ଆଦିତ୍ୟ ଧରଙ୍କ 'ଧୁରନ୍ଧର' ଫିଲ୍ମ ଦର୍ଶକଙ୍କଠାରୁ ବେଶ ପ୍ରଶଂସା ସାଉଣ୍ଟିଛି । ଏହି ଫିଲ୍ମରେ ରଣଭୀର ସିଂ ଓ ସାରା ଅର୍ଜୁନ ନାୟକ ଓ ନାୟିକା ଭୂମିକାରେ ଅଭିନୟ କରିଥିଲେ । ଏହି ଫିଲ୍ମରେ ଅନ୍ୟ କଳାକାରଙ୍କ ମଧ୍ୟରେ ଅକ୍ଷୟ ଖନ୍ନା, ସଞ୍ଜୟ ଦତ୍ତ, ଆର. ମାଧବନ ଓ ଅର୍ଜୁନ ରାମପାଲ ଥିଲେ । ଏହି ଫିଲ୍ମର ଷ୍ଟୋରୀଲାଇନଠାରୁ ଆରମ୍ଭ କରି ଗୀତ ବି ଦର୍ଶକଙ୍କୁ ବେଶ ପସନ୍ଦ ଆସିଥିଲା । ଚଳଚ୍ଚିତ୍ରରେ ଥିବା 'ଶରାରତ୍' ଗୀତଟି ସୋସିଆଲ ମିଡିଆଠାରୁ ଆରମ୍ଭ କରି ସବୁଠି ବେଶ ଲୋକପ୍ରିୟତା ହାସଲ କରିଥିଲା । ସମସ୍ତେ ସେହି ଗୀତରେ ଝୁମିଥିଲେ । ଡାନ୍ସ ଷ୍ଟେପଗୁଡ଼ିକ ବି ବେଶ ଭାଇରାଲ ହୋଇଥିଲା । କଣ୍ଟେଣ୍ଟ କ୍ରିଏଟରମାନେ ଉକ୍ତ ଗୀତରେ ରିଲ୍ସ ସୁଟ୍ କରୁଥିବା ଦେଖିବାକୁ ମିଳିଥିଲା ।

ତେବେ ଗୀତଟି ଦର୍ଶକଙ୍କ ମନ କିଣିବା ପରେ ଏବେ ପରଦା ପଛର କାହାଣୀ କହିଛନ୍ତି ସେହି ଗୀତରେ ପରଫର୍ମ କରିଥିବା ଅଭିନେତ୍ରୀ ଆୟେଶା ଖାନ । ଏହି ଗୀତରେ ଆୟେଶା ଖାନଙ୍କ ସହିତ କ୍ରିଷ୍ଟାଲ ଡିସୁଜା ଡାନ୍ସ କରିଥିଲେ । ଏହି ଗୀତକୁ ଜାସମିନ ସାଣ୍ଡାଲ ଓ ମଧୁବନ୍ତୀ ବାଗଚି ଗାଇଥିଲେ । ଗାନା ଚାର୍ଟ ବଷ୍ଟରରେ ଟପ୍‌ରେ ଥିଲା । ଏବେ ଆୟେଶା ଖାନ ଏହି ଗୀତ ସୁଟିଂ ସମୟର କିଛି କଥା ନିଜ ଫ୍ୟାନଙ୍କ ସହିତ ସେୟାର କରିଛନ୍ତି ।

• 'ପିରିୟଡରେ ସୁଟ୍ କରିଥିଲି ଶରାରତ୍ ଗୀତ'

ଆୟେଶା ନିକଟରେ ଏକ ସାକ୍ଷାତକାରରେ କହିଥିଲେ, "ଏହା ଦୁଇ ଦିନର ସୁଟିଂ ଥିଲା ଏବଂ ବ୍ୟସ୍ତବହୁଳ ଥିଲା । ମୁଁ ମୋର ମାସିକ ଋତୁସ୍ରାବରେ ଥିଲି । ମହିଳାମାନେ ଋତୁସ୍ରାବରେ ଥିବା ସମୟରେ ଫ୍ରେସ୍ ଅନୁଭବ କରନ୍ତି ନାହିଁ । ସର୍ବଦା ଅସହଜ ଲାଗିଥାଏ । ମହିଳା ନିଜର ସର୍ବୋତ୍ତମ ସ୍ଥିତିରେ ନଥିବା ପରି ମନେ କରନ୍ତି । ଦୁଇ ଦିନ ପାଇଁ ବହୁତ କାମ ଥିଲା । କେହି ଜଣେ ପଚାରିଥିଲେ ଯେ ସେଟରେ କିପରି ଚାଲିଛି, କିନ୍ତୁ ଆମକୁ କିଛି ଜଣା ନଥିଲା । କାରଣ ଆମେ ବହୁ ବ୍ୟସ୍ତ ଥିଲୁ ।"

ସେ ଆହୁରି କହିଥିଲେ, "କ୍ରିଷ୍ଟାଲ୍ ଏବଂ ମୋ ପାଖରେ ଆଦୌ ସମୟ ନଥିଲା । ବିବାହ ସିକ୍ୱେନ୍ସ ସେହି ଦୁଇ ଦିନରେ ସୁଟିଂ କରିବାକୁ ପଡ଼ିଥିଲା । ଆମକୁ ବହୁତ କିଛି କରିବାକୁ ପଡିଥିଲା । ସମୟ ନଥିଲା । ଆମେ ବହୁତ କ୍ଳାନ୍ତ ହୋଇଯାଇଥିଲୁ ଏବଂ ଏତେ ନାଚିବା ପରେ ଆମର ହାଡ଼ ଯନ୍ତ୍ରଣା ହେଉଥିଲା । ମୁଁ ମଧ୍ୟ ବହୁତ ଭାବପ୍ରବଣ ହୋଇଗଲି କାରଣ ମୋର ମାସିକ ଋତୁସ୍ରାବ ହେଉଥିଲା । ମୁଁ ନିଜକୁ ନିୟନ୍ତ୍ରଣ କରିପାରିଲି ନାହିଁ ଏବଂ କାନ୍ଦିବାକୁ ଲାଗିଲି ।"

କ୍ରିଷ୍ଟାଲ ବିଷୟରେ କଥା ହୋଇ ଆୟେଶା କହିଥିଲେ ଯେ କ୍ରିଷ୍ଟାଲ ଏବଂ ସେ ଏକାଠି ବହୁତ ଭଲ ସମୟ ବିତାଇଥିଲେ । କ୍ରିଷ୍ଟାଲ ତାଙ୍କ ସିନିୟର ଏବଂ ସେ ପୂର୍ବରୁ ବହୁତ କାମ କରିଛନ୍ତି । ଯେତେବେଳେ ସେ ଜାଣିଲି ଯେ ଉଭୟ ଏକ ଗୀତ ସେୟାର କରୁଛନ୍ତି, ମୁଁ ଭାବିଥିଲି ଯେ ସେ ସିନିୟରଙ୍କ ଭଳି ବ୍ୟବହାର କରିବେ । କିନ୍ତୁ କ୍ରିଷ୍ଟାଲ ଜଣେ ଭଲ ଅଭିନେତ୍ରୀ ବୋଲି କହିଛନ୍ତି ଆୟେଶା ।

ଏଥିସହ ପଢନ୍ତୁ: RSSର ଶତବାର୍ଷିକୀ ସମାରୋହ; କାର୍ଯ୍ୟକ୍ରମରେ ଖାସ୍ ଅନ୍ଦାଜରେ ପହଞ୍ଚିଲେ ସଲମାନ ଖାନ୍