School Closed Today / ଆଜି ଏହି ୨ ଜିଲ୍ଲାରେ ସବୁ ସ୍କୁଲ ଛୁଟି; ଜିଲ୍ଲା ପ୍ରଶାସନର ବଡ଼ ନିଷ୍ପତ୍ତି

ଲଘୁଚାପ ଜନିତ ପ୍ରବଳ ବର୍ଷା ପରେ ଓଡ଼ିଶାରେ ପୁଣି ବନ୍ୟା ପରିସ୍ଥିତି ସୃଷ୍ଟି ହୋଇଛି । ଗୋଟିଏ ପଟେ ଉତ୍ତର ଓଡ଼ିଶାର ଭଦ୍ରକ, ବାଲେଶ୍ବର, ମୟୂରଭଞ୍ଜ ଓ ଯାଜପୁର ଜିଲ୍ଲାରେ ବୈତରଣୀ, ସାଳନ୍ଦୀ, ସୁବର୍ଣ୍ଣରେଖା ଓ ବୁଢ଼ାବଳଙ୍ଗ ନଦୀର ଉଫାନ୍‌ରେ ଶତାଧିକ ଗାଁ ଜଳମଗ୍ନ ହୋଇଛି । ଏହାରି ଭିତରେ ଭଦ୍ରକ ଓ ଯାଜୁପର ଜିଲ୍ଲା ପ୍ରଶାସନ ବଡ଼ ନିଷ୍ପତ୍ତି ନେଇଛି । ଆଜି ଏହି ଦୁଇ ଜିଲ୍ଲାରେ ସବୁ ସ୍କୁଲ ବନ୍ଦ ରହିବାକୁ ଘୋଷଣା ହୋଇଛି ।

• ଭଦ୍ରକରେ ୩୪୧ଟି ସ୍କୁଲ ଛୁଟି

ଭଦ୍ରକ ଜିଲ୍ଲାରେ ବନ୍ୟା ପରିସ୍ଥିତିକୁ ଦୃଷ୍ଟିରେ ରଖି ଆସନ୍ତାକାଲି ସ୍କୁଲ ଛୁଟି ଘୋଷଣା । ସ୍କୁଲ ଛୁଟି ଘୋଷଣା କଲେ ଭଦ୍ରକ ଜିଲ୍ଲାପାଳ । ଆସନ୍ତାକାଲି (ସେପ୍ଟେମ୍ବର ୨୮ ତାରିଖ) ଜିଲ୍ଲାର ୬ଟି ବ୍ଲକରେ ୩୪୧ ଟି ସ୍କୁଲ ଛୁଟି । ଭଦ୍ରକ, ଭଣ୍ଡାରିପୋଖରୀ, ଧାମନଗର, ତିହିଡି଼, ଚାନ୍ଦବାଲି ଓ ବାସୁଦେବପୁର ବ୍ଲକରେ ବନ୍ୟା ପ୍ରଭାବିତ ସ୍କୁଲଗୁଡିକୁ ଛୁଟି ଘୋଷଣା କରାଯାଇଛି ।

• ଯାଜପୁରରେ ୯୧ଟି ସ୍କୁଲ ଛୁଟି

ସେପଟେ ଆସନ୍ତାକାଲି ଯାଜପୁର ଜିଲ୍ଲାରେ ୯୧ ଟି ସ୍କୁଲ ଛୁଟି ଘୋଷଣା l ବନ୍ୟା ପ୍ରଭାବିତ ଅଞ୍ଚଳରେ ଜିଲ୍ଲାର ଦଶରଥପୁର, ଯାଜପୁର, ବିଂଝାରପୁର ବ୍ଲକର ୯୧ଟି ସ୍କୁଲକୁ ଛୁଟି ଘୋଷଣା କଲେ ଜିଲ୍ଲାପାଳ । ଜିଲ୍ଲା ଶିକ୍ଷା ଅଧିକାରୀଙ୍କ ଦ୍ୱାରା ଜାରି ହେଲା ବିଜ୍ଞପ୍ତି । ଏନେଇ ଜିଲ୍ଲା ଶିକ୍ଷା ଅଧିକାରୀଙ୍କ ଦ୍ୱାରା ଏକ ବିଜ୍ଞପ୍ତି ଜାରି ହୋଇଛି ।

• ଭଦ୍ରକରେ ବନ୍ୟା ପରିସ୍ଥିତି

ବୈତରଣୀ, ସାଳନ୍ଦୀ ଓ ଏହାର ଶାଖା ନଦୀଗୁଡ଼ିକରେ ବନ୍ୟା ଯୋଗୁଁ ଜିଲ୍ଲାର ୭ଟି ଯାକ ବ୍ଲକ ପ୍ରଭାବିତ ହୋଇଛି । ୭ଟି ବ୍ଲକର ୮୧ଟି ପଞ୍ଚାୟତ ସହ ଭଦ୍ରକ ପୌରପାଳିକା ଏବଂ ଧାମନଗର ଏନ୍‌ଏସିର ୨୨ଟି ୱାର୍ଡର ମୋଟ ୨ ଲକ୍ଷରୁ ଅଧିକ ଲୋକ ପ୍ରଭାବିତ ହୋଇଛନ୍ତି । ଏହି ସଂଖ୍ୟା ଆଗକୁ ଆହୁରି ବୃଦ୍ଧି ପାଇବାର ସମ୍ଭାବନା ରହିଛି । ବର୍ତ୍ତମାନ ସୁଦ୍ଧା ୫୨,୮୫୧ ଜଣ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଇ ଶୁଖିଲା ଖାଦ୍ୟ ବଣ୍ଟନ କରାଯାଇଛି ।

ପଢନ୍ତୁ ଏହି ଖବର: ଏଠାରେ ପାଦ ପକାଇଲେ ଟାଣି ନେଉଛି ସମୁଦ୍ର, ୧୦୦ ମିଟର ପଛକୁ ପେଲିଦେଲା ଦୋକାନ ବଜାର

ପ୍ରଶାସନ ପକ୍ଷରୁ ୭୨ଟି କେନ୍ଦ୍ରରେ ରନ୍ଧାଖାଦ୍ୟ ଯୋଗାଇ ଦିଆଯାଉଛି। ୫୨,୮୫୧ ଜଣ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଇ ଶୁଖିଲା ଖାଦ୍ୟ ବଣ୍ଟନ କରାଯାଇଛି । ପ୍ରଶାସନ ପକ୍ଷରୁ ୭୨ଟି କେନ୍ଦ୍ରରେ ରନ୍ଧାଖାଦ୍ୟ ଯୋଗାଇ ଦିଆଯାଉଛି । ୧୮ଟି ମେଡିକାଲ ଟିମ୍ ଓ ୬ଟି ଭେଟେରିନାରୀ ଟିମ୍ ମୁତୟନ ଅଛନ୍ତି। ୧୯ ଜଣ ଗର୍ଭବତୀ ମହିଳାଙ୍କୁ ସୁରକ୍ଷିତ ଭାବେ ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରାଯାଇଛି । ବନ୍ୟାରେ ୧ ଲକ୍ଷ ୧୬ ହଜାର ୮୩୮ ଗୃହପାଳିତ ପଶୁ ପ୍ରଭାବିତ ହୋଇଛନ୍ତି ।