Solar Eclipse 2026 August / ଆଗକୁ ଆସୁଛି ପୂର୍ଣ୍ଣଗ୍ରାସ ସୂର୍ଯ୍ୟପରାଗ; ଭାରତରେ ହେବ କି ଦୃଶ୍ୟମାନ?

Solar Eclipse 2026 August 12 Timings: ସନାତନ ଧର୍ମରେ ସୂର୍ଯ୍ୟପରାଗକୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ। ଏହା କେବଳ ଏକ ଜ୍ୟୋତିର୍ବିଜ୍ଞାନ ସହ ଜଡ଼ିତ ଘଟଣା ନୁହେଁ ବରଂ ଆତ୍ମଚିନ୍ତନ, ଈଶ୍ୱରଙ୍କ ପ୍ରତି ଭକ୍ତି ଏବଂ ଆଧ୍ୟାତ୍ମିକ ସାଧନା ପାଇଁ ଏକ ବିଶେଷ ଅବସର। ଧାର୍ମିକ ବିଶ୍ୱାସ ଅନୁଯାୟୀ ପରାଗ ସମୟରେ ମନ୍ତ୍ର ଜପ, ପୂଜାପାଠ ଏବଂ ଭଗବାନଙ୍କୁ ସ୍ମରଣ କରିବା ବହୁ ଗୁଣରେ ଫଳପ୍ରଦ ହୋଇଥାଏ। ଚଳିତ ବର୍ଷ ଅଗଷ୍ଟ ମାସରେ ଦ୍ୱିତୀୟ ଏବଂ ଶେଷ ସୂର୍ଯ୍ୟପରାଗ ଲାଗିବାକୁ ଯାଉଛି। ହେଲେ ଚଳିତ ମାସରେ ହେବାକୁ ଯାଉଥିବା ସୂର୍ଯ୍ୟପରାଗ କେବେ ହେବ? ଏହାର ଅବଧି କେତେ ସମୟ ରହିବ? ଏହା ଭାରତରେ ଦୃଶ୍ୟମାନ ହେବ ନା ନାହିଁ।

ଚଳିତ ମାସରେ କେବେ ଲାଗିବ ସୂର୍ଯ୍ୟପରାଗ?
ଚଳିତ ବର୍ଷ ଅଗଷ୍ଟ ୧୨ ତାରିଖରେ ଦ୍ୱିତୀୟ ସୂର୍ଯ୍ୟପରାଗ ଲାଗିବ। ଏହି ସୂର୍ଯ୍ୟପରାଗ ଶ୍ରାବଣ ମାସର କୃଷ୍ଣ ପକ୍ଷ ଅମାବାସ୍ୟା ତିଥିରେ ପଡୁଛି। ସେହି ଦିନ ଚିତାଲାଗି ଅମାବାସ୍ୟା ମଧ୍ୟ ପଡୁଛି। ଏହି ଦିନକୁ ଭଗବାନ ଶିବଙ୍କ ପୂଜା, ପୂର୍ବପୁରୁଷଙ୍କୁ ସ୍ମରଣ ଏବଂ ଧାର୍ମିକ ରୀତିନୀତି ପାଳନ ପାଇଁ ଶୁଭ ବୋଲି ବିବେଚନା କରାଯାଏ।

କେତେ ସମୟ ପର୍ଯ୍ୟନ୍ତ ରହିବ ସୂର୍ଯ୍ୟପରାଗ ଅବଧି?
ଭାରତୀୟ ପ୍ରାମାଣିକ ସମୟ ଅନୁସାରେ, ଏହି ପୂର୍ଣ୍ଣଗ୍ରାସ ସୂର୍ଯ୍ୟପରାଗ ଅଗଷ୍ଟ ୧୨ ତାରିଖ ରାତି ୯ ଘଣ୍ଟା ୦୪ ମିନିଟ୍ ସମୟରୁ ଆରମ୍ଭ ହେବ। ଯାହା ଅଗଷ୍ଟ ୧୨-୧୩ ତାରିଖ ମଧ୍ୟରାତ୍ରୀ ପ୍ରାୟ ୪ ଘଣ୍ଟା ୨୫ ମିନିଟ୍ ପର୍ଯ୍ୟନ୍ତ ଚାଲିବ। ଯେଉଁ ଦେଶରେ ଏହା ସମ୍ପୂର୍ଣ୍ଣ ଦୃଶ୍ୟମାନ ହେବ, ସେଠାରେ ଦିନବେଳେ କିଛି ସମୟ ପାଇଁ ଅନ୍ଧକାର ମାଡ଼ି ଆସିବ। ଏହି ସମୟ ମଧ୍ୟରେ, ସୂର୍ଯ୍ୟ ଚନ୍ଦ୍ର ଦ୍ୱାରା ସମ୍ପୂର୍ଣ୍ଣ ଭାବରେ ଆଚ୍ଛାଦିତ ହୋଇଯିବ।

