ବରିଷ୍ଠ ଅଭିନେତା ଧର୍ମେନ୍ଦ୍ରଙ୍କ ମୃତ୍ୟୁ ତାଙ୍କ ସମଗ୍ର ପରିବାରକୁ ଭାଙ୍ଗି ପକାଇଛି। ଅଭିନେତା ଧର୍ମେନ୍ଦ୍ରଙ୍କର ୮୯ ବର୍ଷ ବୟସରେ ଦେହାନ୍ତ ହୋଇଛି । ସେ ବାର୍ଦ୍ଧକ୍ୟଜନିତ ସମସ୍ୟାରେ ପୀଡ଼ିତ ଥିଲେ । ଧର୍ମେନ୍ଦ୍ରଙ୍କ ସ୍ୱାସ୍ଥ୍ୟାବସ୍ଥା ଦିନକୁ ଦିନ ଖରାପ ହେବାକୁ ଲାଗିଥିଲା । ୮୯ ବର୍ଷ ବୟସରେ ନିଜ ମୁମ୍ୱାଇ ସ୍ଥିତ ବାସଭବନରେ ଆଖି ବୁଜିଲେ ଧର୍ମେନ୍ଦ୍ର । ତାଙ୍କ ଦେହାନ୍ତ ଯୋଗୁଁ ସମଗ୍ର ଇଣ୍ଡଷ୍ଟ୍ରିରେ ଶୋକର ଛାୟା ଖେଳିଯାଇଛି। ଧର୍ମେନ୍ଦ୍ରଙ୍କ ଶେଷ ଦର୍ଶନ ପାଇଁ ପତ୍ନୀ ହେମା ମାଳିନୀ ତାଙ୍କ ବାସଭବନରେ ପହଞ୍ଚିଥିଲେ।ହେମାଙ୍କୁ ଧଳା ସୁଟରେ ଦେଖିବାକୁ ମିଳିଥିଲା। ଧର୍ମେନ୍ଦ୍ର ତାଙ୍କ ବୃତ୍ତିଗତ ଏବଂ ବ୍ୟକ୍ତିଗତ ଜୀବନ ପାଇଁ ସବୁବେଳେ ଖବରରେ ରହିଆସିଛନ୍ତି। କିନ୍ତୁ ବର୍ତ୍ତମାନ ଆଉ ଏକ ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଛି। କୁହାଯାଉଛି କି, ଧର୍ମେନ୍ଦ୍ରଙ୍କ ସମ୍ପତ୍ତିରୁ ହେମା ମାଳିନୀଙ୍କୁ ଟଙ୍କାଟେ ବି ମିଳିବନି । ହେଲେ କାହିଁକି ବୋଲି ସମସ୍ତଙ୍କ ମନରେ ପ୍ରଶ୍ନ।

ରିପୋର୍ଟ ଅନୁଯାୟୀ, ଧର୍ମେନ୍ଦ୍ର ୪୫୦ କୋଟି ସମ୍ପତ୍ତିର ମାଲିକ । ସେ ତାଙ୍କ ଫାର୍ମହାଉସରେ ରହୁଥିଲେ । ଏହା ଖଣ୍ଡାଲାର ଲୋନାୱାଲାରେ ୧୦୦ ଏକର ଜମିରେ ବିସ୍ତୃତ । ଏଥିରେ ସମସ୍ତ ସୁବିଧା ରହିଛି । ଧର୍ମେନ୍ଦ୍ର ସେଠାରେ ଚାଷ ମଧ୍ୟ କରୁଥିଲେ। ଧର୍ମେନ୍ଦ୍ରଙ୍କ ପାଖରେ ଅନେକ ବିଳାସପୂର୍ଣ୍ଣ ଗାଡ଼ି ଅଛି । ମର୍ସିଡିଜ୍-ବେଞ୍ଜ୍ S-କ୍ଲାସ୍, ମର୍ସିଡିଜ୍-ବେଞ୍ଜ୍ SL500 ଏବଂ ଲ୍ୟାଣ୍ଡ ରୋଭର, ରେଞ୍ଜ ରୋଭର ଭଳି ମହଙ୍ଗା ଗାଡ଼ି ଏଥିରେ ସାମିଲ ରହିଛି । ତଥାପି, ତାଙ୍କର ପ୍ରିୟ ଗାଡ଼ି ହେଉଛି ୬୫ବର୍ଷ ପୁରୁଣା ଫିଆଟ୍। ହେଲେ ଏତେ ସମ୍ପତ୍ତି ନେବ କିଏ ?

