Why Lord Shiva wears moon on forehead: ସନାତନ ପରମ୍ପରାରେ ଭଗବାନ ଶିବ ହେଉଛନ୍ତି ଏପରି ଜଣେ ଦେବତା ଯାହାଙ୍କ ପୂଜାକୁ ସବୁଠାରୁ ସରଳ ଏବଂ ଶୀଘ୍ର ଫଳପ୍ରଦ ବୋଲି ବିବେଚନା କରାଯାଏ। ଶିବଙ୍କ ଭକ୍ତ ତାଙ୍କୁ ଦେବତାଙ୍କ ଦେବତା ଅର୍ଥାତ୍ ମହାଦେବ, କେହି ତାଙ୍କୁ ଭୋଲେନାଥ, କେହି କେହି ତାଙ୍କୁ ଚନ୍ଦ୍ରଶେଖର ନାମରେ ସ୍ମରଣ କରିଥାନ୍ତି। ମହାଦେବଙ୍କ ହାତରେ ତ୍ରିଶୂଳ ଏବଂ ଡମ୍ବରୁ, ତାଙ୍କ ଗଳାରେ ସର୍ପ ଧାରଣ କରିଥାନ୍ତି ଏବଂ ଚନ୍ଦ୍ର ତାଙ୍କ ମସ୍ତକରେ ରହିଥାଏ। କୌଣସି ଶିୈବାଳୟରେ ଭଗବାନ ଶିବଙ୍କ ଦର୍ଶନ କରିବା ସମୟରେ ଭଗବାନ ଶିବଙ୍କ ମସ୍ତକରେ ଚନ୍ଦ୍ରମା ନଜ0ର ଆସିଥାଏ। ହେଲେ ମହାଦେବ ତାଙ୍କ ମସ୍ତକରେ କେବେ ଏବଂ କାହିଁକି ଚନ୍ଦ୍ରମା ଧାରଣ କରିଥିଲେ? ଭଗବାନ ଶିବଙ୍କ ଚନ୍ଦ୍ରମା ସହ କ'ଣ ରହିଛି ସମ୍ପର୍କ? ଭଗବାନ ଶିବ ଏବଂ ଚନ୍ଦ୍ର ଦେବଙ୍କ ମଧ୍ୟରେ କ'ଣ ରହିଛି ସମ୍ପର୍କ? କ'ଣ ରହିଛି ଏହା ପଛର କାରଣ?

ରାଜା ଦକ୍ଷଙ୍କ କନ୍ୟା ସହ ଜଡି଼ତ ଚନ୍ଦ୍ରଙ୍କ କାହାଣୀ
ପୁରାଣ ଅନୁଯାୟୀ, ରାଜା ଦକ୍ଷ ପ୍ରଜାପତିଙ୍କ ୨୭ ଜଣ କନ୍ୟା ଚନ୍ଦ୍ର ଦେବଙ୍କ ସହ ବିବାହ କରିଥିଲେ। ରାଜା ଦକ୍ଷଙ୍କ ସମସ୍ତ ଝିଅଙ୍କ ମଧ୍ୟରୁ, ରୋହିଣୀ ସବୁଠାରୁ ସୁନ୍ଦର ଥିଲେ। ଯେଉଁଥିପାଇଁ ଚନ୍ଦ୍ର ଦେବ ତାଙ୍କୁ ସବୁଠାରୁ ଅଧିକ ଭଲ ପାଉଥିଲେ। ଚନ୍ଦ୍ର ଦେବ ରୋହିଣୀଙ୍କୁ ଅଧିକ ପ୍ରେମ ଦେଖାଇ ସେମାନଙ୍କୁ ଅବହେଳା କରିବା ପରେ, ଅନ୍ୟ କନ୍ୟା ବିରକ୍ତ ହୋଇ ସେମାନଙ୍କ ପିତା ରାଜା ଦକ୍ଷଙ୍କୁ ଏ ଘଟଣା ସମ୍ପର୍କରେ ଜଣାଇଥିଲେ।

