Argus News - ପୁଣି ବଲିଉଡରେ ଧମାଲ କରିବେ ଅନୁଷ୍କା; ୧୮୦୦ କୋଟି ଫିଲ୍ମରେ ଦିଶିବେ ବିରାଟଙ୍କ କ୍ଵିନ୍

ଅନେକ ଦିନ ଧରି ସିଲଭର ସ୍କ୍ରିନରୁ ଦୂରରେ ଅଛନ୍ତି ବଲିଉଡର ଟପ୍ ହିରୋଇନ ଅନୁଷ୍କା ଶର୍ମା । ହେଲେ ଏବେ ଫ୍ୟାନଙ୍କ ପାଇଁ ଏକ ଖୁସି ଖବର ଆସିଛି । କାରଣ ପୁଣି ନିଜ ଅଭିନୟ ଯାଦୁରେ ଫ୍ୟାନଙ୍କୁ ମତୁଆଲା କରିବାକୁ ଆସୁଛନ୍ତି ଅନୁଷ୍କା । ଦୀର୍ଘ ୮ ବର୍ଷ ପରେ ବିରାଟଙ୍କ କ୍ଵିନ୍ ଅଭିନୟ ଜଗତକୁ ଫେରୁଛନ୍ତି । ୧୮୦୦ କୋଟିର ଏକ ବଡ଼ ବଜେଟ୍ ଫିଲ୍ମରେ ସେ ନଜର ଆସିବେ ।

ସବୁଠୁ ଖାସ କଥା ହେଉଛି ଅନୁଷ୍କା ଶର୍ମାଙ୍କ ଏହି କମବ୍ୟାକ୍ କେବଳ ଅଭିନୟ ଜଗତକୁ କମବ୍ୟାକ୍ ହେବନାହିଁ ବରଂ ଏକ ଡେବ୍ୟୁ ହେବ । ରିପୋର୍ଟ ଅନୁସାରେ, ଅନୁଷ୍କା ସାଉଥ ସିନେମାରେ ନଜର ଆସିବେ । ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଆଗାମୀ ଫିଲ୍ମ 'AA22'ରେ ଅନୁଷ୍କାଙ୍କୁ ଦେଖିବାକୁ ମିଳିପାରେ । ଏହି ଖବର ଆସିବା ପରେ ଅନୁଷ୍କାଙ୍କ ପ୍ରଶଂସକଙ୍କ ମଧ୍ୟରେ ଖୁସିର ମାହୋଲ ଦେଖିବାକୁ ମିଳିଛି । ବହୁ ଦିନ ପରେ ଅନୁଷ୍କାଙ୍କୁ ବଡ଼ ପରଦାରେ ଦେଖିବା ଲାଗି ଫ୍ୟାନ୍ସ ବେଶ ଉତ୍ସାହିତ ଅଛନ୍ତି ।

• ଏହି ଫିଲ୍ମରେ କମବ୍ୟାକ୍ କରିବେ ଅନୁଷ୍କା

ଅଲ୍ଲୁ ଅର୍ଜୁନଙ୍କ ଆଗାମୀ ଫିଲ୍ମ, ଯାହାର ଅସ୍ଥାୟୀ ନାମ AA22xA6 ରଖାଯାଇଛି । ଦକ୍ଷିଣ ସିନେ ଜଗତର ଏହି ଚଳଚ୍ଚିତ୍ରରେ ଅନୁଷ୍କାଙ୍କୁ ଦେଖିବାକୁ ମିଳିପାରେ । ଏଯାବତ ମେକର କିମ୍ବା ଅଭିନେତ୍ରୀଙ୍କ ପକ୍ଷରୁ କୌଣସି ସ୍ପଷ୍ଟ ସୂଚନା ଦିଆଯାଇନାହିଁ । ହେଲେ ସୂତ୍ରରୁ ସେ ସାଉଥ ଫିଲ୍ମରେ ଡେବ୍ୟୁ କରିପାରନ୍ତି ବୋଲି ଜଣାପଡ଼ିଛି । ଏହା ପୂର୍ବରୁ ଅନୁଷ୍କା ଭାରତୀୟ ମହିଳା କ୍ରିକେଟର ଝୁଲନ ଗୋସ୍ଵାମୀଙ୍କ ବାୟୋପିକ୍ ଫିଲ୍ମରେ କମବ୍ୟାକ୍ କରିଥାନ୍ତେ, ଯାହାକି ନେଟଫ୍ଲିକ୍ସରେ ରିଲିଜ ହେବ ବୋଲି କୁହାଯାଉଥିଲା । କିନ୍ତୁ କୌଣସି କାରଣବଶତଃ ଏହି ଫିଲ୍ମର କାମ ପୁରା ହୋଇନାହିଁ ।

