Farah Khan / ଦିନେ ଅକ୍ଷୟ ଖାନ୍ନାଙ୍କ ସହ କାମ କରିବାକୁ ଚାହୁଁନଥିଲେ ଫାରାହ; ଏବେ କହିଲେ ସତ

ବଲିଉଡର ଜଣାଶୁଣା ଫିଲ୍ମ ନିର୍ମାତା ଫାରାହା ଖାନ ସମ୍ପ୍ରତି ଅଭିନେତା ଅକ୍ଷୟ ଖାନ୍ନାଙ୍କ ସହିତ ତାଙ୍କର ପୁରୁଣା ଏକ ଘଟଣାକୁ ମନେ ପକାଇଛନ୍ତି । ଏକ ପଡକାଷ୍ଟରେ କଥା ହୋଇ ଫାରାହ ସ୍ୱୀକାର କରିଛନ୍ତି ଯେ ୧୯୯୦ରେ ଏକ ସମୟ ଥିଲା ଯେତେବେଳେ ସେ ଅକ୍ଷୟ ଖାନ୍ନାଙ୍କ ସହିତ କାମ କରିବାକୁ ଆଦୌ ଇଚ୍ଛା କରୁନଥିଲେ । ସେଟ୍‌ରେ ଖାନ୍ନାଙ୍କ ଆଚରଣ ଯୋଗୁଁ ସେ ତାଙ୍କ ସହିତ କାମ କରିବାରୁ ଦୂରେଇ ରହୁଥିଲେ ।

ଫାରାହଙ୍କୁ ନିକଟରେ ଏକ ପଡକାଷ୍ଟରେ ଦେଖିବାକୁ ମିଳିଥିଲା, ଯେଉଁଥିରେ ସେ ଅଭିନେତାଙ୍କ ସହ କାମ କରିବାର ତାଙ୍କର ପ୍ରାରମ୍ଭିକ ଅଭିଜ୍ଞତା ବିଷୟରେ କହିଥିଲେ । ସେ କହିଥିଲେ ଯେ ୧୯୯୦ରେ, ଖାନ୍ନା କେଶ ଝଡ଼ିବା ସମସ୍ୟାର ସମ୍ମୁଖୀନ ହେଉଥିଲେ, ଯାହା ତାଙ୍କୁ ସେଟରେ ପ୍ରାୟତଃ ଚିଡ଼ିଚିଡ଼ା କରିଦେଉଥିଲା ।

ଅକ୍ଷୟଙ୍କ ଚିଡ଼ଚିଡ଼ା ସ୍ଵଭାବକୁ ନେଇ ଏମିତି କହିଲେ ଫାରାହ
ପୁରୁଣା ଦିନକୁ ମନେ ପକାଇ ଫାରାହ କହିଥିଲେ, "ଯେତେବେଳେ ମୁଁ ଶୁଣୁଥିଲି ଯେ ଅକ୍ଷୟ ଖାନ୍ନା କୌଣସି ଫିଲ୍ମରେ ଅଛନ୍ତି, ମୁଁ କହୁଥିଲି, ମୋ ପାଖରେ ତାରିଖ ନାହିଁ । ମୁଁ ଭାବୁଛି ସେହି ସମୟରେ ଅକ୍ଷୟ ନିଜେ କହିଥିଲେ ଯେ ତାଙ୍କର କେଶ ଝଡୁଛି । ସେ ସବୁବେଳେ ଚିଡିଯାଉଥିଲେ । ଅକ୍ଷୟ ସ୍କ୍ରିପ୍ଟ ଫୋପାଡ଼ି ଦେଉଥିଲେ ଆଉ କହୁଥିଲେ ଏହା କି ପ୍ରକାରର ସଂଳାପ ? ସେ ଏପରି ବ୍ୟକ୍ତି ପାଲଟିଯାଇଥିଲେ ।"

ପୁଣି ଅକ୍ଷୟଙ୍କ ସହ କେମିତି କାମ କଲେ ଫାରାହ ?
ଫାରାହ କହିଛନ୍ତି ଯେ ୨୦୦୧ ମସିହାରେ ହିଟ୍ ଫିଲ୍ମ " ଦିଲ୍ ଚାହତା ହେ"ରେ ତାଙ୍କ ସହିତ କାମ କରିବା ପରେ ଅଭିନେତାଙ୍କ ପ୍ରତି ତାଙ୍କର ଦୃଷ୍ଟିକୋଣ ବଦଳି ଯାଇଥିଲା । ସେ କହିଥିଲେ ଯେ ଏହି ପ୍ରୋଜେକ୍ଟକୁ ସେ ମନା କରିପାରିନଥିଲେ, କାରଣ ଏହା ତାଙ୍କ ସମ୍ପର୍କୀୟ ଭାଇ ଫରହାନ ଅଖତରଙ୍କ ନିର୍ଦ୍ଦେଶନାରେ ଡେବ୍ୟୁ ଥିଲା । ଫାରାହ ଅକ୍ଷୟ ଖାନ୍ନାଙ୍କ ପରିବର୍ତ୍ତନ ସ୍ଵଭାବ ବିଷୟରେ କହିଥିଲେ, "ସେହି ସମୟରେ ଅକ୍ଷୟ ଖାନ୍ନା ସମ୍ପୂର୍ଣ୍ଣ ପରିବର୍ତ୍ତନ ହୋଇସାରିଥିଲେ ଏବଂ ତାଙ୍କ କେଶ ସହିତ ଅଧିକ ଆରାମଦାୟକ ହୋଇଯାଇଥିଲେ । ତାଙ୍କ ଅନୁସାରେ, ଦିଲ୍ ଚାହତା ହେ ପରେ ତାଙ୍କର ମନୋଭାବ ବହୁତ ଆରାମଦାୟକ ହୋଇଯାଇଥିଲା । ଯଦି କୌଣସି ସଟ୍ ରେ ପାଣି କିମ୍ବା ବର୍ଷା ଜଡିତ ଥାଏ, ତେବେ ସେ ପ୍ରାୟତଃ ଏକ ଟୋପି ପିନ୍ଧୁଥିଲେ ।"