ଏହା ସହ ପଢନ୍ତୁ: ଆସନ୍ତା ମାସରେ ଦେଖିବାକୁ ମିଳିବ ବିରଳ ଜାଗତିକ ଦୃଶ୍ୟ; କ'ଣ ରହିବ ଭାରତ ଉପରେ ଏହାର ପ୍ରଭାବ?

ଭାରତ ଉପରେ ପଡ଼ିବ କି ଏହି ପରାଗର ପ୍ରଭାବ?
ଏହି ସୂର୍ଯ୍ୟପରାଗର ପ୍ରଭାବ ଭାରତରେ ଦୃଶ୍ୟମାନ ହେବ ନାହିଁ। ଧାର୍ମିକ ବିଶ୍ୱାସ ଅନୁସାରେ, ଏହାର ସୂତକ କାଳ ଭାରତରେ ଲାଗୁ ହେବ ନାହିଁ। ମନ୍ଦିର ଦ୍ୱାର ବନ୍ଦ କିମ୍ବା ଅନ୍ୟାନ୍ୟ ଧାର୍ମିକ କଟକଣା ମଧ୍ୟ ରହିବ ନାହିଁ।

କେଉଁଠି ନଜର ଆସିବ ଏହି ପୂର୍ଣ୍ଣଗ୍ରାସ ସୂର୍ଯ୍ୟପରାଗ?
ଏହି ପୂର୍ଣ୍ଣଗ୍ରାସ ସୂର୍ଯ୍ୟପରାଗ ଗ୍ରୀନଲ୍ୟାଣ୍ଡ, ଆଇସଲ୍ୟାଣ୍ଡ, ସ୍ପେନ୍, ଋଷିଆର କିଛି ଅଂଶ ଏବଂ ଉତ୍ତର ଆଟଲାଣ୍ଟିକ ଅଞ୍ଚଳରେ ଦୃଶ୍ୟମାନ ହେବ। ୟୁରୋପ ଏବଂ ଉତ୍ତର ଆଫ୍ରିକାର ଅନେକ ଦେଶରେ ଏକ ଆଂଶିକ ସୂର୍ଯ୍ୟଗ୍ରହଣ ଦୃଶ୍ୟମାନ ହେବ। ମରକ୍କୋ ଏବଂ ଆଲଜେରିଆ ଭଳି ଦେଶରେ, ସୂର୍ଯ୍ୟର ଏକ ବଡ଼ ଅଂଶ ଚନ୍ଦ୍ର ଦ୍ୱାରା ଆଚ୍ଛାଦିତ ହୋଇଯିବ।

ପରାଗକୁ ନେଇ କ'ଣ ରହିଛି ଧାର୍ମିକ ବିଶ୍ୱାସ?
ହିନ୍ଦୁ ଧାର୍ମିକ ମାନ୍ୟତା ଅନୁସାରେ ପରାଗ ସମୟକୁ ଧ୍ୟାନ, ମନ୍ତ୍ର ଜପ, ଭଜନ ଗାନ ଏବଂ ପୂଜାପାଠ କରିବା ପାଇଁ ଏକ ଶୁଭ ସମୟ ଭାବରେ ବିବେଚନା କରାଯାଏ। ଏହି ସମୟରେ ଅନେକ ଲୋକ ଖାଦ୍ୟ ରାନ୍ଧିବା କିମ୍ବା ଖାଦ୍ୟ ଗ୍ରହଣ କରିନ୍ତି ନାହିଁ। ଗ୍ରହଣ ଶେଷ ହେବା ପରେ ସ୍ନାନ କରିବା ଏବଂ ଘରେ ପବିତ୍ରତା ବଜାୟ ରଖିବା ମଧ୍ୟ ଶୁଭ ବୋଲି ବିବେଚନା କରାଯାଏ। ହେଲେ ତଥାପି ଯେହେତୁ ଏହା ଭାରତରେ ଗ୍ରହଣ ଦୃଶ୍ୟମାନ ହେବ ନାହିଁ, ତେଣୁ ଏହି ନିୟମ ପାଳନ କରିବା ବାଧ୍ୟତାମୂଳକ ହେବ ନାହିଁ।