଫେରିବେ ନାହିଁ ବୋଲି କହିଥିଲେ । ସ୍ତ୍ରୀ ଘରକୁ ଫେରିବାକୁ ସିଧାସିଧା ମନା କରିବା ପରେ ଯୁବକ ଜଣକ ରାଗିଯାଇଥିଲେ ।

• ଟାୱାର ଉପରେ ଚଢିଗଲା ଯୁବକ

ଏହାପରେ ଯୁବକ ଜଣକ ସିଧା ଘରୁ ବାହାରି ଗାଁରେ ଥିବା ବିଦ୍ୟୁତ ଟାୱାର ଉପରେ ପହଞ୍ଚିଥିଲା ଏବଂ ଏହାପରେ ଟାୱାର ଉପରକୁ ଚଢିଥିଲେ । ଜଣେ ଯୁବକ ଟାୱାର ଉପରେ ବସିଥିବା ଦେଖି ଗ୍ରାମରେ ହଇଚଇ ସୃଷ୍ଟି ହୋଇଥିଲା । ଏହାପରେ ଲୋକମାନେ ତାଙ୍କୁ ତଳକୁ ଓହ୍ଲାଇ ଆସିବା ପାଇଁ ବହୁ ସମୟ ଧରି ବୁଝାଇଥିଲେ । ହେଲେ ଯୁବକ ଜଣକ ନିଜ ଜିଦରେ ଅଟଳ ଥିଲା । ଖବର ପାଇ ପୋଲିସ ସେଠାରେ ପହଞ୍ଚିଥିଲା । ପ୍ରାୟ ୩ ଘଣ୍ଟା ପର୍ଯ୍ୟନ୍ତ ଯୁବକକୁ ବୁଝାଇବାକୁ ଉଦ୍ୟମ କରିଥିଲା ପୋଲିସ ।

ପଢନ୍ତୁ ଏହି ଖବର: ଚାକିରି ପାଇଁ ମୋବାଇଲ୍ ଟାୱାର ଉପରେ ଚଢ଼ି ଯୁବକଙ୍କ ଜୀବନ ହାରିବାକୁ ଧମକ

• ୩ ଘଣ୍ଟା ପର୍ଯ୍ୟନ୍ତ ଟାୱାର ଉପରେ ଯୁବକ

ଅନୁପକୁ ବୁଝାଇବାକୁ ବହୁ ଉଦ୍ୟମ ହୋଇଥିଲା । ମାତ୍ର ଅନୁପ ନିଜ ଜିଦରେ ଅଟଳ ଥିବାରୁ ଲୋକେ ଚିନ୍ତାରେ ପଡ଼ିଥିଲେ । ଅନୁପ କାଳେ କେଉଁ ଭୁଲ ନିଷ୍ପତ୍ତି ନେବ ସେନେଇ ପୋଲିସ ମଧ୍ୟ ସତର୍କ ରହିଥିଲା । ଅନୁପଙ୍କ ପରିବାର ମଧ୍ୟ ତାଙ୍କୁ ଓହ୍ଲାଇ ଆସିବା ପାଇଁ ଅନୁରୋଧ କରିଥିଲେ । ପ୍ରାୟ ୩ ଘଣ୍ଟା ପର୍ଯ୍ୟନ୍ତ ଏପରି ହାଇଡ୍ରାମା ଜାରି ରହିଥିଲା । ଶେଷରେ ଅନୁପ ତଳକୁ ଓହ୍ଲାଇଥିଲା । ପୋଲିସ ତାକୁ ଅଟକ ରଖି ପଚରାଉଚରା କରୁଛି । ଯୁବକ ଆଗକୁ ଯେପରି ଏପରି ନକରନ୍ତି ସେଥିଲାଗି ପୋଲିସ ତାଙ୍କୁ ତାଗିଦ କରିଛି ।