ଏଥିସହ ପଢ଼ନ୍ତୁ: ୬ ଦଶନ୍ଧି ୩୦୦ ଫିଲ୍ମ, ତଥାପି କାହିଁକି ଧର୍ମେନ୍ଦ୍ରଙ୍କୁ କୁହାଯାଏନି ସୁପରଷ୍ଟାର ?

ପ୍ରକୃତରେ, ଧର୍ମେନ୍ଦ୍ର ଦୁଇଥର ବିବାହ କରିଥିଲେ । ତାଙ୍କ ପ୍ରଥମ ପତ୍ନୀଙ୍କ ନାମ ପ୍ରକାଶ କୌର, ଏବଂ ତାଙ୍କ ଦ୍ୱିତୀୟ ପତ୍ନୀଙ୍କ ନାମ ହେମା ମାଳିନୀ। ଆଇନଗତ ଭାବରେ, ହେମା ମାଳିନୀ ଧର୍ମେନ୍ଦ୍ରଙ୍କ ସମ୍ପତ୍ତି ଏବଂ ପେନସନରେ ଅଂଶ ପାଇବେ ନାହିଁ । ଧର୍ମେନ୍ଦ୍ର ତାଙ୍କ ପ୍ରଥମ ପତ୍ନୀ ପ୍ରକାଶ କୌରଙ୍କୁ ଛାଡପତ୍ର ନଦେଇ ହେମା ମାଳିନୀଙ୍କୁ ବିବାହ କରିଥିଲେ। ତେଣୁ, ହିନ୍ଦୁ ବିବାହ ଆଇନ ଅନୁଯାୟୀ, ପ୍ରଥମ ପତ୍ନୀ ଜୀବିତ ଥିବା ପର୍ଯ୍ୟନ୍ତ ହେମା ମାଳିନୀ ଏବଂ ଧର୍ମେନ୍ଦ୍ରଙ୍କ ମଧ୍ୟରେ ବିବାହକୁ ଆଇନଗତ ମାନ୍ୟତା ମିଳିନାହିଁ। ତେଣୁ, ହେମା ଧର୍ମେନ୍ଦ୍ରଙ୍କ ସମ୍ପତ୍ତିରେ କୌଣସି ଅଂଶ ପାଇବେ ନାହିଁ। ଏହା ବ୍ୟତୀତ, ତାଙ୍କର ତାଙ୍କ ପେନସନ ଉପରେ ମଧ୍ୟ କୌଣସି ଅଧିକାର ନାହିଁ।ଧର୍ମେନ୍ଦ୍ରଙ୍କ ପ୍ରଥମ ପତ୍ନୀ ପ୍ରକାଶ କୌର ଏବଂ ତାଙ୍କ ଛଅ ସନ୍ତାନଙ୍କର ଧର୍ମେନ୍ଦ୍ରଙ୍କ ସମ୍ପତ୍ତି ଉପରେ ଅଧିକାର ଅଛି।

ଏହା ମଧ୍ୟ ପଢ଼ନ୍ତୁ: ଗ୍ୟାରେଜ୍‌ରେ ଶୋଉଥିଲେ ଧର୍ମେନ୍ଦ୍ର, ଓଭର୍ ଟାଇମ୍ କରି ପାଉଥିଲେ ୨୦୦ ଟଙ୍କା

