Kareena Kapoor Pregnancy / ୪୫ବର୍ଷରେ ତୃତୀୟ ଛୁଆର ମାଆ ହେବେ କି କରୀନା କପୁର ? ସତକଥା କହିଲେ ନଣନ୍ଦ

ମୁମ୍ବାଇ: ପଟୌଦି ପରିବାରର ବୋହୂ ତଥା ବଲିଉଡ ଅଭିନେତ୍ରୀ କରୀନା କପୁରଙ୍କୁ ନେଇ ଏବେ ସୋସିଆଲ ମିଡିଆରେ ଜୋରଦାର ଚର୍ଚ୍ଚା । ବେବୋଙ୍କ ଏକ ଫଟୋ ମଧ୍ୟ ଭାଇରାଲ ହେଉଛି, ଯେଉଁଥିରେ ତାଙ୍କର ବେବି ବମ୍ପ୍ ଦେଖାଯାଉଛି । ୪୫ ବର୍ଷରେ ବଲିଉଡର ଏହି ଲୋକପ୍ରିୟ ଅଭିନେତ୍ରୀ ପୁଣିଥରେ ଗର୍ଭବତୀ ଅଛନ୍ତି ଓ ତୃତୀୟ ଛୁଆର ମାଆ ହେବାକୁ ଯାଉଥିବା ବେଶ ଚର୍ଚ୍ଚା ହେଉଛି । ଏହାରି ଭିତରେ କରୀନାଙ୍କ ନଣନ୍ଦ ତଥା ସବା ପଟୌଦି ମିଡିଆକୁ ସତ କଥା କହିଛନ୍ତି ।

• କଣ କହିଲେ କରୀନାଙ୍କ ନଣନ୍ଦ ?

ସୈଫ ଅଲ୍ଲୀ ଖାନଙ୍କ ଭଉଣୀ ତଥା କରୀନା କପୁରଙ୍କ ନଣନ୍ଦ ସବା ପଟୌଦି ନିଜ ଇନଷ୍ଟାଗ୍ରାମ ଷ୍ଟୋରୀରେ ଏହି ଚର୍ଚ୍ଚା ଉପରେ ପ୍ରତିକ୍ରିୟା ରଖିଛନ୍ତି । ପୋଷ୍ଟରେ ସବା କରୀନାଙ୍କ ଜିମ୍ ବାହାରେ ଭାଇରାଲ ଫଟୋକୁ ସେୟାର କରିଛନ୍ତି । ଏହାସହିତ ଲୋକଙ୍କୁ ଅପିଲ୍ କରିଛନ୍ତି ଯେ କାହାର ବି ବ୍ୟକ୍ତିଗତ ଜୀବନରେ ଏତେ ମାତ୍ରାରେ ହସ୍ତକ୍ଷେପ ନ କରାଯାଉ । ସବା କରୀନାଙ୍କ ତୃତୀୟ ଥର ଗର୍ଭବତୀ ଖବରକୁ ସମ୍ପୂର୍ଣ୍ଣ ମିଥ୍ୟା ବୋଲି କହିଛନ୍ତି ।

କରୀନାଙ୍କ ବେଲି ଫ୍ୟାଟ୍‌ର ଫଟୋକୁ ସେ ନିଜ ସୋସିଆଲ ମିଡିଆ ହ୍ୟାଣ୍ଡେଲରେ ସେୟାର କରି କ୍ୟାପସନରେ ଲେଖିଛନ୍ତି, "ଏହା ଫଟୋ ନେବାର କୌଣସି ଖରାପ ଆଙ୍ଗେଲ୍ ହୋଇପାରେ । ଲୋକମାନେ ଗୋଟିଏ ଫଟୋକୁ ଦେଖି ସିଧାସଳଖ କୌଣସି ନିଷ୍କର୍ସରେ କିପରି ଭାବେ ପହଞ୍ଚି ଯାଉଛନ୍ତି ? ସେ ପୂର୍ବରୁ ଏୟାରପୋର୍ଟରେ ପୂରା କ୍ଲାସି, ସ୍ଲିମ ଓ ଷ୍ଟାଇଲିସ୍ ଦେଖାଯାଉଥିଲେ ଓ ଆଜି ଜିମ୍ ବାହାରେ ଏପରି ନଜର ଆସିଛନ୍ତି । କଥା ବାସ୍ ଏତିକି।"

• କରୀନା ନୁହେଁ ଇଏ ଦେଇପାରନ୍ତି ଗୁଡ୍ ନ୍ୟୁଜ୍ ?