ହିନ୍ଦୁ ପୌରାଣିକ ମାନ୍ୟତା ଅନୁଯାୟୀ, ଯେତେବେଳେ ରାଜା ଦକ୍ଷଙ୍କ କନ୍ୟା ନିଜ ଦୁଃଖ ବିଷୟରେ ପିତାଙ୍କୁ ଜଣାଇଲେ, ସେ କ୍ରୋଧିତ ହୋଇ ଚନ୍ଦ୍ର ଦେବଙ୍କୁ କ୍ଷୟ ରୋଗର ଅଭିଶାପ ଦେଲେ। ବିଶ୍ୱାସ କରାଯାଏ ଯେ ଏହି ରୋଗ ଯୋଗୁଁ ଚନ୍ଦ୍ର ଦେବଙ୍କ ଶକ୍ତି ଧିରେ ଧିରେ ହ୍ରାସ ପାଇଥିଲା। ଚନ୍ଦ୍ର ଦେବଙ୍କ ଏପରି ଦୁଃଖ ଦେଖି ନାରଦ ତାଙ୍କୁ ଭଗବାନ ଶିବଙ୍କ ଶରଣ ନେବାକୁ ପରାମର୍ଶ ଦେଇଥିଲେ। କଠୋର ଧ୍ୟାନ ଏବଂ ତପସ୍ୟା ପରେ, ଭଗବାନ ଶିବ ତାଙ୍କୁ କେବଳ କ୍ଷୟ ରୋଗରୁ ସୁସ୍ଥ କରିନଥିଲେ ବରଂ ତାଙ୍କୁ ନିଜ ମସ୍ତକରେ ଧାରଣ କରିଥିଲେ।

ଏହା ସହ ପଢନ୍ତୁ: ରହସ୍ୟମୟ ଶିବ ମନ୍ଦିର; ଯାହାକୁ ଗୋଟିଏ ରାତିରେ ନିର୍ମାଣ କରିଥିଲେ ଭୂତ

ସାଗର ମନ୍ଥନ ସହିତ ଜଡି଼ତ ଚନ୍ଦ୍ରଙ୍କ ପୌରାଣିକ କାହାଣୀ
ଭଗବାନ ଶିବ ତାଙ୍କ ମସ୍ତକରେ ଚନ୍ଦ୍ରମା ଧାରଣ କରିବା ପଛରେ ଅନ୍ୟ ଏକ ପୌରାଣିକ କାହାଣୀ ରହିଛି। ଏହି କାହଣୀ ଅନୁସାରେ ସମୁଦ୍ର ମନ୍ଥନ ସମୟରେ ଯେତେବେଳେ ସମସ୍ତ ମୂଲ୍ୟବାନ ରତ୍ନ ସହିତ ହଳାହଳ ବିଷ ବାହାରିଲା, ସେତେବେଳେ ଉଭୟ ଦେବତା ଏବଂ ରାକ୍ଷସ ବିରକ୍ତ ହୋଇ ଉଠିତିଲେ। ସେମାନଙ୍କ ମଧ୍ୟରୁ କେହି ଏହାକୁ ଗ୍ରହଣ କରିବାକୁ ପ୍ରସ୍ତୁତ ନଥିଲେ। ଏହି ବିଷକୁ ନେଇ କ'ଣ କରାଯିବ ତାହା ଉଭୟ ପକ୍ଷଙ୍କୁ ଚିନ୍ତିତ କରି ଦେଇଥିଲା।

ବିଶ୍ୱାସ କରାଯାଏ ଯେ ସମଗ୍ର ସୃଷ୍ଟିର ସୁରକ୍ଷା ପାଇଁ, ଦେବଙ୍କ ଦେବ ମହାଦେବ ହଳାହଳ ବିଷ ପାନ କରି ନିଜ କଣ୍ଠରେ ଏହାକୁ ଅବଶୋଷିତ କରି ଦେଇଥିଲେ। ଏହି କାରଣରୁ ତାଙ୍କୁ ନୀଳକଣ୍ଠ ବୋଲି କୁହାଯାଏ। ବିଶ୍ୱାସ କରାଯାଏ ଯେ ଯେତେବେଳେ ବିଷ ପ୍ରଭାବରେ ମହାଦେବଙ୍କ ଶରୀରର ତାପମାତ୍ରା ବଢ଼ିବାକୁ ଲାଗିଲା, ସେତେବେଳେ ସମସ୍ତ ଦେବଦେବୀ ଭଗବାନ ଶିବଙ୍କୁ ତାଙ୍କ ମସ୍ତକରେ ଚନ୍ଦ୍ରମା ଧାରଣ କରିବାକୁ ପ୍ରାର୍ଥନା କରିଥିଲେ। ଯାହା ଦ୍ୱାରା ସେ ତାଙ୍କ ଶୀତଳତା ସହିତ ବିଷର ଉତ୍ତାପକୁ ଦୂର କରିପାରିବେ। ବିଶ୍ୱାସ କରାଯାଏ ଯେ ମହାଦେବ ଏହା ପରେ ଚନ୍ଦ୍ରମାଙ୍କୁ ତାଙ୍କ ମସ୍ତକରେ ଧାରଣ କରିଥିଲେ।