ଅର୍ଗସ ବ୍ୟୁରୋ: ଅଭିନେତା ସୈଫ୍ ଅଲ୍ଲୀ ଖାନ୍‌ଙ୍କୁ ଆକ୍ରମଣ ଘଟଣା । ସୈଫ୍‌ଙ୍କ ବୟାନ ରେକର୍ଡ କରିଛି ବାନ୍ଦ୍ରା ପୋଲିସ । ସୈଫ୍‌ କହିଛନ୍ତି, ୧୬ ଜାନୁଆରୀ ଆକ୍ରମଣ ଦିନ ସେ ତାଙ୍କ ପତ୍ନୀ କରୀନା କପୁରଙ୍କ ସହ ନିଜ ବେଡ୍‌ରୁମ୍‌ରେ ଥିଲେ, ସେତେବେଳେ ସେ ତାଙ୍କ ନର୍ସ ଏଲିୟାମା ଫିଲିପଙ୍କ ଚିତ୍କାର ଶୁଣିଥିଲେ । ସଙ୍ଗେ ସଙ୍ଗେ ସୈଫ୍‌ ଓ କରୀନା ଉଭୟ ତାଙ୍କ ପୁଅ ଜାହାଙ୍ଗୀରର ରୁମ୍‌କୁ ଯାଇଥିଲେ । ସେହି ସମୟରେ ଜାହାଙ୍ଗୀର ବି ଜୋର୍‌ରେ କାନ୍ଦୁଥିଲା ।

ସୈଫ୍‌ ଆକ୍ରମଣକାରୀକୁ କାବୁ କରିବା ସମୟରେ ଆକ୍ରମଣକାରୀ ସୈଫ୍‌ଙ୍କ ପିଠି, ବେକ ଓ ଶରୀରର ଅନ୍ୟ ସ୍ଥାନକୁ ଆକ୍ରମଣ କରିଥିଲା । କଳେ ବଳେ ସେ ନିଜକୁ ଆକ୍ରମଣକାରୀ କବଳରୁ ବଞ୍ଚାଇଥିଲେ ଓ ତାକୁ ଧକ୍କା ବି ଦେଇଥିଲେ । ସେହି ସମୟରେ ସମସ୍ତେ ଭୟଭୀତ ହୋଇଯାଇଥିଲେ । ଆକ୍ରମଣକାରୀ ତାଙ୍କ ନର୍ସକୁ ବି ଆଟାକ୍ କରିଥିବା ସୈଫ୍ ଅଲ୍ଲୀ ଖାନ୍ ପୋଲିସକୁ କହିଛନ୍ତି।

ସୈଫ ଅଲ୍ଲୀଙ୍କୁ ଆକ୍ରମଣ ମାମଲା , ପୋଲିସ ଖୋଲିଲା ଅଭିଯୁକ୍ତର କାହାଣୀ

ତେବେ ପୂର୍ବରୁ ଅଭିନେତା ସୈଫ ଅଲି ଖାନଙ୍କ ଘରେ ପଶି ଆକ୍ରମଣ ଘଟଣାରେ ରାତିରେ କ୍ରାଇମ ସିନ୍ ରିକ୍ରିଏସନ କରିଛି ପୋଲିସ । ଅଭିଯୁକ୍ତ ମହମ୍ମଦ ସରିଫୁଲ ଇସଲାମ ଶେହଜାଦକୁ ନେଇ ସବୁ ସ୍ଥାନରେ ଯାଞ୍ଚ କରିଛି ପୋଲିସ । ଘଟଣା ରାତିରେ କ’ଣ ଘଟିଥିଲା ତାର ଟିକନିକ ତଥ୍ୟ ଦେଇଛି ଅଭିଯୁକ୍ତ । ବାନ୍ଦ୍ରା ପୋଲିସ ପ୍ରଥମେ ଅଭିଯୁକ୍ତକୁ ନେଇ ସୈଫଙ୍କ ଘରକୁ ଯାଇଥିଲା । ସେଠାରେ ପୋଲିସ ଉପସ୍ଥିତିରେ ଘଟଣା ସମୟରେ କ'ଣ କ'ଣ ଘଟିଥିଲା, କେମିତି ଘଟଣାସ୍ଥଳରେ ପହଞ୍ଚିଥିଲା ଅଭିଯୁକ୍ତ ଏବଂ ସେଠାରୁ କେମିତି ଫେରାର ହୋଇଥିଲା ଗୋଟିଏ ପରେ ଗୋଟିଏ ସବୁ କହିଛି ଅଭିଯୁକ୍ତ ମହମ୍ମଦ ସରିଫୁଲ ଇସଲାମ ଶେହଜାଦ । ସୈଫଙ୍କ ଘରୁ ବାହାରିବା ପରେ ସେ କେଉଁଠିକୁ ଯାଇଥିଲା ଏବଂ ପରବର୍ତ୍ତୀ ସମୟରେ କ'ଣ କ'ଣ ଘଟିଥିଲା ତାର ଟିକନିକ ତଥ୍ୟ ପୋଲିସକୁ ଦେଇଛି ।

ସୈଫ ଅଲ୍ଲୀ ଖାନ୍‌ଙ୍କୁ ଆକ୍ରମଣ କରିଥିବା ଅଭିଯୁକ୍ତ ବାଂଲାଦେଶୀ

ସୈଫଙ୍କ ଘରୁ ବାହାରିବା ପରେ ବାନ୍ଦ୍ରା ରେଳ ଷ୍ଟେସନ ଓ ବସ୍ ଷ୍ଟାଣ୍ଡକୁ ନେଇଥିଲା ପୁଲିସ । ସୈଫଙ୍କ ଘରୁ ବାହାରି କେମିତି ଓ କେଉଁଠିକି ଯାଇଥିଲା ଅଭିଯୁକ୍ତ ତାହା ପୋଲିସ ସାମ୍ନାରେ କହିଛି ଅଭିଯୁକ୍ତ ।

ଗତ ଗୁରୁବାର ରାତିରେ ଅଭିନେତା ସୈଫ ଅଲି ଖାନଙ୍କ ଘରେ ପଶି ଚୋରି ଉଦ୍ୟମ କରୁଥିବା ବେଳେ ସୈଫଙ୍କୁ ଆକ୍ରମଣ କରିଥିଲା । ଏଥିରେ ଗୁରୁତର ଆହତ ହେବା ପରେ ଡାକ୍ତରଖାନାରେ ଭର୍ତ୍ତି କରାଯାଇ ସୈଫଙ୍କ ଅପରେସନ କରାଯାଇଥିଲା । ଏବେ ସେ ସୁସ୍ଥ ହୋଇ ଘରକୁ ଫେରିଛନ୍ତି ।