Kiara Bold Scene / ପରଦାରେ ସବୁଠୁ ବୋଲ୍ଡ ସିନ୍ କଲେ କିଆରା; କହିଦେଲେ ଏହା ପଛର କାରଣ

ମୁମ୍ବାଇ: ବଲିଉଡର ଅନ୍ୟତମ ଲୋକପ୍ରିୟ ଅଭିନେତ୍ରୀ କିଆରା ଆଡଭାନୀ ସାଉଥ ସୁପରଷ୍ଟାର ୟଶଙ୍କ ସହ ଆଗାମୀ ଫିଲ୍ମ 'ଟକ୍ସିକ୍'ରେ ନଜର ଆସିବେ । ଏହି ଫିଲ୍ମକୁ କିଆରାଙ୍କ ଏଯାବତ ସବୁଠୁ ବୋଲ୍ଡ ଫିଲ୍ମ ବୋଲି କୁହାଯାଉଛି । ଏହି ଫିଲ୍ମର ଟିଜର ଜାରି ହୋଇସାରିଥିବାବେଳେ ଦର୍ଶକଙ୍କଠାରୁ ଅନେକ ଭଲପାଇବା ମଧ୍ୟ ମିଳିଛି । ତେବେ ଏପରି ବୋଲ୍ଡ ସିନକୁ ନେଇ କିଆରାଙ୍କୁ ଟ୍ରୋଲ୍ ମଧ୍ୟ କରାଯାଇଥିଲା । ଏବେ ଅଭିନେତ୍ରୀ କାହିଁକି ଏହି ଭୂମିକାରେ ଆସିଲେ ତାହା ପଛର ପ୍ରକୃତ କାରଣ କହିଛନ୍ତି ।

ନିକଟରେ ଏକ ସାକ୍ଷାତକାର ଦେଇ କିଆରି କହିଛନ୍ତି, "ଯେତେବେଳେ ମୁଁ ଫିଲ୍ମର କାହାଣୀ ଶୁଣିଲି, ମୁଁ ଏଥିରୁ ବେଶ ପ୍ରଭାବିତ ହୋଇଥିଲି ଯେ ଏହି ଚରିତ୍ରଟି ବେଶ ପ୍ରଭାବଶାଳୀ ଢଙ୍ଗରେ ଗଢାଯାଇଛି । ଏହି ଚରିତ୍ରରେ ସବୁକିଛି ଥିଲା, ଯାହାକୁ ସର୍ବଦା ଜଣେ କଳାକାର ଖୋଜିଥାଏ । ମୋତେ ଲାଗିଥିଲା ଯେ ମୁଁ ମୋ କ୍ଯାରିଅରର ଏପରି ଏକ ସ୍ଥାନରେ ପହଞ୍ଚିଯାଇଛି, ଯେଉଁଠି ଏପରି ଚରିତ୍ରରେ ଅଭିନୟ କରିବାର ଆତ୍ମବିଶ୍ଵାସ ଅଛି ।" ମାତ୍ର ଏହି ଚରିତ୍ର ସମ୍ପର୍କରେ ତାକୁ ପ୍ରଥମରୁ ବିଶେଷ ସୂଚନା ଦିଆଯାଇନଥିଲା, ମାତ୍ର ଅଭିନେତା ୟଶଙ୍କ ସହ ତାଙ୍କର ନାଦିୟା ଚରିତ୍ରର ବୋଲ୍ଡ ସିନ୍ ଦର୍ଶକଙ୍କୁ ଆକୃଷ୍ଟ କରିଛି । କାରଣ ଦର୍ଶକ ପ୍ରଥମ ଥର ଲାଗି କିଆରାଙ୍କୁ ଏପରି ଚରିତ୍ରରେ ଦେଖିବାକୁ ଯାଉଛନ୍ତି ।

• କିଆରା ଆଉ କଣ କହିଲେ ?

