ମୁମ୍ବାଇ: ରିଅଲିଟି ଶୋ'ରେ ସାଧାରଣତଃ ପ୍ରତିଯୋଗୀଙ୍କ ମଧ୍ୟରେ କଟାକ୍ଷ, ମୁହାଁମୁହିଁ ଓ କଳିଝଗଡ଼ା ଦେଖାଯାଏ । ଏବେ 'ଲକ୍ ଅପ୍ ସିଜିନ-୨'ରେ କୌଣସି ନା କୌଣସି ଅଭିନେତା ଅଭିନେତ୍ରୀଙ୍କ ମଧ୍ୟରେ ଯୁକ୍ତିତର୍କର ଖବର ଆସୁଛି । ଏବେ ଶୋ'ର ଏକ କ୍ଲିପ୍ ଦ୍ରୁତ ଗତିରେ ଭାଇରାଲ ହେଉଛି, ଯେଉଁଠି ଅଭିନେତ୍ରୀ ଶିଳ୍ପା ସିନ୍ଦେ, ସୋସିଆଲ ମିଡିଆ ଇନଫ୍ଲୁଏନ୍ସର ଶ୍ରେୟା କାଲରା, ଟିଭି ଅଭିନେତ୍ରୀ ଶିବାଙ୍ଗୀ ଯୋଶୀଙ୍କ ନକଲ କରୁଛନ୍ତି । ଏହି ସମୟରେ ଶିଳ୍ପା ଭର୍ଜିନିଟିକୁ ନେଇ ମଧ୍ୟ ଟିପ୍ପଣୀ ଦେଇଛନ୍ତି, ଯାହାକୁ ନେଇ ସୋସିଆଲ ମିଡିଆରେ ବେଶ ଚର୍ଚ୍ଚା ହେଉଛି ।

ରିଅଲିଟି ଶୋ'ର ଏକ ଏପିସୋଡରେ ଶିଳ୍ପା ସିନ୍ଦେ ଓ ଶ୍ରେୟା କାଲରା ଏକାଠି ବସି ଶିବାଙ୍ଗୀ ଯୋଶୀଙ୍କ ନକଲ କରୁଛନ୍ତି । ଭିଡିଓରେ ଶିଳ୍ପା ଶିବାଙ୍ଗୀଙ୍କ କହିବା ଶୈଳୀକୁ ନକଲ କରି କହୁଛନ୍ତି, "ଆରେ ୟାର...ମୋ ଲାଇଫରେ କୌଣସି ସିକ୍ରେଟ ନାହିଁ । ମୁଁ ଆଉ କେତେ ଅଭିନୟ କରିବି ? ମୁଁ ବହୁତ ସରଳ । ମୁଁ ଭର୍ଜିନ.. ।" ଶିଳ୍ପାଙ୍କ ନକଲ ଦେଖି ଶ୍ରେୟା ଖୁବ ଜୋରରେ ହସିବାକୁ ଲାଗିଥିଲେ ।

• କାହିଁକି ଶିବାଙ୍ଗୀଙ୍କ ନକଲ କଲେ ଶିଳ୍ପା ?

ଏହି ବାର୍ତ୍ତାଳାପ ସେତେବେଳେ ଆରମ୍ଭ ହୋଇଥିଲା ଯେତେବେଳେ ଶିଳ୍ପା ଓ ଶ୍ରେୟା କିଛି ଦୂରରେ ଠିଆ ହୋଇଥିବା ଶିବାଙ୍ଗୀ ଯୋଶୀ ଓ ହର୍ଷଦ ଚୋପଡ଼ାଙ୍କୁ କଥାବାର୍ତ୍ତା ହେଉଥିବାର ଦେଖିଥିଲେ । ସେମାନେ ସେହି କଥାବାର୍ତ୍ତାକୁ ନେଇ ନକଲ କରିବା ଆରମ୍ଭ କରିଥିଲେ । ଏହି ସମୟରେ ଶିବାଙ୍ଗୀ ସେମାନଙ୍କ ମିମିକ୍ରିକୁ ନେଇ କୌଣସି ପ୍ରତିକ୍ରିୟା ଦେଇନଥିଲେ ।

• ଶିଳ୍ପା-ଶିବାଙ୍ଗୀଙ୍କ ସମ୍ପର୍କ କିପରି ?

ଏହା ପ୍ରଥମ ଥର ନୁହେଁ ଯେତେବେଳେ ଶିବାଙ୍ଗୀ ଯୋଶୀଙ୍କ ପ୍ରତି ଶିଳ୍ପା ସିନ୍ଦେଙ୍କ ବ୍ୟବହାରକୁ ନେଇ ଚର୍ଚ୍ଚା ହେଉଛି । ଏହା ପୂର୍ବରୁ ଗୋଟିଏ ଏପିସୋଡରେ ଶିଳ୍ପା କଣ୍ଟ୍ରୋଲର ରୂପରେ ଶିବାଙ୍ଗୀଙ୍କୁ ହର୍ଷଦ ଚୋପଡ଼ାଙ୍କ ସହିତ କଥାବାର୍ତ୍ତା ହେବାକୁ ମନା କରିଥିଲେ । ଏହି ସମୟରେ ସୋସିଆଲ ମିଡିଆ ୟୁଜର ଶିଳ୍ପାଙ୍କ ବ୍ୟବହାରକୁ ନେଇ ପ୍ରଶ୍ନ ଉଠାଇଥିଲେ ।

ପଢନ୍ତୁ ଏହି ଖବର: 'ଚାଇନା ସେ ଆୟା ମେରା ଦୋସ୍ତ..; ପୁଣି ଆତଙ୍କିତ କଲା ପୁରୁଣା ମହାମାରୀ

ସୂଚନା ଥାଉ କି 'ଲକ୍ ଅପ୍ ସିଜିନ-୨'ରେ ପ୍ରଥମ ଦିନରୁ ହିଁ ପ୍ରତିଯୋଗୀଙ୍କ ମଧ୍ୟରେ ହେଉଥିବା ଯୁକ୍ତିତର୍କକୁ ନେଇ ଖବରର ଶିରୋନାମାରେ ରହୁଛି । ଏହି ଶୋ'ରେ ରାମ କପୁର, ଧୀରଜ ଧୁପର, ଶିଳ୍ପା ସିନ୍ଦେ, ଶିବାଙ୍ଗୀ ଯୋଶୀ, ଶ୍ରେୟା କାଲରା, ଆକାଂକ୍ଷା ଚମୋଲାଙ୍କ ସହିତ ଅନେକ ଜଣାଶୁଣା ଚେହେରା ଅଂଶଗ୍ରହଣ କରିଛନ୍ତି ।

Sorry Miss Shreya Kalra and Shilpa Shinde, this is not how you operate on a global platform like Netflix. Please learn some grace from Shivangi Joshi #ShivangiJoshi #ShilpaShinde #LockUpp2 #ShreyaKalra pic.twitter.com/JnkE58n9oJ

— Abhishek Ranjit (@AbhishekRanji13) July 13, 2026