ଫ୍ରାନ୍ସରେ ଆୟୋଜିତ କାନ୍ସ ଫିଲ୍ମ ଫେଷ୍ଟିଭାଲ ୨୦୨୬କୁ ନେଇ ଏବେ ସବୁଠି ଚର୍ଚ୍ଚା । ସୋସିଆଲ ମିଡିଆରେ ପୁଳା ପୁଳା ଫଟୋ ଭାଇରାଲ । କାନ୍ସରେ ଏବେ ଲାଗିଛି ସେଲିବ୍ରିଟିଙ୍କ ଭିଡ଼ । ନୂଆ ନୂଆ ଲୁକ୍ ସହ ପହଞ୍ଚୁଛନ୍ତି ବିଶ୍ଵର ବିଭିନ୍ନ କୋଣ ଅନୁକୋଣର ତାରକା । ଫିଲ୍ମଷ୍ଟାରଙ୍କଠୁ ଆରମ୍ଭ କରି ଫ୍ୟାସନ ଡିଜାଇନର ଓ ଅନ୍ୟ କ୍ଷେତ୍ରର ଲୋକେ କାନ୍ସରେ ଏବେ ନିଜର ଜଲୱା ଦେଖାଉଛନ୍ତି । ଏଥର କାନ୍ସର ରେଡ୍ କାର୍ପେଟରେ କେବଳ ଫ୍ୟାସନର ନୁହେଁ, ବରଂ ସନାତନ ଧର୍ମ ଓ ଭକ୍ତିର ମଧ୍ୟ ଚର୍ଚ୍ଚା ହୋଇଛି ।

କାରଣ ଏଥର ଫ୍ୟାସନ ଡିଜାଇନର ଅଞ୍ଜଳି ଫୋଗାଟ ନିଜ ସହିତ ସନାତନ ଧର୍ମର ପ୍ରଚାରକ ପ୍ରେମାନନ୍ଦ ମହାରାଜଙ୍କୁ ସାଥୀର ନେଇ ଯାଇଛନ୍ତି । ତେବେ ପ୍ରେମାନନ୍ଦଜୀ ବ୍ୟକ୍ତିଗତ ଭାବେ ରେଡ୍ କାର୍ପେଟରେ ଉପସ୍ଥିତ ହୋଇନଥିଲେ, ବରଂ ତାଙ୍କର ଏକ ଫଟୋଚିତ୍ର ଥିବା ପର୍ସକୁ ନେଇ ଅଞ୍ଜଳି ବିଦେଶରେ ପହଞ୍ଚିଥିଲେ । ଅଞ୍ଜଳିଙ୍କ ଏହି ଲୁକରେ ରାଧାକୃଷ୍ଣଙ୍କ ପ୍ରତି ଥିବା ତାଙ୍କର ଭକ୍ତି ସ୍ପଷ୍ଟ ଭାବେ ଦିଶୁଥିଲା । ତାଙ୍କ ପର୍ସରେ ପ୍ରେମାନନ୍ଦ ମହାରାଜଙ୍କ ଫଟୋକୁ ଦେଖି ସଭିଙ୍କ ମନରେ ପ୍ରଶ୍ନ ଉପୁଜିଥିଲା ଯେ ସେ ବ୍ୟକ୍ତି ଜଣକ କିଏ ?

• କାନ୍ସରେ ଅଞ୍ଜଳି ଫୋଗାଟଙ୍କ ଖାସ୍ ଲୁକ୍

କାନ୍ସର ରେଡ୍ କାର୍ପେଟରେ ଅଞ୍ଜଳି ଫୋଗାଟ୍ ନିଜ ଖାସ୍ ଆଉଟଫିଟ୍ ଓ ଜୁଏଲାରୀ ପିନ୍ଧି ବିଶ୍ଵର ସବୁଠୁ ବଡ଼ ଫ୍ୟାସନ ମଞ୍ଚରେ ସନାତନ ସଂସ୍କୃତିର ବାର୍ତ୍ତା ଦେଇଥିଲେ । ଅଞ୍ଜଳିଙ୍କ ଏହି ଲୁକ୍ ଦେଖି ସମସ୍ତେ କହିଥିଲେ ଯେ କାନ୍ସର ରେଡ୍ କାର୍ପେଟରେ ପ୍ରେମାନନ୍ଦ ମହାରାଜଙ୍କ ଭକ୍ତି ଓ ରାଧେରାଧେଙ୍କ ଭକ୍ତିର ରଙ୍ଗ ଯେପରି ବରଷିଥିଲା । ଅଞ୍ଜଳିଙ୍କ ଲୁକ୍ ବିଷୟରେ କହିଲେ, ସେ ଏକ ସ୍କାଇ ବ୍ଲୁ ରଙ୍ଗର ଲେହେଙ୍ଗା ପିନ୍ଧିଥିଲେ । ଏହାସହିତ ଏବେ ଟ୍ରେଣ୍ଡରେ ଥିବା ଜାଲିର ଓଢଣୀକୁ ସେ ନିଜ ଆଉଟଫିଟରେ ସାମିଲ କରିଥିଲେ ।

