ଅର୍ଗସ ବ୍ୟୁରୋ : ଭୂତ ମୁଭି । ନାଁ ଶୁଣିବା ମାତ୍ରେ ଯେତିକି ଡର ଲାଗେ , ଦେଖିବାକୁ ବି ସେତିକି ଇଚ୍ଛା ହୁଏ । ହରର୍ ମୁଭି କହିବା ମାତ୍ରେ ସମସ୍ତେ ଦେଖିବାକୁ ଭାରି ଏକ୍ସାଇଟେଡ୍ ହୋଇଯାଆନ୍ତି । କାରଣ ଅନେକ ଜଣଙ୍କୁ ଭୂତ ମୁଭି ଦେଖିବା ଖୁବ ପସନ୍ଦ । ତେବେ କେଉଁ କେଉଁ ହରୋର୍ ମୁଭି ଦେଖିବା ମାତ୍ରେ ଆପଣବି ଡରିବା ସହ ଖୁବ ଉପଭୋଗ କରିବେ, ଆସନ୍ତୁ ଜାଣିବା ।
ଓଟିଟି ପ୍ଲାଟଫର୍ମରେ ଏହି ହରର୍ ମୁଭିଗୁଡିକ ଏବେ ଖୁବ ହିଟ ଲିଷ୍ଟରେ ଅଛି । ଲିଷ୍ଟର ପ୍ରଥମରେ ଅଛି ,
ବୁଲୁବୁଲ୍ । ଏହି ମୁଭି ଏକ ଛୋଟ ଝିଅର ବାହାଘରକୁ ନେଇ ତିଆରି ହୋଇଛି । ସେ ପରେ ତାଙ୍କ ଘରର ଜଣେ ଶକ୍ତିଶାଳୀ ମହିଳା ଭାବେ ନିଜ ପରିବାରର ସମସ୍ତଙ୍କୁ ନିଜ ଆୟତ୍ତରେ ରଖୁଛି । ପରେ ଆଶ୍ଚର୍ଯ୍ୟଜନକ ଭାବେ ସେହି ଗାଁରେ ସବୁ ପୁରୁଷ ମାନଙ୍କର ମୃତ୍ୟୁ ହେଉଛି । ଏହି ମୁଭିରେ ମୁଖ୍ୟ ଭୂମିକାରେ ଅଛନ୍ତି ତୃପ୍ତି ଡିମରି । ସମସ୍ତଙ୍କ ପ୍ରଥମ ପସନ୍ଦ ଭାବେ ଏହି ହରୋର୍ ମୁଭି ନେଟଫ୍ଲିକ୍ସରେ ଷ୍ଟ୍ରିମିଂ ହୋଇଛି ।
ପରି : ପରି । ଏକ ଘରେ ଚେନ୍‌ରେ ବନ୍ଧା ହୋଇ ସେ ପଡି ରହିଛି । ସମସ୍ତେ ତାଙ୍କୁ ପୀଡିତା ବୋଲି ଭାବୁଛନ୍ତି । ହେଲେ ତାର ଏକ ଖୁବ୍ ଭଲ ଲୋକ ସହ ଭେଟ ହେଉଛି , ଯାହା ସହ ଖୁବ ଅଜବ ଅଜବ ଅଲୌକିକ ଘଟଣା ସବୁ ଘଟୁଛି । ସସପେନ୍ସ ଏବଂ ହରୋର୍ ଉପରେ ଏହି ମୁଭିରେ ମୁଖ୍ୟ ଭୂମିକାରେ ଅଛନ୍ତି ଅନୁଷ୍କା ଶର୍ମା, ପରମବ୍ରତ ଚାଟାର୍ଜୀ , ରଜତ କପ୍ପୁର, ମାନସୀ ମୁଲତାନୀ । ପ୍ରାଇମ ଭିଡିଓରେ ଏହି ମୁଭି ଷ୍ଟ୍ରିମିଂ କରାଯାଇଛି ।
1920 ; ଏହି ମୁଭି ଦୁଇଜଣ ପ୍ରେମୀଯୁଗଳଙ୍କ ଉପରେ ଆଧାରିତ । ଉଭୟ ବିବାହ ପରେ ଏକ ନୂଆ ମହଲକୁ ଯାଉଛନ୍ତି । କିନ୍ତୁ ସେଠାରେ ରହିବା ପରେ ପତ୍ନୀଜଣକ ତାଙ୍କୁ ନିଜ ଆୟତ୍ତକୁ ଆଣିବାକୁ ଚେଷ୍ଟା କରୁଛି । ଯେଉଁଠି ସବୁକିଛି ଅଦଳବଦଳ ହୋଇ ଯାଉଛି । ଏହି ମୁଭିରେ ମୁଖ୍ୟ ଭୂମିକାରେ ଅଛନ୍ତି ରାଜନେଶ ଦୁଗଲ ଏବଂ ଆଦା ଶର୍ମା । ପ୍ରାଇମ ଭିଡିଓରେ ଏହି ଷ୍ଟ୍ରିମିଂ କରାଯାଇଛି ।

ଅଧିକ ପଢନ୍ତୁ : ଖାଲି ଫିଲ୍ମ ନୁହେଁ ଦାନ ଧର୍ମ କରିବାରେ ମଧ୍ୟ ଅକ୍ଷୟ ଆଗରେ

ସଇତାନ : ବାପା ମାଆ, ଦୁଇ ପୁଅଝିଅଙ୍କୁ ନେଇ ଗୋଟି ସୁନ୍ଦର ପରିବାର । ଯେଉଁ ପରିବାରରେ ହଠାତ୍ ଜଣେ ଅଜଣା ବ୍ୟକ୍ତି ପଶି ଆସିବା ପରେ ସବୁକିଛି ଅଦଳବଦଳ ହୋଇଯାଉଛି । ଏଥିରେ ମୁଖ୍ୟ ଭୂମିକାରେ ଅଛନ୍ତି ଆର ମାଧବାର୍‍ ଅଜୟ ଦେବଗନ, , ଜ୍ୟୋତିକା । ନେଟଫ୍ଲିକ୍ସରେ ଏହି ମୁଭି ଷ୍ଟ୍ରିମିଂ କରାଯାଇଛି ।
ଛୋରୀ : ଏକ ନବଦମ୍ପତ୍ତିଙ୍କ ଉପରେ ତିଆରି ହୋଇଛି ଏହି ମୁଭି । ଯେଉଁଥିରେ ଉଭୟ ଏକ ନୂଆ ଘରେ ରହିବା ପରେ ଉଭୟଙ୍କ ସହ ଅଜବ ଅଜବ ଘଟଣା ଦେଖିବାକୁ ମିଳୁଛି । ଯାହାକୁ ନେଇ ସେମାନେ ନିଜ ଜୀବନ ତଥା ନିଜର ପିଲାର ଜୀବନ ବଞ୍ଚାଇବାକୁ ଚେଷ୍ଟା କରୁଛନ୍ତି । ନୁସରତ୍ ଭାରୁଚା ଏଥିରେ ମୁଖ୍ୟ ଭୂମିକାରେ ଅଛନ୍ତି । ପ୍ରାଇମ ଭିଡିଓରେ ଏହି ମୁଭି ଷ୍ଟ୍ରିମିଂ କରାଯାଇଛି ।

Argus News | argus news | -Argusnews Home: Odisha Latest News, Breaking News, Trending News, Live TV and more