• AA22xA6 ଫିଲ୍ମ ଅପଡେଟ୍

ଏହି ଫିଲ୍ମ ସମ୍ପର୍କରେ କହିଲେ, ପୁଷ୍ପା-୨ ପରେ ଏହା ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଆଗାମୀ ବଡ଼ ଫିଲ୍ମ । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ବାଦଶାହ ଶାହାରୁଖ ଖାନଙ୍କ ଅଲ୍ ଟାଇମ୍ ବ୍ଲକବ୍ଲଷ୍ଟର ଫିଲ୍ମ ତିଆରି କରୁଥିବା ଜଣାଶୁଣା ନିର୍ଦ୍ଦେଶକ ଏଟଲି । ଏହି ଫିଲ୍ମରେ ଦୀପିକା ପାଦୁକୋନଙ୍କୁ ଅଲ୍ଲୁ ଅର୍ଜୁନଙ୍କ ବିପକ୍ଷରେ ନଜର ଆସିବେ । ସେହିପରି ରଶ୍ମିକା ମନ୍ଦାନାଙ୍କୁ ନେଗେଟିଭ ରୋଲରେ ଦେଖିବାକୁ ମିଳିପାରେ । କୁହାଯାଉଛି ଏହି ଫିଲ୍ମରେ ଅଲ୍ଲୁ ଅର୍ଜୁନ ଭିନ୍ନ ଭିନ୍ନ ଚରିତ୍ରରେ ଅଭିନୟ କରିବେ । ତେବେ ମେକର୍ସ ଅଲ୍ଲୁ ଅର୍ଜୁନଙ୍କ ୪୪ତମ ଜନ୍ମଦିନ ଅବସରରେ ଏହି ଫିଲ୍ମର ଟିଜର ଓ ଟାଇଟଲ ଜାରି କରିବେ । ଏହି ଟିଜରରେ କାଷ୍ଟିଂର ମଧ୍ୟ ଖୁଲାସା ହେବ ।

ସୂଚନା ଥାଉ କି, ଅନୁଷ୍କା ଶର୍ମାଙ୍କ ଶେଷ ଅଭିନୟ 'କଲା' (୨୦୨୨) ଥିଲା । ତେବେ ପୁଅ ଆକାୟଙ୍କ ଜନ୍ମ ପରେ ଅନୁଷ୍କା ୨୦୨୪ ମସିହାରୁ ଲଣ୍ଡନରେ ରହୁଛନ୍ତି । ବଲିଉଡର ଏହି ଚର୍ଚ୍ଚିତ ଅଭିନେତ୍ରୀ ଭାରତୀୟ କ୍ରିକେଟର ବିରାଟ କୋହଲିଙ୍କୁ ବିବାହ କରିଛନ୍ତି । ଉଭୟଙ୍କ ଭାମିକା ନାମକ ଏକ ଝିଅ ମଧ୍ୟ ଅଛି । ଏହି କପଲ୍ ଅଧିକାଂଶ ସମୟରେ ବିଭିନ୍ନ କାରଣ ପାଇଁ ଚର୍ଚ୍ଚାରେ ରହିଥାନ୍ତି ।

ଅଧିକ ଖବର ପଢନ୍ତୁ...