ଦକ୍ଷିଣ ସିନେ ଜଗତର ଚର୍ଚ୍ଚିତ ତଥା ଲୋକପ୍ରିୟ ଅଭିନେତ୍ରୀ ଶ୍ରୀଲିଲା ଏବେ ନିଜର ବ୍ୟକ୍ତିଗତ ଜୀବନକୁ ନେଇ ବେଶ ଚର୍ଚ୍ଚାରେ ଅଛନ୍ତି । ଅନେକ ରିପୋର୍ଟରେ କୁହାଯାଉଛି ଯେ ଶ୍ରୀଲିଲା ଏବେ ଭାରତୀୟ କ୍ରିକେଟର ତିଲକ ବର୍ମାଙ୍କୁ ଡେଟ୍ କରୁଛନ୍ତି । ଇଣ୍ଟରନେଟରେ ଦୁଇ ଜଣ ସମ୍ପର୍କରେ ଥିବା ଖବର ଘୁରି ବୁଲୁଛି । ଉଭୟଙ୍କ ସମ୍ପର୍କକୁ ନେଇ ଚର୍ଚ୍ଚା ପରେ ଏବେ ଅଭିନେତ୍ରୀଙ୍କ ମାଆ ଓ ତାଙ୍କ ଟିମ ମୁହଁ ଖୋଲିଛନ୍ତି । ସବୁ ସତ କଥା କହିଦେଇଛନ୍ତି ଶ୍ରୀଲିଲାଙ୍କ ମାଆ ଡକ୍ଟର ସ୍ବର୍ଣ୍ଣଲତା ।

• ସାମ୍ନାକୁ ଆସିଲା ଡେଟିଂର ସତ

ତିଲକ ବର୍ମା ଓ ଶ୍ରୀଲିଲା ସମ୍ପର୍କରେ ଥିବା ନେଇ ଚର୍ଚ୍ଚା ହେବା ପରେ ଡକ୍ଟର ସ୍ବର୍ଣ୍ଣଲତା ଏକ ଗଣମାଧ୍ୟମ ସଂସ୍ଥାକୁ ପ୍ରତିକ୍ରିୟା ଦେଇ କହିଛନ୍ତି, "ଏହି ଖବରରେ କୌଣସି ସତ୍ୟତା ନାହିଁ । ଏହା ସମ୍ପୂର୍ଣ୍ଣ ମିଛ । ଶ୍ରୀଲିଲା ଓ ତିଲକ ବର୍ମା ପ୍ରାୟ ୧ ବର୍ଷ ଧରି ଡେଟ୍ କରୁଥିବା ଯେଉଁ ଖବର ଉଠିଛି, ସେଥିରେ ତିଳେ ମାତ୍ର ସତ୍ୟତା ନାହିଁ । ଏହା ସମ୍ପୂର୍ଣ୍ଣ ଭାବେ ମନଗଢା କାହାଣୀ ।"

ଅଭିନେତ୍ରୀଙ୍କ ମାଆ ଆହୁରି କହିଛନ୍ତି ଯେ ଶ୍ରୀଲିଲା ଏବେ ତାଙ୍କର ଅଭିନୟ ଜଗତ ଓ ପାଠପଢା ଉପରେ ଫୋକସ୍ କରୁଛନ୍ତି । ଶ୍ରୀଲିଲା ଏବେ NEET-PG ପରୀକ୍ଷା ପାଇଁ ପ୍ରସ୍ତୁତି କରୁଛନ୍ତି । ତାଙ୍କର ଧ୍ୟାନ ସମ୍ପୂର୍ଣ୍ଣ ଭାବେ ପାଠପଢା ଉପରେ ଥିବା ତାଙ୍କ ମାଆ କହିଛନ୍ତି । ତେବେ ପ୍ରେମ ଓ ବିବାହ ଲାଗି ଶ୍ରୀଲିଲାଙ୍କ ନିକଟରେ ଆହୁରି ୫ରୁ ୬ ବର୍ଷ ଥିବା କହିଛନ୍ତି ଡକ୍ଟର ସ୍ଵର୍ଣ୍ଣଲତା । ତାଙ୍କ ଝିଅ ପାଠପଢା ଓ କ୍ୟାରିଅର ମଧ୍ୟରେ ସନ୍ତୁଳନ ରକ୍ଷା କରିବା ଉପରେ ଧ୍ୟାନ ଦେଉଥିବା ସେ କହିଛନ୍ତି ।

