Religion Change / ଦୁଇ ଦୁଇଟି ବିବାହ କରିଥିଲେ ଅଭିନେତ୍ରୀ ଚାହତ; ଧର୍ମ ପରିବର୍ତ୍ତନକୁ ନେଇ କହିଲେ ଏମିତି

ଧାରାବାହିକ "ବଡେ ଅଛେ ଲଗେତେ ହେଁ"ରେ ନିଜ ଦମଦାର ଭୂମିକା ପାଇଁ ଜଣାଶୁଣା ଅଭିନେତ୍ରୀ ଚାହତ ଖାନ୍ନା ନିକଟରେ ତାଙ୍କର ଧାର୍ମିକ ବିଶ୍ୱାସ ଉପରେ ଆଲୋଚନା କରିଛନ୍ତି । ସେ କିପରି ଇସଲାମ ଧର୍ମ ଆପଣେଇଥିଲେ ଓ ପରେ ସନାତନ ଧର୍ମକୁ ଫେରିଲେ ସେ ସମ୍ପର୍କରେ କହିଛନ୍ତି । ଫରହାନ ମିର୍ଜାଙ୍କ ସହ ତାଙ୍କ ବିବାହ ସମୟରେ ଇସଲାମ ଧର୍ମ ଗ୍ରହଣ କରିବା ସମ୍ପର୍କରେ ମଧ୍ୟ କହିଛନ୍ତି ଚାହତ ।

ଫରହାନଙ୍କ ସହ ବିବାହ ସମୟରେ ଇସଲାମ ଧର୍ମ ଗ୍ରହଣ କରିବା ନିଷ୍ପତ୍ତି ସମ୍ପୂର୍ଣ୍ଣ ଭାବରେ ତାଙ୍କର ଥିଲା । ସେ କହିଥିଲେ, "ମୁଁ ଜଣେ ଅତ୍ୟନ୍ତ ଧର୍ମନିରପେକ୍ଷ ବ୍ୟକ୍ତି । ମୁଁ ଦୀପାବଳି ପରି ଉତ୍ସାହର ସହିତ ଇଦ୍ ପାଳନ କରେ, ତାହା ମୋ ବିବାହ ସମୟରେ ହେଉ କିମ୍ବା ପରେ । ହଁ, ମୁଁ ନିଜ ଇଚ୍ଛାରେ ଇସଲାମ ଧର୍ମ ଗ୍ରହଣ କରିଥିଲି । ଅନେକ ଲୋକ କହିଥିଲେ ଯେ ମୋତେ ଧର୍ମ ପରିବର୍ତ୍ତନ କରିବାକୁ ବାଧ୍ୟ କରାଯାଇଥିଲା, କିନ୍ତୁ ମୁଁ କେବେ ତାହା କହିନାହିଁ ।" ଅଭିନେତ୍ରୀ ଆହୁରି କହିଛନ୍ତି, "ହଁ, ମୁଁ ଇସଲାମ ଏବଂ ସନାତନ ଧର୍ମରେ ବିଶ୍ୱାସ କରେ । ଏହାର ଅର୍ଥ ଏହା ନୁହେଁ ଯେ ମୁଁ ଅନ୍ୟ ଧର୍ମରେ ବିଶ୍ୱାସ କରେ ନାହିଁ । ମୁଁ ଜଣେ ବହୁତ ଧର୍ମନିରପେକ୍ଷ ବ୍ୟକ୍ତି ।"

• ଛାଡପତ୍ର ପରେ ସନାତନ ଧର୍ମକୁ ଫେରିଥିଲେ

୨୦୨୪ରେ ଏକ ସାକ୍ଷାତକାରରେ, ଚାହତ ଖାନ୍ନା ତାଙ୍କ ଛାଡପତ୍ର ପରେ ସନାତନ ଧର୍ମକୁ ଫେରିବା ବିଷୟରେ କହିଥିଲେ, "ମୋ ଛାଡପତ୍ର ପରେ ବାସ୍ତବତାକୁ ଫେରିବା ପାଇଁ ମୋତେ କିଛି ସମୟ ଲାଗିଥିଲା । ଇସଲାମରେ ବିଶ୍ୱାସ କରିବାକୁ ମୋତେ ୪-୫ ବର୍ଷ ଲାଗିଥିଲା ଏବଂ ମୁଁ ଏବେ ବି ଏହାର କିଛି ମୌଳିକ ନୀତିରେ ବିଶ୍ୱାସ କରେ । ସେଗୁଡ଼ିକ ବହୁତ ଭଲ । କିନ୍ତୁ ଯେତେବେଳେ ମୁଁ ମୋର ମୂଳ ସନାତନ ଧର୍ମକୁ ଫେରି ଆସିଲି, ମୁଁ ଅନେକ ଜିନିଷ ପଛରେ ଥିବା ବଡ଼ ସତ୍ୟକୁ ଅନୁଭବ କଲି ।"

ପଢନ୍ତୁ ଏହି ଖବର: ଦୀପିକାଙ୍କୁ କୁହାଯାଇଥିଲା ଅନଫ୍ରଫେସନାଲ; ଏବେ ସମର୍ଥନରେ ବାହାରିଲେ କଙ୍ଗନା

• ଦୁଇଟି ବିବାହ କରିଥିଲେ ଅଭିନେତ୍ରୀ

ଚାହତ ଖାନ୍ନା ପୂର୍ବରୁ ୨୦୦୬ ମସିହାରେ ଭାରତ ନରସିଂହାନିଙ୍କୁ ବିବାହ କରିଥିଲେ । ସେମାନଙ୍କର ବିବାହ ଗୋଟିଏ ବର୍ଷ ମଧ୍ୟରେ ଶେଷ ହୋଇଯାଇଥିଲା। ଏହାପରେ ଅଭିନେତ୍ରୀ ଫରହାନ୍ ମିର୍ଜାଙ୍କୁ ୨୦୧୩ ମସିହାରେ ବିବାହ କରିଥିଲେ । ସେ ୨୦୧୮ ମସିହାରେ ଯୌନ ଏବଂ ମାନସିକ ନିର୍ଯାତନା ଅଭିଯୋଗ ଆଣି ଛାଡପତ୍ର ପାଇଁ ଆବେଦନ କରିଥିଲେ । ଏହି ଦମ୍ପତିଙ୍କ ଦୁଇଟି ଝିଅ ଜୋହର ଏବଂ ଦିତ୍ୟା ଅଛନ୍ତି । ଏହି ଅଭିନେତ୍ରୀ ଏବେ ରୋହିତ ଗଣ୍ଡୋତ୍ରାଙ୍କ ସହିତ ସମ୍ପର୍କରେ ଅଛନ୍ତି।