Deepika Kakkar / କ୍ୟାନ୍ସରରେ ପୀଡ଼ିତ ଦୀପିକା କକ୍କର; ବିପଦ ଭିତରେ ଏକା ପଡ଼ିଯାଇଛି ୨ବର୍ଷର ପୁଅ ରୁହାନ୍

ଟେଲିଭିଜନର ଲୋକପ୍ରିୟ ଅଭିନେତ୍ରୀ ହେଉଛନ୍ତି ଦୀପିକା କକ୍କର । ଟେଲିଭିଜନରେ ଅଭିନୟ ଜଗତରୁ ଦୂରରେ ଥିଲେ ସତ୍ତ୍ଵେ ସେ ନିଜ ୟୁଟ୍ୟୁବ ଚ୍ୟାନେଲରେ ବେଶ ସକ୍ରିୟ । ନିୟମିତ ଭାବେ ନିଜର ଜୀବନଶୈଳୀ ସମ୍ପର୍କରେ ପ୍ରଶଂସକଙ୍କୁ ଅବଗତ କରନ୍ତି । କିନ୍ତୁ ପ୍ରାୟ ୧ ବର୍ଷ ପୂର୍ବେ ଦୀପିକା ଲିଭର କ୍ୟାନ୍ସର ରୋଗରେ ପୀଡ଼ିତ । ନିକଟରେ ତାଙ୍କର ଦ୍ଵିତୀୟ ଇମ୍ୟୁନୋଥେରାପି ସେସନ ଶେଷ ହୋଇଛି । ଅଭିନେତ୍ରୀ ନିଜ ଚିକିତ୍ସା ସମ୍ପର୍କରେ ଅପଡେଟ୍ ସେୟାର କରିଛନ୍ତି ଏବଂ ତାଙ୍କର ରୋଗ ଯୋଗୁଁ ଭାବନାତ୍ମକ ଭାବରେ ପୁଅ ଉପରେ କଣ ପ୍ରଭାବ ପଡୁଛି ତାହା ମଧ୍ୟ କହିଛନ୍ତି ।

• 'ଚିଡଚିଡା ହୋଇଯାଇଛି ରୁହାନ୍'

ନିଜ ଲାଟେଷ୍ଟ ବ୍ଲଗରେ ଦୀପିକାଙ୍କ ସ୍ଵାମୀ ତଥା ଟେଲିଭିଜନ ଅଭିନେତା ଶୋଏବ ଇବ୍ରାହିମ ଦୀପିକାଙ୍କ ସ୍ଵାସ୍ଥ୍ୟ ସମ୍ବନ୍ଧୀୟ ଅପଡେଟ୍ ଫ୍ୟାନଙ୍କ ସହ ସେୟାର କରିଛନ୍ତି । ଶୋଏବ ଭିଡିଓରେ କହିଥିଲେ ଯେ ଦୀପିକାଙ୍କ ଚିକିତ୍ସା ଚାଲିଥିବା ସମୟରେ ସେ ଘରେ ପୁଅ ରୁହାନ ପାଖରେ ରହୁଥିଲେ । ଦୀପିକାଙ୍କ ଦ୍ଵିତୀୟ ଇନଫ୍ୟୁଜନ ଥିବାରୁ ସେ ତାଙ୍କୁ ନେଇ ହସ୍ପିଟାଲ ଯାଇଛନ୍ତି । ଦୀପିକାଙ୍କୁ ହସ୍ପିଟାଲ ନେଇ ଆସୁଥିବା ସମୟରେ ପୁଅ ରୁହାନ କିପରି ଚିଡଚିଡା ଥିଲା ସେନେଇ ଅଭିନେତା କହିଥିଲେ ।

