Videos
|
Entertainment

Big B Viral Post / ଭାଇରାଲ ହେଉଛି ଅମିତାଭ ବଚ୍ଚନଙ୍କ ପୋଷ୍ଟ; ରାତିଅଧରେ କହିଲେ 'ବଞ୍ଚିଗଲି'

Debashree Debasmita Sahoo
Browse all articles by Debashree Debasmita Sahoo
·13 mins ago·2 min read
ଭାଇରାଲ ହେଉଛି ଅମିତାଭ ବଚ୍ଚନଙ୍କ ପୋଷ୍ଟ; ରାତିଅଧରେ କହିଲେ 'ବଞ୍ଚିଗଲି'
Amitabh Bachchan Viral post

Key Points

ଅମିତାଭ ବଚ୍ଚନଙ୍କୁ ମିଳିଥିଲା ଧମକ
ପୋଲିସ ୨ଜଣଙ୍କୁ ଗିରଫ ବି କରିସାରିଛି
ତେବେ କାହିଁକି 'ବଞ୍ଚିଗଲି' ପୋଷ୍ଟ କଲେ ଅମିତାଭ
ମୁମ୍ବାଇ: ରାତି ଅଧରେ ବଲିଉଡର ଦିଗ୍ଗଜ ଅଭିନେତା ଅମିତାଭ ବଚ୍ଚନଙ୍କ କ୍ରିପ୍ଟିକ୍ ପୋଷ୍ଟ । ଏକ୍ସରେ ପୋଷ୍ଟ କରି ଲେଖିଲେ "ବଞ୍ଚିଗଲି" । ବିଗ ବିଙ୍କୁ କିଛି ଦିନ ହେଲା ଧମକ ମିଳିବା ପରେ ବର୍ଷିୟାନ ଅଭିନେତାଙ୍କ ଏହି ପୋଷ୍ଟକୁ ନେଇ ବେଶ ଚର୍ଚ୍ଚା ହେଉଛି । ଲଗାତାର ୩ଥର ଧମକ ମିଳିବା ପରେ ତାଙ୍କ ସୁରକ୍ଷା ବ୍ୟବସ୍ଥାକୁ ବଢାଇ ଦିଆଯାଇଥିଲା । ଜଲସା ବାହାରେ ସୁରକ୍ଷାକୁ କଡ଼ାକଡ଼ି କରାଯାଇଥିଲା । ଏହାରି ଭିତରେ ଦିଲ୍ଲୀ ପୋଲିସର ସ୍ପେଶାଲ ସେଲ୍ ଦୁଇ ସୁଟରଙ୍କୁ ଗିରଫ କରିଛି, ଯେଉଁମାନଙ୍କ କନେକ୍ସନ ଲରେନ୍ସ ବିଷ୍ଣୋଇ ସହ ଅଛି ।

ଦିଲ୍ଲୀ ପୋଲିସର କହିବାନୁସାରେ, ଦୁଇ ସୁଟରଙ୍କୁ ଗିରଫ କରିବା ପରେ ଅଭିନେତାଙ୍କ ଉପରେ ଆକ୍ରମଣ କରିବା ଷଡ଼ଯନ୍ତ୍ର ପଣ୍ଡ ହୋଇଛି । ଏହି ଆକ୍ରମଣ ଅମିତାଭଙ୍କ ୧୯୮୪ ଶିଖ ଧର୍ମାବଲମ୍ବୀ ବିରୋଧୀ ଏକ ବୟାନକୁ ନେଇ ହେବାର ଥିଲା । ସୁଟରଙ୍କୁ ଗିରଫ କରିବା ପରେ ବିଗ ବିଙ୍କ ଏହି କ୍ରିପ୍ଟିକ୍ ପୋଷ୍ଟ ଆସିଛି ।

  • 'ବଞ୍ଚିଗଲି' ପୋଷ୍ଟକୁ ନେଇ ଚର୍ଚ୍ଚା
ବିଳମ୍ବିତ ରାତିରେ ଅଭିନେତା ଏକ ପୋଷ୍ଟ କରି ସେଥିରେ କେବଳ 'ବଞ୍ଚିଗଲି' ଲେଖିଛନ୍ତି । ଏହାବ୍ୟତୀତ ଆଉ କିଛି ଲେଖିନାହାନ୍ତି । ଅଭିନେତାଙ୍କୁ ମିଳୁଥିବା ଧମକ ସହ ଏହି ପୋଷ୍ଟଟି ଜଡ଼ିତ ବୋଲି କୁହାଯାଉଛି । ଅମିତାଭଙ୍କ ଏହି ପୋଷ୍ଟ ପରେ ଅନେକ ପ୍ରଶଂସକ ତାଙ୍କର ସୁରକ୍ଷାକୁ ନେଇ ଚିନ୍ତିତ ବ୍ୟକ୍ତ କରିଛନ୍ତି । ଏହାସହିତ କମେଣ୍ଟ ସେକ୍ସନରେ ତାଙ୍କର ସୁରକ୍ଷା କାମନା କରିଛନ୍ତି ।

