Kareena Kapoor Pregnancy / ତୃତୀୟ ଥର ଗର୍ଭବତୀ କରୀନା କପୁର ? ଶେଷରେ ନିଜେ ମୁହଁ ଖୋଲିଲେ ଅଭିନେତ୍ରୀ

ମୁମ୍ବାଇ: ପଟୌଦି ବେଗମ୍ ତଥା ବଲିଉଡର ଲୋକପ୍ରିୟ ଅଭିନେତ୍ରୀ କରୀନା କପୁରଙ୍କ ଏକ ଭିଡିଓ ସାମ୍ନାକୁ ଆସିଛି, ​​ଯେଉଁଥିରେ ତାଙ୍କ ବେବି ବମ୍ପ ଦେଖାଯାଉଛି । ଅଭିନେତ୍ରୀ ଗର୍ଭବତୀ ଏବଂ ତୃତୀୟ ଥର ପାଇଁ ମାଆ ହେବାକୁ ଯାଉଛନ୍ତି ବୋଲି ଜୋରଦାର ଚର୍ଚ୍ଚା ହେଉଛଇ । କରୀନାଙ୍କ ନଣନ୍ଦ ଗତକାଲି ଏହି ଚର୍ଚ୍ଚା ଉପରେ ନିଜର ପ୍ରତିକ୍ରିୟା ରଖିଥିବାବେଳେ କରୀନା ମଧ୍ୟ ଆଜି ଏହା ଉପରେ ମୁହଁ ଖୋଲିଛନ୍ତି ।

କରୀନା ପ୍ରଥମେ ସୋସିଆଲ ମିଡିଆ ଏହା ଉପରେ ଏକ ପୋଷ୍ଟ କରିଛନ୍ତି ଏବଂ ତାଙ୍କ ଗର୍ଭଧାରଣ ଖବରକୁ ମଜାଳିଆ ଢଙ୍ଗରେ ଅସ୍ୱୀକାର କରିଛନ୍ତି । ଏହି ପୋଷ୍ଟ କରିବା ପରେ ଯେତେବେଳେ ସେ ନିକଟରେ ପାପାରାଜିମାନଙ୍କୁ ଭେଟିଲେ ଏବଂ ପାପାରାଜି କରୀନାଙ୍କୁ କ୍ଷମା ମାଗିବା ଆରମ୍ଭ କରିଥିଲେ, ସେ ସେମାନଙ୍କୁ କହିଥିଲେ, "ତୁମେ ମୋତେ ପାଗଳ କରିଦେଉଛ ।"

Kareena's team has denied the rumours that she is pregnant.

What did she eat? 😧 pic.twitter.com/0ycm1pRj1i

— Chota Don (@choga_don) August 22, 2026

• କରୀନାଙ୍କ ଦିଶିଥିଲା ବେବି ବମ୍ପ୍

ଅଗଷ୍ଟ ୨୧ ତାରିଖରେ ଯେତେବେଳେ କରୀନାଙ୍କୁ ଜିମ୍ ବାହାରେ ଦେଖାଯାଇଥିଲା, ସେତେବେଳେ ତାଙ୍କର ବେବି ବମ୍ପ ଦେଖାଯାଉଥିଲା, ଯାହାକୁ ତାଙ୍କ ସୁରକ୍ଷା କର୍ମୀ ଛତା ସାହାଯ୍ୟରେ ଲୁଚାଇବାକୁ ଚେଷ୍ଟା କରିଥିଲେ । ଏହା ଦେଖି ଅଭିନେତ୍ରୀଙ୍କ ତୃତୀୟ ଗର୍ଭଧାରଣ ବିଷୟରେ ଆଲୋଚନା ଆରମ୍ଭ ହୋଇଥିଲା । କରୀନା ତୃତୀୟ ଛୁଆର ମାଆ ହେବାକୁ ଯାଉଥିବା ପାପାରାଜି ମାନେ ସୋସିଆଲ ମିଡିଆରେ ପୋଷ୍ଟ କରିବା ଆରମ୍ଭ କରିଥିଲେ । ଯାହାକୁ ସତ ଭାବିନେଇଥିଲେ ପ୍ରଶଂସକ ।

Kareena Kapoor reacts to the ongoing pregnancy rumours with a hilarious message for the paparazzi. 😂👀 Bebo keeping it real, as always!#KareenaKapoor #MissMalini pic.twitter.com/SIWoiJfb2o

— MissMalini (@MissMalini) August 22, 2026

• କଣ କହିଲେ କରୀନାଙ୍କ ନଣନ୍ଦ ?

