School Closed Tomorrow / ଆସନ୍ତାକାଲି ପ୍ରବଳ ବର୍ଷା ଆଶଙ୍କା; ସୋମବାର ସବୁ ସ୍କୁଲ, କଲେଜ ବନ୍ଦ

ରାଜ୍ୟରେ ସକ୍ରିୟ ରହିଛି ଦକ୍ଷିଣପଶ୍ଚିମ ମୌସୁମୀ ବାୟୁ । ସେପଟେ ଉତ୍ତର ପଶ୍ଚିମ ବଙ୍ଗୋପସାଗରରେ ଲଘୁଚାପ ସୃଷ୍ଟି ହୋଇଛି । ଫଳରେ ୫ ଜିଲ୍ଲାକୁ ପ୍ରବଳ ବର୍ଷା ପାଇଁ ରେଡ୍ ଆଲର୍ଟ ଜାରି ରହିଛି । ଆସନ୍ତାକାଲି ଅର୍ଥାତ ୨୪ ଅଗଷ୍ଟ ଦିନ ନବରଙ୍ଗପୁର ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ନେଇ ଭାରତୀୟ ପାଣିପାଗ ବିଭାଗ ପୂର୍ବାନୁମାନ କରିଛି । ଏଣୁ ସତର୍କତାମୂଳକ ପଦକ୍ଷେପ ସ୍ୱରୂପ ଆସନ୍ତାକାଲି (ସୋମବାର) ନବରଙ୍ଗପୁର ଜିଲ୍ଲାର ସମସ୍ତ ଅଙ୍ଗନବାଡି, ସରକାରୀ ଓ ବେସରକାରୀ ଶିକ୍ଷାନୁଷ୍ଠାନ ବନ୍ଦ ନେଇ ଜିଲ୍ଲାପାଳ ନିର୍ଦ୍ଦେଶନାମା ଜାରି କରିଛନ୍ତି ।

• ଲଗାଣ ବର୍ଷାରେ ଚନ୍ଦାହାଣ୍ଡିରେ ବନ୍ୟା

ଗତ ୨ ଦିନ ହେବ ଜିଲ୍ଲାର ଚନ୍ଦାହାଣ୍ଡି ବ୍ଲକରେ ଲଗାଣ ବର୍ଷା ଯୋଗୁଁ ବିଭିନ୍ନ ନଦୀରେ ଜଳ ସ୍ତର ବୃଦ୍ଧି ପାଇଛି । ଚନ୍ଦାହାଣ୍ଡି ଦେଇ ପ୍ରବାହିତ ମୁଖ୍ୟ ନଦୀ ଯେପରିକି ଭଣ୍ଡାର ନଦୀ, ତେଲ ନଦୀ, ବୋରେହି ନଦୀ, କୁକୁର ଜୋର୍, ସୁଖା ନଦୀରେ ବନ୍ୟା ଯୋଗୁଁ ଜଳସ୍ତର ବୃଦ୍ଧି ପାଇଛି । ବିଗତ ୧୦ ବର୍ଷ ମଧ୍ୟରେ ଏଭଳି ନଦୀ ଗୁଡ଼ିକରେ ଜଳସ୍ତର ବଢ଼ି ନ ଥିବାବେଳେ ଚଳିତ ବର୍ଷ ନଦୀଗୁଡ଼ିକ ପୂର୍ଣ୍ଣଗର୍ଭା ହୋଇପଡ଼ିଛି । ଚନ୍ଦାହାଣ୍ଡି ବ୍ଲକ୍ ଅର୍ନ୍ତଗତ ପାଟଖାଲିଆ ପାଞ୍ଚୟତର ଚିଲିଗାଁ, ବୋଦେଲପାଣିରେ ଘର ଭିତରେ ପାଣି ପଶିଯାଇଛି ।

In light of the heavy rainfall, the Collector visited waterlogged areas across Nabarangpur Municipality to inspect the situation firsthand.
Officials have been instructed to take immediate relief measures and enforce necessary precautions forthwith to ensure public safety. pic.twitter.com/L5RvMO4tvc

— Collectorate Nabarangpur (@DMnabarangpur) August 23, 2026

ପଢନ୍ତୁ ଏହି ଖବର: ବଙ୍ଗୋପସାଗରରେ ଲଘୁଚାପ; ୪୮ ଘଣ୍ଟା ଭୀଷଣ ବର୍ଷା ଚେତାବନୀ

ସେହିପରି ଭେଣ୍ଡିଆର ବଲଭଦ୍ର ଗୌଡ ଭଣ୍ଡରନଦୀର ବନ୍ୟା ପାଣିରେ ଭାସି ଯାଇଥିବା ସୂଚନା ମିଳିଛି । ଘଟଣା ସ୍ଥଳରେ ସ୍ତାନିୟ ତହସିଲଦାର ଓ ବିଡିଓ ପହଞ୍ଚି ବନ୍ୟା ପାଣିରେ ଫସିଥିବା ଲୋକଙ୍କୁ ଉଦ୍ଧାର କରିବା ସହ ବନ୍ୟା ଆଶ୍ରୟସ୍ଥଳୀକୁ ସ୍ତାନାନ୍ତାର କରିୁଛନ୍ତି । ଏହି ଅଞ୍ଚଳରେ ଥିବା ସ୍କୁଲ ଘରେ ମଧ୍ଯ ବନ୍ୟା ପାଣି ପଶିଛି । ସେପଟେ ଆସନ୍ତାକାଲି ପୁଣି ପ୍ରବଳ ବର୍ଷା ସମ୍ଭାବନା ଥିବାରୁ ସବୁ ଶିକ୍ଷାନୁଷ୍ଠାନକୁ ବନ୍ଦ କରାଯାଇଛି ।

• ପ୍ରବଳ ବର୍ଷା ପାଇଁ ଆଲର୍ଟ

ଆସନ୍ତାକାଲି ପ୍ରବଳରୁ ଅତି ପ୍ରବଳ ବର୍ଷା ନେଇ ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼, ସମ୍ବଲପୁର, ସୁବର୍ଣ୍ଣପୁର ଓ ବୌଦ୍ଧ ଜିଲ୍ଲାକୁ ଦିଆଯାଇଛି ଅରେଞ୍ଜ ୱାର୍ଣ୍ଣିଂ । ବଜ୍ରପାତ ସହ ଘଣ୍ଟାପ୍ରତି ୪୦ରୁ ୫୦ କିମି ବେଗରେ ପବନ ବହିପାରେ । ଏସବୁ ଜିଲ୍ଲାରେ ମଧ୍ୟ ବଜ୍ରପାତ ଆଶଙ୍କା ରହିଛି । ଅନ୍ୟ ଜିଲ୍ଲାକୁ କାଳବୈଶାଖୀ ନେଇ ୟେଲୋ ଆଲର୍ଟ ଜାରି ହୋଇଛି । ଆସନ୍ତାକାଲି ଯାଏଁ ସମୁଦ୍ର ଅଶାନ୍ତ ରହିବ । ତେଣୁ ମତ୍ସ୍ୟଜୀବୀଙ୍କୁ ଓଡ଼ିଶା ଉପକୂଳ ପାର୍ଶ୍ଵବର୍ତ୍ତୀ ସମୁଦ୍ରକୁ ବାରଣ କରାଯାଇଛି ।