ସବା ନିଜ ପୋଷ୍ଟରେ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ତାଙ୍କ ଭଉଣୀ ସୋହା ଅଲ୍ଲୀ ଖାନ ଦ୍ଵିତୀୟ ଥର ଗର୍ଭବତୀ ହେବା ଲାଗି ସେ ତାଙ୍କୁ ରାଜି କରୁଛନ୍ତି । ମାତ୍ର ଏହା ସମ୍ଭବ ହେଉନାହିଁ । ସେ ଏହା ପରେ ଲେଖିଛନ୍ତି ଯେ ସୋସିଆଲ ମିଡିଆରେ ଏହି କଥା କହିଥିବାରୁ ତାଙ୍କ ଭଉଣୀ ତାଙ୍କୁ ଗାଳି କରିପାରନ୍ତି । ଏହାସହିତ ସବା ଅନ୍ୟ କାହାର ବ୍ୟକ୍ତିଗତ ଜୀବନରେ ହସ୍ତକ୍ଷେପ ନ କରିବାକୁ ଅପିଲ୍ କରିଛନ୍ତି । କିଛି କଥା ବ୍ୟକ୍ତିଗତ ରହିବା ଉଚିତ ଓ ଅଯଥାରେ କୌଣସି ଗୁଜବ ସୃଷ୍ଟି ନ କରିବାକୁ ସବା ପ୍ରଶଂସକଙ୍କୁ ଅପିଲ୍ କରିଛନ୍ତି ।

• କରୀନାଙ୍କ ବିବାହକୁ ପୂରିଲାଣି ୧୪ବର୍ଷ

ନିଜର ତୃତୀୟ ପ୍ରେଗ୍ନେସିକୁ ନେଇ କରୀନା ଚୁପ୍ ରହିଥିବାବେଳେ ଏପଟେ ନଣନ୍ଦ ସମସ୍ତ ଗୁଜବ ଉପରୁ ପରଦା ଉଠାଇଛନ୍ତି ଓ କରୀନା ଗର୍ଭବତୀ ନ ଥିବା ସେ ସ୍ପଷ୍ଟ କରିଛନ୍ତି । ଏଠାରେ କହିରଖୁଛୁ କି, କିଛି ବର୍ଷ ପୂର୍ବରୁ କରୀନାଙ୍କ ପ୍ରେଗ୍ନେସିକୁ ନେଇ ଚର୍ଚ୍ଚା ହେଉଥିଲା, ମାତ୍ର କରୀନା ନିଜ ସୋସିଆଲ ମିଡିଆ ପୋଷ୍ଟରେ ଏହାକୁ ଅସ୍ଵୀକାର କରିଥିଲେ । ୨୦୧୨ରେ କରୀନା ସୈଫ ଅଲ୍ଲୀ ଖାନଙ୍କୁ ବିବାହ କରିଥିଲେ । ବିବାହ ପରେ କରୀନାଙ୍କ ଦୁଇଟି ପୁତ୍ର ସନ୍ତାନ ଅଛନ୍ତି । ଏହି କପଲ୍ ୨୦୧୬ରେ ପୁଅ ତୈମୁର ଓ ୨୦୨୧ରେ ସାନ ପୁଅ ଜେହର ପିତାମାତା ହୋଇଥିଲେ ।

ଅଧିକ ମନୋରଞ୍ଜନ ସମ୍ବନ୍ଧୀୟ ଖବର ପଢନ୍ତୁ...