ଏବେ ଅକ୍ଷୟଙ୍କ ସହିତ ଫାରାହଙ୍କ ସମ୍ପର୍କ କିପରି ?
ଫାରାହ ଏହା ମଧ୍ୟ କହିଛନ୍ତି ଯେ ତାଙ୍କର ଏବେ ଖାନ୍ନାଙ୍କ ସହିତ ଭଲ ସମ୍ପର୍କ ଅଛି ଏବଂ ଧୁରନ୍ଧର ଦେଖିବା ପରେ ତାଙ୍କୁ ଅଭିନନ୍ଦନ ମଧ୍ୟ ଜଣାଇଛନ୍ତି । ଫାରାହ ପ୍ରକାଶ କରିଥିଲେ ଯେ ସେ ଫିଲ୍ମ ଦେଖିବା ପରେ ତୁରନ୍ତ ତାଙ୍କୁ ଫୋନ୍ କରିଥିଲେ ଏବଂ ପରେ ଆଲିବାଗରେ ତାଙ୍କ ଘରକୁ ଯାଇଥିଲେ । ଅକ୍ଷୟ ଖାନ୍ନାଙ୍କ ବିଷୟରେ କଣ ପସନ୍ଦ କରନ୍ତି ପ୍ରଶ୍ନରେ ଫାରାହ କହିଥିଲେ ଯେ ସେ ସବୁବେଳେ ନିଜ କାମରେ ବୁଡ଼ି ରହୁଥିଲେ ଏବଂ ଅଭିନୟକୁ ଉପଭୋଗ କରୁଥିଲେ ।

ଧୁରନ୍ଧର ପରେ ଅକ୍ଷୟ ଖାନ୍ନାଙ୍କ କ୍ରେଜ୍
ଅଭିନେତା ରଣବୀର ସିଂଙ୍କ ଅଭିନୀତ ଧୁରନ୍ଧରରେ ପାକିସ୍ତାନୀ ଗ୍ୟାଙ୍ଗଷ୍ଟର ରେହମାନ ଡାକାଇତଙ୍କ ଚରିତ୍ରରେ ନଜର ଆସିଥିଲେ ଅକ୍ଷୟ ଖାନ୍ନା, ଯେଉଁଥିରେ ସେ ଦର୍ଶକଙ୍କ ବହୁଳ ପ୍ରଶଂସା ସାଉଁଟିଥିଲେ । ଅକ୍ଷୟ ନିଜ ଅଭିନୟ, ବିଶେଷକରି ଫାସଲାରେ ତାଙ୍କର ଭାଇରାଲ ନୃତ୍ୟ ସିକ୍ୱେନ୍ସ ଦ୍ୱାରା ସମସ୍ତଙ୍କ ହୃଦୟରେ ରାଜ୍ କରିଥିଲେ । ଫିଲ୍ମ ରିଲିଜ ହେବା ପରେ ଅକ୍ଷୟଙ୍କର ସେହି ନୃତ୍ୟ ସମସ୍ତ ପ୍ଲାଟଫର୍ମରେ ଦେଖିବାକୁ ମିଳିଥିଲା ।

ଡିସେମ୍ବର ୫ ତାରିଖରେ ମୁକ୍ତିଲାଭ କରିଥିବା ଏହି ଫିଲ୍ମଟି ରଣବୀର ସିଂହଙ୍କ ଦ୍ୱାରା ଅଭିନୀତ ଜଣେ ଭାରତୀୟ ଗୁପ୍ତଚରଙ୍କ କାହାଣୀ ଉପରେ ଆଧାରିତ, ଯିଏ ପାକିସ୍ତାନର ଲିଆରି ଅଞ୍ଚଳରେ କାର୍ଯ୍ୟ କରୁଥିବା ଆତଙ୍କବାଦୀ ନେଟୱାର୍କରେ ଅନୁପ୍ରବେଶ କରେ । ଏହି ଫିଲ୍ମରେ ସଞ୍ଜୟ ଦତ୍ତ, ଅର୍ଜୁନ ରାମପାଲ ଏବଂ ଆର. ମାଧବନ ମଧ୍ୟ ମୁଖ୍ୟ ଭୂମିକାରେ ଅଛନ୍ତି । ଏହାର ସିକ୍ୱେଲ୍, ଧୁରନ୍ଧର: ଦି ରିଭେଞ୍ଜ , ମାର୍ଚ୍ଚ ୧୯ ତାରିଖରେ ସିନେମା ହଲରେ ମୁକ୍ତିଲାଭ କରିବାର ଯୋଜନା ରହିଛି ।

ଅଧିକ ଖବର ପଢନ୍ତୁ...