• କେଶସଜ୍ଜାକୁ ବି ନେଇ ବେଶ ଚର୍ଚ୍ଚା

ଏହାସହିତ ଅଞ୍ଜଳି ରାଧା-କୃଷ୍ଣଙ୍କ ମୂର୍ତ୍ତି ଥିବା ଏକ କମରପଟି ପିନ୍ଧିଥିଲେ, ଯେଉଁଥିରେ ପ୍ରଭୁ ଶ୍ରୀକୃଷ୍ଣ ଓ ରାଧା ଏକ ଦୋଳିରେ ବସି ଝୁଲୁଥିଲେ । ଏହା ସୁନେଲି ରଙ୍ଗର ହୋଇଥିଲା । ଏହାବାଦ୍ ଅଞ୍ଜଳି ଏକ ଲମ୍ବା ବେଣୀର ହେୟାର ଷ୍ଟାଇଲ୍ କରିଥିଲେ, ଯେଉଁଥିରେ ସେ ମୋତିର ଏକ ଜୁଏଲାରୀ ଲଗାଇଥିଲେ, ଯାହାକି ତାଙ୍କ ଲୁକକୁ ଆହୁରି ସୁନ୍ଦର କରିଥିଲା ।

• ପ୍ରେମାନନ୍ଦ ମହାରାଜଙ୍କ ଫଟୋର ପର୍ସ

ଅଞ୍ଜଳିଙ୍କ ପୁରା ଲୁକରେ ସନାତନ ଧର୍ମର ବାର୍ତ୍ତା ଝଲସୁଥିଲା ସତ, କିନ୍ତୁ ଯାହା ସବୁଠୁ ଆକର୍ଷଣୀୟ ହୋଇଥିଲା, ତାହା ହେଉଛି ଅଞ୍ଜଳି ଧରିଥିବା ଏକ ପର୍ସ । ଏଥିରେ ସନାତନ ଧର୍ମ ପ୍ରଚାରକ ପ୍ରେମାନନ୍ଦ ମହାରାଜାଙ୍କ ଫଟୋ ଥିଲା । ଏହାପରେ ରେଡ୍ କାର୍ପେଟରେ ସନାତନ ଧର୍ମ ଓ ଭକ୍ତିର ବେଶ ଚର୍ଚ୍ଚା ହେଉଛି । ସୋସିଆଲ ମିଡିଆରେ ମଧ୍ୟ ଅଞ୍ଜଳିଙ୍କ ଏହି ଲୁକକୁ ଅନେକ ପ୍ରଶଂସା କରିଛନ୍ତି । ସେ ଲେହେଙ୍ଗା ଓ ସମ୍ପୂର୍ଣ୍ଣ ପାରମ୍ପରିକ ଲୁକରେ ରହି ଭାରତୀୟ ପରମ୍ପରାକୁ ବିଶ୍ଵ ଦରବାରରେ ପହଞ୍ଚାଇଥିବା ନେଟିଜେନ୍ସ କହିଛନ୍ତି ।

ପଢନ୍ତୁ ଏହି ଖବର: ଐଶ୍ଵର୍ଯ୍ୟାଙ୍କ କେପ୍‌ରେ ଭଗବତ ଗୀତା ଶ୍ଲୋକ, ପ୍ରଶଂସା କଲେ ଦର୍ଶକ

• କିଏ ଅଞ୍ଜଳି ଫୋଗାଟ୍ ?

ଅଞ୍ଜଳି ଫୋଗାଟ୍ ହେଉଛନ୍ତି ଜଣେ ଭାରତୀୟ ଫ୍ୟାସନ ଡିଜାଇନର, ମଡେଲ ଓ ସୋସିଆଲ ମିଡିଆ ପର୍ସନାଲିଟି । ସେ ବିଶେଷ ଭାବେ ନିଜର ଗ୍ଲାମର୍ ଲୁକ୍ ଓ କାନ୍ସ ଫିଲ୍ମ ଫେଷ୍ଟିଭାଲର ରେଡ୍ କାର୍ପେଟରେ ନିଜର ଉପସ୍ଥିତିକୁ ନେଇ ଚର୍ଚ୍ଚାରେ ରହିଥାନ୍ତି ।