ତାଙ୍କ ଛଅ ସନ୍ତାନଙ୍କ ମଧ୍ୟରୁ ଚାରି ଜଣ ହେଉଛନ୍ତି ସନି ଦେଓଲ, ବବି ଦେଓଲ, ଅଜିତା ଦେଓଲ ଏବଂ ବିଜେତା ଦେଓଲ ତାଙ୍କ ପ୍ରଥମ ପତ୍ନୀ ପ୍ରକାଶ କୌରଙ୍କ ଠାରୁ ଏବଂ ଦୁଇଜଣ ହେଉଛନ୍ତି ଇଶା ଦେଓଲ ଏବଂ ଆହାନା ଦେଓଲ ହେମା ମାଳିନୀଙ୍କ ଠାରୁ। ଧର୍ମେନ୍ଦ୍ର ପ୍ରଥମ ବିବାହ ୧୯୫୪ରେ ପ୍ରକାଶ କୌରଙ୍କୁ କରିଥିଲେ। ସେତେବେଳେ ଧର୍ମେନ୍ଦ୍ରଙ୍କ ବୟସ ୧୯ ବର୍ଷ ଥିଲା। ଏହା ଏକ ସ୍ଥିର ବିବାହ ଥିଲା। ଧର୍ମେନ୍ଦ୍ର ୨ ମେ ୧୯୮୦ରେ ହେମାଙ୍କୁ ବିବାହ କରିଥିଲେ। ୧୯୬୦ରେ 'ଦିଲ ଭି ତେରା ହମ୍ ଭି ତେରେ' ଚଳଚ୍ଚିତ୍ରରୁ କ୍ୟାରିଅର ଆରମ୍ଭ କରିଥିଲେ ହି-ମ୍ୟାନ୍ । ସେତେବେଳେ ତାଙ୍କର ବୟସ ହୋଇଥିଲା ୨୪ । କିଛି ବର୍ଷ ଯାଏଁ ବନ୍ଦିନୀ, କାଜଲ ଆଦି ଫିଲ୍ମରେ ସହ ଅଭିନେତା ଭାବେ ଅଭିନୟ କରିଥିଲେ ।

କିନ୍ତୁ ୧୯୬୫ରେ ‘ହକିକତ’ ବ୍ଲକବଷ୍ଟର ହୋଇଥିଲା । ଏହା ତାଙ୍କୁ ନୂଆ ପରିଚୟ ପ୍ରଦାନ କରିଥିଲା । ୧୯୭୦ ଭିତରେ ବଲିଉଡର ବଡ ତାରକା ଭାବେ ସେ ପରିଚିତି ଲାଭ କରିଥିଲେ । ଅନୁପମା, ଆଦମି ଅର୍ ଇନସାନ, ମେରା ଗାଓଁ ମେରା ଦେଶ, ସୀତା ଅର୍ ଗୀତା, ସୋଲେ, ଲୋଫରରେ ସେ ଦମଦାର ଅଭିନୟ କରି ପ୍ରଶଂସା ସାଉଣ୍ଟିଥିଲେ । ୮୦ ଦଶକରେ ଅନେକ ଆକ୍ସନ ଫିଲ୍ମରେ ତାଙ୍କ ଅଭିନୟ ଦମଦାର ଥିଲା । ବଦଲେ କି ଆଗ୍, ଗୁଲାମ, ଲୋହା ତାଙ୍କର ବକ୍ସ ଅଫିସ୍ ହିଟ୍ ହୋଇଥିଲା । ୬୪ ବର୍ଷର କ୍ୟାରିଅରରେ ୭୫ଟି ହିଟ୍ ଫିଲ୍ମ ସେ ଦେଇଛନ୍ତି । ଯାହା ଅମିତାଭ ବଚ୍ଚନ, ରାଜେଶ ଖାନା, ଶାହରୁଖ ଖାନ ଏବଂ ସଲମାନ ଖାନଙ୍କ ହିଟ୍ ଫିଲ୍ମଠୁ ଅଧିକ ।

ଅଧିକ ପଢ଼ନ୍ତୁ ମନୋରଞ୍ଜନ ଖବର: