ବିହାରର ରାଜଧାନୀ ପାଟନାରେ ଚର୍ଚ୍ଚିତ ଖାନ୍ ସାର ଓ ଜ୍ଞାନ ବିନ୍ଦୁ କୋଚିଂ ବିବାଦରେ ଆସିଲା ନୂଆ ଟ୍ବିଷ୍ଟ । ଖାନ ସାର ନିଜ କୋଚିଂ ସେଣ୍ଟର ବାହାରେ ୧୨ ରାଉଣ୍ଡ ଫାୟାରିଂ ହୋଇଥିବା ଦାବି କରିଥିଲେ । ପାଟନା ପୋଲିସ ଏହି ଫାୟାରିଂ ଘଟଣାକୁ ଅସ୍ଵୀକାର କରିବା ପରେ ଖାନ୍ ସାର ନିଜ ଅଭିଯୋଗର ଗୋଟିଏ ଦିନ ପରେ ୟୁ-ଟର୍ଣ୍ଣ ମାରିଥିଲେ । ଏବେ ଏହି ମାମଲାରେ ଆଉ ଏକ ଟ୍ଵିଷ୍ଟ ଆସିଛି । ଗୁରୁବାର ପାଟନା ପୋଲିସ ଖାନ ସାରଙ୍କ କୋଚିଂ ସେଣ୍ଟରର ଦୁଇ ଜଣ ଗାର୍ଡଙ୍କୁ ଉଠାଇ ନେଇଛି ।

ରୋଶନ ଆନନ୍ଦଙ୍କ କୋଚିଂ ସେଣ୍ଟର ଓ ଖାନ୍ ସାରଙ୍କ କୋଚିଂ ସେଣ୍ଟରର ଲୋକଙ୍କ ମଧ୍ୟରେ ମାରପିଟ ହୋଇଥିଲା । ଏହାପରେ ଖାନ୍ ସାରଙ୍କ କୋଚିଂ ସେଣ୍ଟରର ଗାର୍ଡ ଫାୟାରିଂ କରିଥିଲେ । ଏହି ଗୁଳିକାଣ୍ଡ ସମୟର ଏକ ଭିଡିଓ ଘଟଣାସ୍ଥଳରେ ଉପସ୍ଥିତ କେହି ଜଣେ ରେକର୍ଡିଂ କରିଥିଲେ । ଏହାପରେ ଭିଡିଓ ରେକର୍ଡିଂ କରିଥିବା ଲୋକଙ୍କୁ ଧରି ତାଙ୍କ ମୋବାଇଲରୁ ଭିଡିଓ ଡିଲିଟ୍ କରାଯାଇଥିଲା । ମାତ୍ର ପରେ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଭାଇରାଲ ଭିଡିଓରେ ଖାନ୍ ସାରଙ୍କ କୋଚିଂ ସେଣ୍ଟରର ଗାର୍ଡ ଫାୟାରିଂ କରୁଥିବା ଦେଖିବାକୁ ମିଳିଛି । ସୋସିଆଲ ମିଡିଆରେ ଭିଡିଓ ଭାଇରାଲ ହେବା ପରେ ଆକ୍ସନ ମୋଡରେ ପାଟନା ପୋଲିସ ।

• ଗିରଫ ହେବେ ଖାନ୍ ସାର !

ଫାୟାରିଂ ଘଟଣାରେ ନୂଆ ମୋଡ଼ ଆସିବା ପରେ ଏବେ କୋଚିଂ ସେଣ୍ଟରର ମୁଖ୍ୟ ଖାନ୍ ସାରଙ୍କ ଉପରେ ମଧ୍ୟ ଖଣ୍ଡା ଝୁଲୁଛି ଅର୍ଥାତ ତାଙ୍କୁ ପାଟନା ପୋଲିସ ଗିରଫ କରିବାର ସମ୍ଭାବନା ରହିଛି । ଏଠାରେ କହିରଖୁଛୁ କି, ଘଟଣାରେ ପୋଲିସ ଜ୍ଞାନଦୀପ କୋଚିଂର ନିର୍ଦ୍ଦେଶକ ରୋଶନ ଆନନ୍ଦଙ୍କୁ ଗିରଫ କରିସାରିଛି । ଏବେ ଖାନ୍ ସାରଙ୍କ କୋଚିଂ ସେଣ୍ଟରର ଗାର୍ଡ ଗିରଫ ହେବା ପରେ ସେ ମଧ୍ୟ ଗିରଫ ହୋଇପାରନ୍ତି ବୋଲି ଚର୍ଚ୍ଚା ହେଉଛି ।

ପଢନ୍ତୁ ଏହି ଖବର: CBSE ପୋର୍ଟାଲ ଉପରେ ଭୟଙ୍କର DDoS ଆଟାକ୍; କଣ, କାହିଁକି ଓ କିପରି କରାଯାଏ ?

• କଣ ପୂରା ଘଟଣା ?

ପାଟନା ମୁସଲ୍ଲହପୁରରେ ଖାନ୍ ସାରଙ୍କ କୋଚିଂ ସେଣ୍ଟର ଛି । ଏହି କୋଚିଂ ସେଣ୍ଟରରେ ଜୁନ ୨ ତାରିଖରେ ମାରପିଟ ଖବର ଆସିଥିଲା । ଜ୍ଞାନବିନ୍ଦୁ କୋଚିଂର ଲୋକଙ୍କ ଉପରେ ଅଭିଯୋଗ ହୋଇଥିଲା । ରାତିରେ ଫାୟାରିଂ ହୋଇଥିବା ମଧ୍ୟ ଖାନ୍ ସାର ଅଭିଯୋଗ କରିଥିଲେ । କିନ୍ତୁ ସେ ପୋଲିସ ନିକଟରେ କରିଥିବା ଅଭିଯୋଗରେ ଗୁଳିକାଣ୍ଡ ସମ୍ପର୍କରେ କୌଣସି ଉଲ୍ଲେଖ କରିନଥିଲେ । ଅନ୍ୟପଟେ ପାଟନା ପୋଲିସ ମଧ୍ୟ ଗଣମାଧ୍ୟମ ସମ୍ମୁଖରେ ଘଟଣା ସମ୍ପର୍କରେ କହିବା ସମୟରେ ଫାୟାରିଂ କଥା କହିନଥିଲେ । ପାଟନାର ବରିଷ୍ଠ ପୋଲିସ ଅଧିକାରୀ କାର୍ତ୍ତିକେୟ ଶର୍ମା ଘଟଣା ପଛରେ ଦୁଇ କୋଚିଂ ସେଣ୍ଟର ମଧ୍ୟରେ ବିବାଦ କାରଣ ବୋଲି କହିଛି । ଏଠାରେ କହିରଖୁଛୁ କି, ଖାନ୍ ସାର ଓ ରୋଶନ ଆନନ୍ଦଙ୍କ କୋଚିଂ ସେଣ୍ଟର ମଧ୍ୟରେ ପ୍ରତିଦ୍ଵନ୍ଦ୍ଵିତା ରହିଆସିଛି ।