ଚର୍ଚ୍ଚାରେ ସାଉଥ୍ ସୁପରଷ୍ଟାର ସୁରିୟା ଓ ଅଭିନେତ୍ରୀ ତ୍ରିଶା କୃଷ୍ଣନଙ୍କ ଅଭିନୀତ ଫିଲ୍ମ 'କରୁପ୍ପୁ' । ଫିଲ୍ମଟି ରିଲିଜ ହେବାର ମାତ୍ର ୧୧ ଦିନରେ (ସୋମବାର ସୁଦ୍ଧା) ବକ୍ସ ଅଫିସରେ ଜଲୱା ଦେଖାଇଛି । ତାମିଲ ଚଳଚ୍ଚିତ୍ରଟି ଘରୋଇ ବଜାରରେ ୧୫୦ କୋଟି ବ୍ୟବସାୟ ସଂଖ୍ୟାକୁ ଅତିକ୍ରମ କରିଥିବାବେଳେ ବିଶ୍ଵ ବଜାରରେ ଏଯାବତ୍ ମୋଟ ୨୫୦ କୋଟି ରୋଜଗାର କରିଛି । ନିଜର ଦମଦାର ଅଭିନୟ ପାଇଁ ପୁଣି ଥରେ ଚର୍ଚ୍ଚାକୁ ଆସିଛନ୍ତି ଲୋକପ୍ରିୟ ଅଭିନେତ୍ରୀ ତ୍ରିଶା କୃଷ୍ଣନ । ନିକଟରେ ବିଜୟ ଥାଲାପତି ମୁଖ୍ୟମନ୍ତ୍ରୀ ହେବାପରେ ତାଙ୍କ ସହିତ ସମ୍ପର୍କକୁ ନେଇ ତ୍ରିଶା ଚର୍ଚ୍ଚାକୁ ଆସିଥିଲେ ।

• କେଉଁ ଦିନରେ କେତେ ବ୍ୟବସାୟ ?

ରିଲିଜର ୧୧ ଦିନରେ କରୁପ୍ପୁ ଫିଲ୍ମ ୪୪୫୭ ଶୋ'ରେ ପ୍ରଦର୍ଶିତ ହୋଇଥିଲା, ଯେଉଁଥିରେ ଫିଲ୍ମ ୫.୯ କୋଟି ରୋଜଗାର କରିଥିଲା, କିନ୍ତୁ ଏହା ରବିବାର ବ୍ୟବସାୟଠାରୁ ୬୦% କମ୍ ଥିଲା । ଛୁଟି ଦିନ ହୋଇଥିବାରୁ ରବିବାର ଫିଲ୍ମର କ୍ରେଜ୍ ଅଧିକ ଥିଲା ଓ ଚଳଚ୍ଚିତ୍ରଟି କେବଳ ରବିବାର ଦିନ ୧୪.୫୭ କୋଟି ରୋଜଗାର କରିଥିଲା । ଏହାସହିତ ରିଲିଜର ୧୧ ଦିନରେ ଭାରତରେ ଏହି ତାମିଲ ଫିଲ୍ମ ୧୭୯.୧୫ କୋଟି ରୋଜଗାର କରିଛି । ସେହିପରି ବିଶ୍ଵ ମାର୍କେଟରେ ଫିଲ୍ମ ସୋମବାର ସୁଦ୍ଧା ୨୪୭.୧୫ କୋଟି ଟଙ୍କା ବ୍ୟବସାୟ କରିଛି ।

• ରିଲିଜଠାରୁ କମାଲ୍ କରୁଛି କରୁପ୍ପୁ

ଫିଲ୍ମର ବକ୍ସ ଅଫିସ ରିଲିଜ ଦିନଠାରୁ ବେଶ ଭଲ ରହିଆସିଛି । ମୁକ୍ତିଲାଭ କରିଥିବା ଦିନ (ଶୁକ୍ରବାର)ରେ ଅର୍ଥାତର ରିଲିଜର ପ୍ରଥମ ଦିନରେ ଫିଲ୍ମ ୧୫.୫ କୋଟି ରୋଜଗାର କରିଥିଲା । ଏହାପରେ ଶନିବାର ଓ ରବିବାର ଯଥାକ୍ରମେ ୨୪.୧୫ କୋଟି ଏବଂ ୨୮.୩୫ କୋଟି ରୋଜଗାର କରିଥିଲା । କେବଳ ପ୍ରଥମ ସପ୍ତାହରେ ଫିଲ୍ମଟି ୧୧୩.୮୫ କୋଟି ଟଙ୍କା ରୋଜଗାର କରିଥିଲା । ରିଲିଜର ଦ୍ଵିତୀୟ ଦିନରେ ରୋଜଗାର ହ୍ରାସ ପାଇଥିଲା, କାରଣ ବକ୍ସ ଅଫିସ କଲେକ୍ସନ ୪୦.୯ କୋଟି ଥିଲା ।

ପଢନ୍ତୁ ଏହି ଖବର: ମୁଖ୍ୟମନ୍ତ୍ରୀ ହେଲେ ବିଜୟ; ଶପଥ ସମାରୋହରେ ଭାବବିହ୍ଵଳ ତ୍ରିଶା

କରୁପ୍ପୁ (୨୦୨୬) ହେଉଛି ଆରଜେ ବାଲାଜୀଙ୍କ ନିର୍ଦ୍ଦେଶିତ ଏକ ଫାଣ୍ଟାସି ଆକ୍ସନ୍-ଡ୍ରାମା, ଯେଉଁଥିରେ ଆକ୍ଟର ସୁରିୟା ଏବଂ ତ୍ରିଶା କୃଷ୍ଣନ୍ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଆକ୍ଟର ସୁରିୟା ଏହି ଫିଲ୍ମରେ ଜଣେ ଉତ୍ସର୍ଗୀକୃତ ଓକିଲ ଭୂମିକାରେ ନଜର ଆସିଛନ୍ତି । ସେ ଦୁର୍ନୀତିଗ୍ରସ୍ତ ଆଇନ ଏବଂ କୋର୍ଟ ବ୍ୟବସ୍ଥାକୁ ଭାଙ୍ଗିବା ପାଇଁ ନିଜର କ୍ଷମତା ବ୍ୟବହାର କରି ଉପେକ୍ଷିତ ଲୋକଙ୍କୁ ସୁରକ୍ଷା ଦେଉଛନ୍ତି ଏବଂ ଚୂଡ଼ାନ୍ତ ନ୍ୟାୟ ପ୍ରଦାନ କରୁଛନ୍ତି । ଅଭିନେତ୍ରୀ ତ୍ରିଶା ଏହି ଫିଲ୍ମରେ ପ୍ରୀତି ଚରିତ୍ରରେ ନଜର ଆସିଛନ୍ତି ।