Videos
|
Entertainment

Gold Ring Gift / SRH ମାଲିକାଣୀ କାବ୍ୟାଙ୍କ ୨୫ରେ ଗ୍ରାଣ୍ଡ ରିସେପସନ୍ ପାର୍ଟି, ଇନଭିଟେସନ୍ କାର୍ଡ ଭାଇରାଲ୍

Debashree Debasmita Sahoo
Browse all articles by Debashree Debasmita Sahoo
·58 mins ago·2 min read
SRH ମାଲିକାଣୀ କାବ୍ୟାଙ୍କ ୨୫ରେ ଗ୍ରାଣ୍ଡ ରିସେପସନ୍ ପାର୍ଟି, ଇନଭିଟେସନ୍ କାର୍ଡ ଭାଇରାଲ୍
Kavya Maran Gifts Gold Rings to Staffs

Key Points

ନିକଟରେ ବିବାହ କରିଛନ୍ତି SRH ମାଲିକାଣୀ କାବ୍ୟା
ବିବାହ ପରେ ଷ୍ଟାଫ୍‌ଙ୍କୁ ଗିଫ୍ଟରେ ଦେଲେ ସୁନାମୁଦି
୨୫ ତାରିଖରେ ଦେବେ ଗ୍ରାଣ୍ଡ ରିସେପସନ୍
ଭାଇରାଲ୍ ହେଉଛି ରିସେପସନ୍ କାର୍ଡ
ମୁମ୍ବାଇ: ଆଇପିଏଲର ସନରାଇଜର୍ସ ହାଇଦ୍ରାବାଦ ମାଲିକାଣୀ କାବ୍ୟା ମାରନ ଓ ଅନିରୁଦ୍ଧ ରବିଚନ୍ଦରଙ୍କ ବିବାହ ଏବେ ବେଶ ଚର୍ଚ୍ଚାରେ । ନଭେମ୍ବର ୨୧ ତାରିଖରେ ବିବାହ ପରେ ଆସନ୍ତା ୨୫ ତାରିଖରେ କାବ୍ୟା ଏକ ଗ୍ରାଣ୍ଡ ରିସେପସନ୍ ରଖିଛନ୍ତି । ତେବେ ଏହାର ଇନଭିଟେସନ କାର୍ଡ ଏବେ ଖୁବ ଭାଇରାଲ ହେଉଛି । ଏହାସହିତ ନିଜ କମ୍ପାନୀ ସନଗ୍ରୁପ୍‌ର ଷ୍ଟାଫମାନଙ୍କୁ ସେ ବିବାହ ଗିଫ୍ଟରେ ସୁନାମୁଦି ପ୍ରଦାନ କରିଛନ୍ତି ।

ସୋସିଆଲ ମିଡିଆରେ ସନଗ୍ରୁପ୍ କର୍ମଚାରୀଙ୍କ ପକ୍ଷରୁ ସେୟାର କରାଯାଇଥିବା ଭିଡିଓରେ ଜଣେ କର୍ମଚାରୀ ଗିଫ୍ଟ ବାକ୍ସକୁ ଖୋଲୁଛନ୍ତି । ଏଥିରେ ନିମନ୍ତ୍ରଣ କାର୍ଡ, ଚକଲେଟ୍ ଓ ସୁନାମୁଦି ଦିଆଯାଇଛି । ମାଇକ୍ରୋ ବ୍ଲଗିଂ ସାଇଟ୍ ଏକ୍ସରେ ଏହାର ଭିଡିଓ ଭାଇରାଲ ହେଉଛି । କିଛି ଗିଫ୍ଟ ବାକ୍ସରେ ସୁନା କଏନ୍ ମଧ୍ୟ ଉପହାର ଆକାରରେ ପ୍ରଦାନ କରାଯାଇଛି ।