• ସୂର୍ଯ୍ୟକୁମାର ଯାଦବ କହିଥିଲେ ଏହି କଥା

ଶ୍ରୀଲିଲା ଓ ତିଲକ ବର୍ମା ଡେଟିଂ କରୁଥିବା ଖବର ସେତେବେଳେ ଉଠିଥିଲା, ଯେତେବେଳେ କ୍ରିକେଟର ସୂର୍ଯ୍ୟ କୁମାର ଯାଦବ ଓ ତିଲକଙ୍କ ମଧ୍ୟରେ ହୋଇଥିବା ଏକ ଛୋଟ ମଜାଳିଆ କଥା ସୋସିଆଲ ମିଡିଆରେ ଭାଇରାଲ ହୋଇଥିଲା । ଏହାପରେ ଫ୍ୟାନ୍ସ ଭାବିଥିଲେ ତିଲକ ଓ ଶ୍ରୀଲିଲା ପ୍ରାୟ ୧ ବର୍ଷ ଧରି ପରସ୍ପରକୁ ଡେଟ୍ କରୁଛନ୍ତି ।

• ଡେଟିଂ ଚର୍ଚ୍ଚା ପରେ ପରସ୍ପରକୁ ଅନଫଲୋ କରିଛନ୍ତି

କିଛି ଫ୍ୟାନ୍ସଙ୍କ କହିବାନୁସାରେ, ଶ୍ରୀଲିଲା ଓ ତିଲକ ପୂର୍ବରୁ ପରସ୍ପରକୁ ସୋସିଆଲ ମିଡିଆରେ ଫଲୋ କରୁଥିଲେ । କିନ୍ତୁ ଡେଟିଂ ଚର୍ଚ୍ଚା ଆରମ୍ଭ ହେବା ପରେ ସେମାନେ ପରସ୍ପରକୁ ଅନଫଲୋ କରିଛନ୍ତି । ଏପରିକି ଶ୍ରୀଲିଲାଙ୍କ ଟିମରୁ ଜଣେ ସଦସ୍ୟ ଥରେ 'ତିଲକ' ଜର୍ସି ପିନ୍ଧି ମ୍ୟାଚ୍ ଦେଖିଥିବା ଫ୍ୟାନ୍ସ କହୁଛନ୍ତି ।

ପଢନ୍ତୁ ଏହି ଖବର: ଇଜ୍ଜତ ବଞ୍ଚାଇଲେ ତିଳକ, ଜିତିଲା ମୁମ୍ବାଇ...

ତେବେ ଶ୍ରୀଲିଲାଙ୍କ ୱାର୍କଫ୍ରଣ୍ଟ ବିଷୟରେ କହିଲେ, ସେ ଆଗାମୀ ଦିନରେ ବଲିଉଡ ଅଭିନେତା କାର୍ତ୍ତିକ ଆରୟନଙ୍କ ବିପକ୍ଷରେ ଏକ ରୋମାଣ୍ଟିକ ଫିଲ୍ମରେ ନଜର ଆସିବେ । ଏହି ଚଳଚ୍ଚିତ୍ରଟି ଅନୁରାଗ ବାସୁଙ୍କ ଦ୍ଵାରା ନିର୍ଦ୍ଦେଶିତ । ଏହାବ୍ୟତୀତ ଶ୍ରୀଲିଲାଙ୍କୁ ସାଉଥ ସୁପରଷ୍ଟାର ଧନୁଷଙ୍କ ବିପକ୍ଷରେ ମଧ୍ୟ ଦେଖିବାକୁ ମିଳିବ ।