ଏହି ସାକ୍ଷାତକାରରେ କିଆରା ଜଣେ କଳାକାର ଭାବରେ କୌଣସି ଗୋଟିଏ ପ୍ରକାର ଭୂମିକାରେ ବାନ୍ଧି ରହିବାକୁ ଚାହାଁନ୍ତି ନାହିଁ ବୋଲି କହିଥିଲେ । ସେ କହିଥିଲେ, "ମୋତେ ମହିଳାଙ୍କୁ ଷ୍ଟିରିଓଟାଇପ୍ କରିବା ପସନ୍ଦ ନୁହେଁ । ଆମେ ତାହାଠୁ ବହୁ ଊର୍ଦ୍ଧ୍ଵରେ, ତେବେ ଆମ ଚରିତ୍ର କଣ ପାଇଁ ହୋଇପାରିବ ନାହିଁ । ମହିଳାଙ୍କ ଚରିତ୍ର ମଜଭୁତ ଓ ଜଟିଳ ହୋଇଥାଏ ।"

• ଗତବର୍ଷ ରିଲିଜ ହୋଇଥିଲା ପୋଷ୍ଟର

ଯେତେବେଳେ ଗତବର୍ଷ ଟକ୍ସିକ୍ ଫିଲ୍ମର ପୋଷ୍ଟର ରିଲିଜ୍ ହୋଇଥିଲା , ସେତେବେଳେ କିଆରା ଏହାକୁ ସେୟାର କରି କ୍ଯାପସନରେ ଲେଖିଥିଲେ ଯେ ଏହି ଚରିତ୍ରଟି ତାଙ୍କୁ ଶାରୀରିକ, ମାନସିକ ଓ ଭାବନାତ୍ମକ ରୂପରେ ଅନେକ କିଛି ମାଗିଛି ଓ ତାଙ୍କୁ ସମ୍ପୂର୍ଣ୍ଣ ଭାବେ ପରିବର୍ତ୍ତନ କରିଛି । ଏହା ଏଯାବତ ତାଙ୍କର ସବୁଠୁ ଜଟିଳ ଅଭିନୟ ଥିଲା ଓ ସେ ମାସ ମାସ ଧରି ପରିଶ୍ରମ କରିଥିବା କହିଥିଲେ । ଏହି ଚରିତ୍ର ପାଇଁ ସେ ଏକ ନିର୍ଭୀକ ଷ୍ଟେପ୍ ନେଇଥିଲେ ଓ ପୋଷ୍ଟରକୁ ଦର୍ଶକଙ୍କ ଭଲ ପାଇବା ମିଳିବା ପରେ ସେ ବେଶ ଆନନ୍ଦିତ ଓ ନିଜର ଖୁସିକୁ ପ୍ରକାଶିତ କରିବା ପାଇଁ ଶବ୍ଦର ଅଭାବ ଅନୁଭବ କରୁଥିବା କହିଥିଲେ ।

ପଢନ୍ତୁ ଏହି ଖବର: ଅଭିଷେକଙ୍କ ସହ ନିର୍ବନ୍ଧ ଭାଙ୍ଗିଲା ପରେ କେମିତି ଥିଲେ କରିସ୍ମା କପୁର; ବଡ଼ ଖୁଲାସା

• Toxic ଫିଲ୍ମ ସମ୍ପର୍କରେ..

ୟଶ ଓ ଗୀତୁ ମୋହନଦାର ଦ୍ଵାରା ଲେଖାଯାଇଥିବା ଏହି ଫିଲ୍ମର ସୁଟିଂ ଏକାଥରେ ଇଂରାଜୀ ଓ କନ୍ନଡ ଭାଷାରେ କରାଯାଇଛି । ଏହାସହିତ ହିନ୍ଦୀ, ତେଲୁଗୁ, ତାମିଲ, ମାଲାୟାଲାମ ଓ ଅନ୍ଯ ଆଞ୍ଚଳିକ ଭାଷାରେ ମଧ୍ୟ ଡବ୍ କରାଯିବାର ଯୋଜନା ରହିଛି । ଗୀତୁ ମୋହନଦାସ ଏହାର ନିର୍ଦ୍ଦେଶନା ଦେଇଛନ୍ତି ଏବଂ ନାରାୟଣ ଓ ୟଶଙ୍କ KVN ପ୍ରଡକ୍ସନ ଓ ମନଷ୍ଟର ମାଉଣ୍ଡ କ୍ରିଏସନ ବ୍ଯାନରରେ ଏହା ପ୍ରଯୋଜିତ । ୟଶ ଓ କିଆରାଙ୍କ ବ୍ୟତୀତ ଏହି ଫିଲ୍ମରେ ନୟନତାରା, ତାରା ସୁତାରିଆ, ହୁମା କ୍ୟୁରେଶୀ, ଋକ୍ମିଣୀ ବସନ୍ତଙ୍କ ପରି ପ୍ରମୁଖ କଳାକାର ଅଛନ୍ତି ।