ଗତକାଲି କରୀନାଙ୍କ ନଣନ୍ଦ ତଥା ସୈଫ ଅଲ୍ଲୀ ଖାନଙ୍କ ସାନ ଭଉଣୀ ସବା ପଟୌଦି ଏହାକୁ ଖଣ୍ଡନ କରି ଲେଖିଥିଲେ, "ଏହା ଫଟୋ ଉଠାଇବାର ଏକ ଖରାପ ଆଙ୍ଗେଲ୍ ଥିଲା । ଲୋକମାନେ ଏତେ ଶୀଘ୍ର ଗୋଟିଏ ଫଟୋକୁ ଦେଖି କିପରି ନିଷ୍କର୍ସରେ ପହଞ୍ଚିପାରୁଛନ୍ତି ? କରୀନା ପ୍ରଥମେ ବିମାନବନ୍ଦରରେ ସୁନ୍ଦର ଏବଂ ପତଳା ଦେଖାଯାଉଥିଲେ ଏବଂ ପରେ ଜିମ୍‌ରୁ ବାହାରିବା ପରେ ଏପରି ଦିଶିଲେ । ସେପରି କିଛି ନାହିଁ । ଏପଟେ କିନ୍ତୁ ମୁଁ ମୋ ଭଉଣୀ (ସୋହା ଅଲ୍ଲୀ ଖାନ)କୁ ଆଉ ଏକ ସନ୍ତାନ ପାଇଁ ରାଜି କରାଇବାକୁ ଚେଷ୍ଟା କରୁଛି ।" ଏହାସହିତ ୱା କାହା ବ୍ୟକ୍ତିଗତ ଜୀବନରେ ଏତେ ମାତ୍ରାରେ ହସ୍ତକ୍ଷେପ ନ କରିବାକୁ ଲୋକଙ୍କୁ ଅପିଲ୍ କରିଥିଲେ ।

• ପୋଷ୍ଟରେ କଣ କହିଲେ କରୀନା ?

ସବା ପ୍ରତିକ୍ରିୟା ରଖିବା ପରେ କରୀନା ତାଙ୍କର ଫୁଲିଥିବା ପେଟର ଏକ ଫଟୋ ସେୟାର କରି ଲେଖିଛନ୍ତି, "ଦୂରକୁ ହଟ ।" ପରେ କରୀନା ଗର୍ଭଧାରଣ ଗୁଜବ ଉପରେ ହାସ୍ୟରସପୂର୍ଣ୍ଣ ଢଙ୍ଗରେ ପ୍ରତିକ୍ରିୟା ଦେଇଛନ୍ତି । ଫଟୋ ସେୟାର କରି ସେ ପିଜା ଏବଂ ଅନେକ ହସିବା ଇମୋଜି ଦେଇଛନ୍ତି । ଏଥିରେ ମଧ୍ଯ ପ୍ରଶଂସକ ଅନେକ ପ୍ରତିକ୍ରିୟା ଦେଇଛନ୍ତି ।

ପଢନ୍ତୁ ଏହି ଖବର: ୪୫ବର୍ଷରେ ତୃତୀୟ ଛୁଆର ମାଆ ହେବେ କି କରୀନା କପୁର ? ସତକଥା କହିଲେ ନଣନ୍ଦ

• କରୀନାଙ୍କୁ କ୍ଷମା ମାଗିଲେ ପାପାରାଜି

ଏହାପରେ ଯେତେବେଳେ କରୀନାଙ୍କୁ ଦେଖାଗଲା, ପାପାରାଜିମାନେ ତାଙ୍କୁ କ୍ଷମା ମାଗିବାକୁ ଲାଗିଲେ । କରୀନା ସେମାନଙ୍କ ଉପରେ ହସି କହିଲେ, "ତୁମେ ମୋତେ ପାଗଳ କରିଦେଉଛ ।" ଏହା ପରେ, ସେ ଗାଡ଼ିରେ ବସି ଚାଲିଗଲେ । ପୂର୍ବରୁ ନ୍ୟୁୟର୍କରେ ଛୁଟି କାଟିବା ସମୟରେ କରୀନାଙ୍କ ତୃତୀୟ ଗର୍ଭଧାରଣର ଗୁଜବ ପ୍ରଚାର ହୋଇଥିଲା । ସେ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଏକ ଫଟୋ ସେୟାର କରିଥିଲେ, ଯାହାଦ୍ୱାରା ୟୁଜର ତାଙ୍କ ଗର୍ଭଧାରଣ ବିଷୟରେ ଅନୁମାନ କରିଥିଲେ । ତା’ପରେ କରୀନା ପିଜାକୁ ଏହାର କାରଣ ବୋଲି କହିଥିଲେ।