ଟେଲିଭିଜନ ଜଗତର ଚର୍ଚ୍ଚିତ ତଥା ଲୋକପ୍ରିୟ ଯୋଡ଼ି କରନ୍ କୁନ୍ଦ୍ରା ଓ ତେଜସ୍ଵୀ ପ୍ରକାଶ ଶେଷରେ ନିଜ ସମ୍ପର୍କକୁ ନୂଆ ମୋଡ଼ ଦେଇଛନ୍ତି । ଦୀର୍ଘ ଦିନ ଧରି ଉଭୟ ପରସ୍ପରକୁ ଡେଟ୍ କରିବା ପରେ ଶେଷରେ କପଲ୍ ବିବାହ କରିବାକୁ ଯାଉଛନ୍ତି । ତେଜସ୍ଵୀଙ୍କୁ ଦୁବାଇରେ ଏକ ରୋମାଣ୍ଟିକ୍ ଢଙ୍ଗରେ ପ୍ରପୋଜ୍ କରିଛନ୍ତି ବୟଫ୍ରେଣ୍ଡ କରନ୍‌, ଯାହାର ଭିଡିଓ ଏବଂ ଫଟୋ ସୋସିଆଲ ମିଡିଆରେ ଖୁବ ଭାଇରାଲ ହେଉଥିବାବେଳେ ଫ୍ୟାନ୍ସଙ୍କ ଖୁସି ଦ୍ଵିଗୁଣିତ ହୋଇଛି । କରନ୍ ତେଜସ୍ଵୀଙ୍କୁ ଏକ ହୀରାର ମୁଦି ପିନ୍ଧାଇ ପ୍ରପୋଜ୍ କରିଥିବାବେଳେ ତେଜସ୍ଵୀ ଇମୋସନାଲ୍ ହୋଇପଡ଼ିଥିବ ଦେଖିବାକୁ ମିଳିଛି ।

ଭିଡିଓରେ ଦେଖିବାକୁ ମିଳିଛି ଯେ ତେଜସ୍ଵୀ ଏକ ଧଳା ରଙ୍ଗର ଗାଉନ୍ ପିନ୍ଧିଥିବାବେଳେ କରନ୍ ନୀଳ ରଙ୍ଗର ସୁଟ୍ ପିନ୍ଧିଛନ୍ତି ଓ ମୁଣ୍ଡରେ ନାଲି ରଙ୍ଗର ପଗଡ଼ି ବାନ୍ଧିଛନ୍ତି । ସେ ପୁରା ରୋମାଣ୍ଟିକ ଢଙ୍ଗରେ ଆଣ୍ଠୁରେ ବସି ତେଜସ୍ଵୀଙ୍କୁ ପ୍ରପୋଜ୍ କରିଛନ୍ତି । ଏହାପରେ ତେଜସ୍ଵୀ ଭାବବିହ୍ଵଳ ହୋଇପଡ଼ିଥିଲେ । ଉଭୟଙ୍କ ରୋମାଣ୍ଟିକ ମୁହୂର୍ତ୍ତ ଏବେ ଫ୍ୟାନ୍ସଙ୍କ ହୃଦୟ ଜିତିଛି ।

View this post on Instagram

A post shared by TejranAreSoulmates (@tejransoulmates2022)

• ଦୁବାଇ ମରୁଭୂମି ହେଲା ରୋମାଣ୍ଟିକ୍

କରନ୍ ଓ ତେଜସ୍ଵୀ ଏବେ ଦୁବାଇରେ ସୁଟ୍ ହେଉଥିବା ରିଅଲିଟି ଶୋ' 'ଦେଶୀ ବ୍ଲିଙ୍ଗ'ର ଷ୍ଟାରକାଷ୍ଟ ଅଛନ୍ତି । ଏହି ସୁଟିଂ ସମୟରେ କରନ୍ ସମସ୍ତଙ୍କ ସମ୍ମୁଖରେ ତେଜସ୍ଵୀଙ୍କ ପ୍ରତି ଥିବା ତାଙ୍କର ଭଲପାଇବାକୁ ପ୍ରକାଶ କରିବାକୁ ନିଷ୍ପତ୍ତି ନେଇଥିଲେ । ସୋସିଆଲ ମିଡିଆରେ ଭାଇରାଲ ହେଉଥିବା ଫଟୋରେ ଦୁବାଇ ମରୁଭୂମିରେ ଏକ ରୟାଲ ସେଟଅପ୍ କରାଯାଇଛି, ଯେଉଁଠି କରନ୍ ନିଜର ପ୍ରେମିକା ତେଜସ୍ଵୀଙ୍କୁ ସରପ୍ରାଇଜ୍ ଦେଇଛନ୍ତି । ଯେତେବେଳେ କରନ୍ ଆଣ୍ଠେଇ ପଡ଼ି ମୁଦି ବାକ୍ସ ଖୋଲିଥିଲେ, ସେତେବେଳେ ତେଜସ୍ଵୀ ପୁରା ଚମକି ପଡ଼ିଥିଲେ । ଏହାପରେ କରନ୍ ନିଜର ଲେଡି ଲଭକୁ ହୀରା ମୁଦି ପିନ୍ଧାଇଥିଲେ, ଯାହାକି ଏହି ମୁହୂର୍ତ୍ତକୁ ଆହୁରି ସ୍ମରଣୀୟ କରିଥିଲା ।

ପଢନ୍ତୁ ଏହି ଖବର: ତିଲକଙ୍କୁ ଡେଟ୍ କରୁଛନ୍ତି କି ଶ୍ରୀଲିଲା ? ଚର୍ଚ୍ଚା ପରେ ସତ କହିଦେଲେ ଅଭିନେତ୍ରୀଙ୍କ ମାଆ

• ଭାବବିହ୍ଵଳ ହୋଇପଡ଼ିଲେ ତେଜସ୍ଵୀ

ପ୍ରପୋଜାଲ୍ ସମୟରେ ତେଜସ୍ଵୀ ନିଜ ଭାବନା ଉପରେ କାବୁ ରଖିପାରିନଥିଲେ ଏବଂ ସେ ଭାବବିହ୍ଵଳ ହୋଇପଡ଼ିଥିଲେ । ଫଟୋରେ କରନ୍ ତାଙ୍କୁ ସମ୍ଭାଳୁଥିବାବେଳେ ଶାନ୍ତ କରୁଥିବା ଦେଖିବାକୁ ମିଳିଛି । ଏହାପରେ ଉଭୟ ପରସ୍ପରକୁ ଚୁମ୍ବନ ଦେଇଥିଲେ । ଫ୍ୟାନ୍ସ ତେଜରାନଙ୍କୁ ଦେଖି ବେଶ ଖୁସିବ୍ୟକ୍ତ କରିଥିବାବେଳେ ଏହା ଟିଭି ଇଣ୍ଡଷ୍ଟ୍ରିର ସବୁଠାରୁ ଚର୍ଚ୍ଚିତ ପ୍ରପୋଜାଲ୍ ବୋଲି କହିଛନ୍ତି । ଟେଲିଭିଜନର ସବୁଠୁ ଚର୍ଚ୍ଚିତ ଯୋଡ଼ି ହେଉଛନ୍ତି ତେଜସ୍ଵୀ ଓ କରନ୍ କୁନ୍ଦ୍ରା । ଉଭୟ ଅନେକ ଟିଭି ଶୋ'ରେ ନଜର ଆସିଥିବାବେଳେ ସର୍ବସମ୍ମୁଖରେ ନିଜର ପ୍ରେମକୁ ଜାହିର କରନ୍ତି ।