  • "ସୁନାମୁଦି ଆଶା ନଥିଲା"
ଭିଡିଓରେ ଦେଖିବାକୁ ମିଳିଛି ଯେ କର୍ମଚାରୀ ଜଣକ ବାକ୍ସରେ ସୁନାମୁଦି ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି । ଆରବପତି ବ୍ୟବସାୟୀ ଓ ସନଗ୍ରୁପ୍ ନିର୍ଦ୍ଦେଶକ କଳାନିଧି ମାରନଙ୍କ ଝିଅ କାବ୍ୟାଙ୍କ ପକ୍ଷରୁ ଯେଉଁ ଗିଫ୍ଟ ବାକ୍ସ ଦିଆଯାଇଛି, ସେଥିରେ କର୍ମଚାରୀଙ୍କ ଲାଗି ନଭେମ୍ବର ୨୫ ତାରିଖରେ ଏକ ଲଞ୍ଚ୍ ପାର୍ଟିର ବ୍ୟବସ୍ଥା ଥିବା ଉଲ୍ଲେଖ ରହିଛି।
  • ଚେନ୍ନାଇରେ ଗ୍ରାଣ୍ଡ ରିସେପସନ୍
ନଭେମ୍ବର ୨୫ ତାରିଖରେ ହେବାକୁ ଥିବା ଗ୍ରାଣ୍ଡ ରିସେପସନ୍ ଉପରେ ସମସ୍ତଙ୍କ ନଜର । ଏହା ଚେନ୍ନାଇରେ ଆୟୋଜିତ ହେବ । ଏହି ଭବ୍ୟ ସନ୍ଧ୍ୟାରେ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କଠୁ ଆରମ୍ଭ କରି ଅନେକ ରାଜନେତା, ସେଲିବ୍ରିଟି ଓ କୀର୍ତ୍ତିମାନ ବ୍ୟକ୍ତି ଯୋଗଦେବେ । ଏପରିକି ତାମିଲନାଡୁ ମୁଖ୍ୟମନ୍ତ୍ରୀ ଥାଲାପତି ବିଜୟ ମଧ୍ୟ ସାମିଲ ହୋଇପାରନ୍ତି ।

  • ନଭେମ୍ବର ୧୧ରେ ହୋଇଥିଲା ବିବାହ
କାବ୍ୟା ମାରନ ଓ ଅନିରୁଦ୍ଧ ରବିଚନ୍ଦର ଗତ ନଭେମ୍ବର ୧୧ ତାରିଖରେ ଗ୍ରୀସରେ ବିବାହ କରିଥିଲେ । ସାତ ଦରିଆ ପାରି ହୋଇ ଆୟୋଜିତ ହୋଇଥିବା ଗ୍ରାଣ୍ଡ ୱେଡିଂରେ ସୁପରଷ୍ଟାର ରଜନୀକାନ୍ତ ଓ ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ୍ ଯୋଗ ଦେଇଥିଲେ । କାବ୍ୟା ଓ ଅନିରୁଦ୍ଧଙ୍କ ବିବାହ ଫଟୋ ଇଣ୍ଟରନେଟ୍‌ରେ ଖୁବ ଭାଇରାଲ ହୋଇଥିଲା ।

ପଢନ୍ତୁ ଏହି ଖବର: ଅନିରୁଦ୍ଧଙ୍କ ବିବାହରେ ରଜନୀକାନ୍ତଙ୍କ ଜଲୱା… ୭୫ ବର୍ଷରେ ଏମିତି ନାଚିଲେ ଯେ ସମସ୍ତେ ଆଶ୍ଚର୍ଯ୍ୟ

  • କାବ୍ୟାଙ୍କ ବର କିଏ ?
କାବ୍ୟା ମରାନଙ୍କ ଭାବି ସ୍ଵାମୀ ହେଉଛନ୍ତି ଅନିରୁଦ୍ଧ ରବିଚନ୍ଦର । ସେ ଭାରତୀୟ ଫିଲ୍ମ ଇଣ୍ଡଷ୍ଟ୍ରିର ସବୁଠୁ ମହଙ୍ଗା ମ୍ୟୁଜିକ୍ କମ୍ପୋଜର୍ ଭାବେ ଜଣାଶୁଣା । ସେ କୌଣସି ବଡ଼ ପ୍ରୋଜେକ୍ଟ ଲାଗି ୮ରୁ ୧୦ କୋଟି ଟଙ୍କା ନିଅନ୍ତି । ଅନିରୁଦ୍ଧଙ୍କ ମୋଟ ସମ୍ପତ୍ତିର ମୂଲ୍ୟ ୫୦କୋଟି । ମ୍ୟୁଜିକ୍ ବ୍ୟତୀତ ସେ ବ୍ୟବସାୟ ଜଗତରେ ମଧ୍ୟ ବେଶ ସକ୍ରିୟ । ସେ ଲୋକପ୍ରିୟ ଫିଲ୍ଟର କଫି ଷ୍ଟାର୍ଟଅପ୍ 'VS Mani & Co'ର ସହପ୍ରତିଷ୍ଠାତା ଓ ବ୍ରାଣ୍ଡ ଆମ୍ବାସାଡର । ଏହାବ୍ୟତୀତ ସେ ଅନ୍ୟ କିଛି ବ୍ୟବସାୟ ମଧ୍ୟ କରନ୍ତି ।

Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free: