ରବିବାର ଭବ୍ୟ ସମାରୋହରେ ତାମିଲନାଡୁର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ବିଜୟ ଥାଲାପତି । ଏହି କାର୍ଯ୍ୟକ୍ରମରେ ବିଜୟଙ୍କ ରୁମର୍ ଗର୍ଲଫ୍ରେଣ୍ଡ ତ୍ରିଶା କୃଷ୍ଣନ ସମ୍ପୂର୍ଣ୍ଣ ପାରମ୍ପରିକ ଲୁକରେ ପହଞ୍ଚିଥିଲେ । ବିଜୟ ଶପଥ ନେବା ପୂର୍ବରୁ ନିଜ ଫ୍ୟାନ୍ସ ଓ ରାଜ୍ୟ ଉଦ୍ଦେଶ୍ୟରେ ସଂକ୍ଷପ ଭାଷଣ ଦେଇଥିଲେ । ଏହି ସମୟରେ ତ୍ରିଶା ଭାବବିହ୍ଵଳ ହୋଇପଡ଼ିଥିବା ଦେଖିବାକୁ ମିଳିଥିଲା । ଏହି ଭିଡିଓଟି ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ସେପଟେ ବିଜୟଙ୍କ ପତ୍ନୀ ସଙ୍ଗୀତା ଓ ପୁଅଝିଅ ଏହି କାର୍ଯ୍ୟକ୍ରମରେ ସାମିଲ ହୋଇନଥିଲେ ।

ଶପଥ ଗ୍ରହଣ ସମାରୋହ ଚେନ୍ନାଇ ସ୍ଥିତ ଜବାହରଲାଲ ନେହେରୁ ଇନଡୋର ଷ୍ଟାଡିୟମରେ ଆୟୋଜିତ ହୋଇଥିଲା । ଏହି କାର୍ଯ୍ୟକ୍ରମରେ ବିଜୟଙ୍କ ପିତାମାତା, ଫିଲ୍ମ ଦୁନିଆର କିଛି ପରିଚିତ ଚେହେରା ଓ ବହୁଳ ସଂଖ୍ୟାରେ ବିଜୟଙ୍କ ପ୍ରଶଂସକ ପହଞ୍ଚିଥିଲେ । ଏହି କାର୍ଯ୍ୟକ୍ରମରେ ତ୍ରିଶାଙ୍କୁ ବି ଦେଖିବାକୁ ମିଳିଥିଲା । ସେ କାର୍ଯ୍ୟକ୍ରମରେ ବିଜୟଙ୍କ ଭାଷଣକୁ ଧ୍ୟାନର ସହିତ ଶୁଣୁଥିବାବେଳେ ତାଙ୍କ ଆଖିରେ ଲୁହ ଆସିଥିଲା । ଏହି ସମାରୋହରେ ତ୍ରିଶା ବିଜୟଙ୍କ ପରିବାରକୁ ଖୁସିରେ ଆଲିଙ୍ଗନ କରୁଥିବା ମଧ୍ୟ ଦେଖିବାକୁ ମିଳିଥିଲା ।

• ଶପଥ ପରେ ତ୍ରିଶାଙ୍କ ପୋଷ୍ଟ ଭାଇରାଲ୍

ତ୍ରିଶା ବିଜୟଙ୍କ ମାଆ ଶୋଭା ଚନ୍ଦ୍ରଶେଖର ଓ ତାଙ୍କ ଭଉଣୀକୁ ଭେଟିଥିଲେ । ଏପରିକି ତ୍ରିଶାଙ୍କ ଲାଗି ଆଗ ପାଖରେ ଏକ ସିଟ୍ ବୁକ୍ ଥିଲା । ତ୍ରିଶା ନିଜ ମାଆ ଉମା କୃଷ୍ଣନଙ୍କ ସହିତ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ । ସେ ଏକ ହାଲୁକା ସବୁଜ ରଙ୍ଗର ଶାଢୀ ପିନ୍ଧିଥିଲେ ଓ ଚୁଟିରେ ଗଜରା ବାନ୍ଧି ସମ୍ପୂର୍ଣ୍ଣ ପାରମ୍ପରିକ ଲୁକରେ ପହଞ୍ଚିଥିଲେ । ଏହି ଲୁକର ଫଟୋ ସେୟାର କରି ତ୍ରିଶା କ୍ୟାପସନରେ ଲେଖିଥିଲେ, "ଲଭ୍ ଇଜ୍ ଅଲୱେଜ୍ ଲାଉଡର୍ ।" ଏଠାରେ କହିରଖୁଛୁ କି, ବିଜୟ ଓ ତ୍ରିଶାଙ୍କ ଅନସ୍କ୍ରିନ୍ ଯୋଡ଼ିକୁ ଫ୍ୟାନ୍ସ ବେଶ ପସନ୍ଦ କରନ୍ତି । ସେମାନେ ସାଥୀରେ ଅନେକ ଫିଲ୍ମ କରିଛନ୍ତି ।

ପଢନ୍ତୁ ଏହି ଖବର: ବିଜୟ ହେଲେ ମୁଖ୍ୟମନ୍ତ୍ରୀ; ଶପଥ ସମାରୋହକୁ ଆସିଲେନି ସ୍ତ୍ରୀ କି ଛୁଆ

• ଚର୍ଚ୍ଚାରେ ବିଜୟ-ତ୍ରିଶାଙ୍କ ସମ୍ପର୍କ

ଏହାବ୍ୟତୀତ ବିଜୟ ଓ ତ୍ରିଶାଙ୍କ ସମ୍ପର୍କକୁ ନେଇ ବେଶ ଚର୍ଚ୍ଚା ହୁଏ । ଉଭୟ ବାହାରେ ଭ୍ରମଣ କରୁଥିବା ଭିଡିଓ ମଧ୍ୟ ଭାଇରାଲ ହୁଏ । ନିକଟରେ ଏକ ବିବାହ ଉତ୍ସବରେ ମଧ୍ୟ ବିଜୟ ଓ ତ୍ରିଶା ଗୋଟିଏ କାରରେ ପହଞ୍ଚିଥିଲେ, ଏହାପରେ ଉଭୟଙ୍କ ସମ୍ପର୍କକୁ ନେଇ ଚର୍ଚ୍ଚା ଜୋର ଧରିଥିଲା । ଅନ୍ୟପଟେ ବିଜୟଙ୍କ ପତ୍ନୀ ଏହି ଶପଥ ଗ୍ରହଣ ସମାରୋହରୁ ନିଜକୁ ଓ ନିଜ ପିଲା ଦୁଇଙ୍କୁ ଦୂରରେ ରଖିଥିଲେ । ସେ ଗତ ଫେବୃଆରୀରରେ ଛାଡ଼ପତ୍ର ଆବେଦନ କରିଥିଲେ ଓ ସେଥିରେ ବିଜୟଙ୍କ ସହିତ ଅନ୍ୟ କୌଣସି ଅଭିନେତ୍ରୀଙ୍କ ସମ୍ପର୍କକୁ ନେଇ ଉଲ୍ଲେଖ କରିଥିବା ସୂତ୍ରରୁ ଜଣାପଡ଼ିଥିଲା । ବିଜୟ ନିଜ ପତ୍ନୀଙ୍କ ସହ ଛାଡ଼ପତ୍ର ଓ ତ୍ରିଶାଙ୍କ ସହିତ ସମ୍ପର୍କକୁ ନେଇ କୌଣସି ପ୍ରତିକ୍ରିୟା ରଖିନାହାନ୍ତି । ତ୍ରିଶା ବିଜୟଙ୍କୁ ନିଜର ଘନିଷ୍ଠ ବନ୍ଧୁ ବୋଲି କୁହନ୍ତି ।

ଅଧିକ ମନୋରଞ୍ଜନ ଖବର ପଢନ୍ତୁ...