ଶୋଏବ ପୁଅର ମନୋଭାବ ନେଇ କହିଥିଲେ, "ରୁହାନ ଏବେ ବେଶି ଚିଡିଚିଡା ହୋଇଯାଇଛି । ଗତ ମାସେ ଧରି ସେ ଅଧିକ ସମୟ ଦୀପିକା ସହ ରହୁଥିଲା । ଯଦି ଦୀପିକାଙ୍କ ଇନଫ୍ୟୁଜନ ରାତିରେ ହେଉଛି, ତେବେ ମୋତେ ଘରକୁ ଫେରିଆସି ରୁହାନ ସହିତ ରାତିରେ ରହିବାକୁ ପଡ଼ିବ ।" ସେପଟେ ଦୀପିକା କହିଛନ୍ତି ଯେ ରୁହାନ ଗତ ୧ ମାସ ଧରି ଭାବନାତ୍ମକ ଭାବେ ବେଶ ପ୍ରଭାବିତ ହୋଇଛି । ଏତେ ଦିନ ଧରି ଘର ଖାଲି ଦେଖିବା ଦ୍ଵାରା ତା ଉପରେ ପ୍ରଭାବ ପଡ଼ିଛି । ସେ ଏକାକୀ ଅନୁଭବ କରୁଛି । ଯେତେବେଳେ ଦୀପିକା ଓ ଶୋଏବ କୁନିପୁଅ ରୁହାନକୁ କହିଥିଲେ ଯେ ସେ କାମରେ ଯାଉଛନ୍ତି, ସେତେବେଳେ ରୁହାନ ପୁଣି ପ୍ରଭାବିତ ହୋଇଥିଲା । ବାରମ୍ଵାର ନ ଯିବାକୁ କହୁଥିଲା । ତେବେ ରୁହାନ ସହିତ କେହି ସାଥୀରେ ରହିବାକୁ ସେମାନେ ପ୍ରୟାସ କରୁଥିବା କହିଥିଲେ ।

• 'ରୋଗ ପାଇଁ ପୁଅକୁ ସମୟ ଦେଇପାରୁନାହାନ୍ତି ଦୀପିକା'

ଅଭିନେତ୍ରୀ ଦୀପିକା କିଛି ମାସ ପୂର୍ବରୁ କହିଥିଲେ ଯେ ରୋଗ ପାଇଁ ସେ ନିଜ ପୁଅକୁ ସମୟ ଦେଇପାରୁନାହାନ୍ତି । ଏପ୍ରିଲରେ ଆସିଥିବା ଏକ ବ୍ଲଗରେ ଦୀପିକା କହିଥିଲେ, "ମୋ ମନରେ ଅନେକ ଜିନିଷ ଚାଲୁଛି । ମୋ ରୋଗ ପାଇଁ ଶୋଏବ ଅନେକ କଥାରେ ଫସି ରହିଛନ୍ତି । ମୁଁ ରୁହାନକୁ ବି ସମୟ ଦେଇପାରୁନାହିଁ । ଯେଉଁ ଦିନ ମୋତେ ଅଧିକ ଥକ୍କା ଲାଗୁଛି...ମୁଁ ଶୋଇପଡୁଛି । ଯଦି ମୁଁ ହସ୍ପିଟାଲରେ ଅଛି, ତେବେ ରୁହାନ ସହିତ ରହିପାରିବି ନାହିଁ । ଏବେ ମୋ ଶରୀରକୁ ଆରାମ ଆବଶ୍ୟକ ।"

ପଢନ୍ତୁ ଏହି ଖବର: ଆମିର ଖାନଙ୍କ ତୃତୀୟ ବିବାହ; ଖର୍ଚ୍ଚ ହେବନି କୋଟି କୋଟି ଟଙ୍କା

ସୂଚନା ଥାଉକି, ଦୀପିକାଙ୍କ ଶ୍ଵଶୁର ବା ଶୋଏବଙ୍କ ବାପା ମଧ୍ୟ ମସ୍ତିଷ୍କ ଜନିତ ରୋଗରେ ପୀଡ଼ିତ । ଗତ ମଙ୍ଗଳବାର ସେ ୩୭ ଦିନ ହସ୍ପିଟାଲରେ ରହିବା ପରେ ଘରକୁ ଫେରିଛନ୍ତି । ମେ ୨୩ ତାରିଖରେ ବ୍ରେନ୍ ହାମରେଜ୍ ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେ ଘରକୁ ଫେରିବା ପରେ ଏହି ଖୁସିଖବର ଶୋଏବ ନିଜ ଫ୍ୟାନଙ୍କ ସହିତ ସେୟାର କରିଥିଲେ । ଏହାସହିତ ଭଗବାନଙ୍କୁ ଧନ୍ୟବାଦ ମଧ୍ୟ ଜଣାଇଥିଲେ ।