  • ଦୁଇ ସୁଟରଙ୍କ ଥିଲା ଦୁଇଟି ଭିନ୍ନ ପ୍ଲାନ୍
ଦିଲ୍ଲୀ ପୋଲିସ କହିଛି ଯେ, ଗିରଫ ହୋଇଥିବା ଦୁଇ ଜଣ ସୁଟର୍‌ ଭିନ୍ନ ଭିନ୍ନ ଗୁଳିକାଣ୍ଡର ଷଡ଼ଯନ୍ତ୍ର କରିଥିଲେ । ଦିଲ୍ଲୀର ଜଣେ ବ୍ୟବସାୟୀ ଓ ମୁମ୍ବାଇରେ ଅମିତାଭ ବଚ୍ଚନଙ୍କ ଘର ଉପରେ ଆକ୍ରମଣର ଯୋଜନା ଥିଲା । ପ୍ରଥମ ଅଭିଯୁକ୍ତ ବିକାଶ ଦିଲ୍ଲୀର ବ୍ୟବସାୟୀଠାରୁ ଟଙ୍କା ହଡ଼ପ ପାଇଁ ଯୋଜନା କରିଥିଲା । ଏ ସମ୍ପର୍କରେ ପୋଲିସ ବିଶେଷ ସୂତ୍ରରୁ ଖବର ପାଇବା ପରେ, ତୁରନ୍ତ ବିକାଶକୁ ଗିରଫ କରିଥିଲା । ଏହାପରେ ମୁମ୍ବାଇରେ ଲୁଚିଥିବା ଅଭିଯୁକ୍ତ ଦୀପକକୁ ଗିରଫ କରାଯାଇଥିଲା । ଏବେ ଏହି ଦୁଇ ଜଣ ବ୍ୟକ୍ତି ପରସ୍ପରକୁ କେମିତି ଜାଣିଲେ ଓ କିପରି ଯୋଗାଯୋଗରେ ରହିଲେ, ସେ ନେଇ ପୋଲିସ ତଦନ୍ତ କରୁଛି ।

ପଢନ୍ତୁ ଏହି ଖବର: ଅମିତାଭ ବଚ୍ଚନଙ୍କ 'ଜଲସା'କୁ ବୋମାରେ ଉଡ଼ାଇବାକୁ ଧମକ…ଟାର୍ଗେଟ୍‌ରେ ବମ୍ବେ ହାଇକୋର୍ଟ, BSE

  • ଅମିତାଭଙ୍କୁ ଗୋଟିଏ ମାସରେ ୩ଟି ଧମକି
ସୁପରଷ୍ଟାର ଅମିତାଭ ବଚ୍ଚନଙ୍କ ମୁମ୍ବାଇ ସ୍ଥିତ ଜଲସା ବାସଭବନ ଉପରେ ଆତ୍ମଘାତୀ ଆକ୍ରମଣ ପାଇଁ ବାରମ୍ବାର ଧମକ ଆସୁଥିଲା । ଜଲସା ନାଁରେ ଗତ ମାସରେ ୩ଟି ଇ-ମେଲ୍ ଆସିଥିଲା । ପ୍ରଥମ ଇମେଲ୍ ଅକ୍ଟୋବର ୨୩ ତାରିଖରେ ଆସିଥିଲା, ଯେଉଁଥିରେ ଜଲସା ଉପରେ ଆକ୍ରମଣ ପାଇଁ ଧମକ ଦିଆଯାଇଥିଲା । ଏହାପରେ ଦ୍ଵିତୀୟ ଇମେଲ୍ ନଭେମ୍ବର ୬ ତାରିଖରେ ହାଇକୋର୍ଟ ଓ ତୃତୀୟ ଇମେଲ୍ ନଭେମ୍ବର ୧୨ ତାରିଖରେ ଆସିଥିଲା, ଯେଉଁଥିରେ ଜଲସା ସହ ମୁମ୍ବାଇ ଏୟାରପୋର୍ଟ, ମେୟର କାର୍ଯ୍ୟାଳୟ ଓ ଅନେକ ବ୍ୟାଙ୍କ ଉପରେ ଆକ୍ରମଣ ପାଇଁ ଧମକ ଦିଆଯାଇଥିଲା । ବାରମ୍ବାର ଧମକ ଆସିବା ପରେ ଅମିତାଭଙ୍କ ସୁରକ୍ଷା ବ୍ୟବସ୍ଥାକୁ ବଢାଯାଇଥିଲା ।
Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free: