Argus News - ସମ୍ବଲପୁରୀ ଶାଢୀରେ ମାଧୁରୀ; ଓଡ଼ିଶାର ସମୃଦ୍ଧ ବୟନ ପରମ୍ପରାକୁ କଲେ ପ୍ରଶଂସା

ସମ୍ୱଲପୁରୀ ଶାଢୀରେ ବଲିଉଡ ଅଭିନେତ୍ରୀ ମାଧୁରୀ ଦୀକ୍ଷିତ । ସମ୍ବଲପୁରୀ ପ୍ରିଣ୍ଟର ଏକ ବାଇଗଣୀ ଓ ଲାଲ ରଙ୍ଗର ଶାଢୀ ପିନ୍ଧି ଏହାର କିଛି ଫଟୋ ନିଜ ସୋସିଆଲ ମିଡିଆ ହ୍ୟାଣ୍ଡେଲରେ ସେୟାର କରିଛନ୍ତି ଧକ୍ ଧକ୍ ଗାର୍ଲ । ଫଟୋଗୁଡ଼ିକୁ ଫ୍ୟାନ୍ସ ବେଶ ପ୍ରଶଂସା କରିଛନ୍ତି । ଏହା କେବଳ ଏକ ଶାଢୀ ନୁହେଁ, ବରଂ ଓଡ଼ିଆ ବୁଣାକାରଙ୍କ ଧୈର୍ଯ୍ୟର କାହାଣୀ ବୋଲି ମାଧୁରୀ କ୍ୟାପସନରେ ଲେଖିଛନ୍ତି ।

• ମାଧୁରୀଙ୍କ ସମ୍ବଲପୁରୀ ଲୁକରେ ଫ୍ୟାନ୍ସ ଫିଦା

ଏହି ଲୁକ୍ ର କିଛି ଫଟୋ ସେୟାର କରି ମାଧୁରୀ ଲେଖିଛନ୍ତି, ''ଓଡ଼ିଶାର ସମୃଦ୍ଧ ବୟନ ପରମ୍ପରା, ଯାହାକି କାଳଜୟୀ । କେବଳ ଏହା କପଡ଼ା ନୁହେଁ, ବରଂ ପ୍ରେମ ଏବଂ ଧୈର୍ଯ୍ୟରେ ବୁଣାଯାଇଥିବା କାହାଣୀ । ଏହି ସୁନ୍ଦର ଐତିହ୍ୟକୁ ପ୍ରତିନିଧିତ୍ୱ କରିବା ନେଇ ସମ୍ମାନିତ ମନେ କରୁଛି ।" ମାଧୁରୀ ସମ୍ବଲପୁରୀ ଶାଢୀ ପିନ୍ଧି ଫଟୋ ପୋଷ୍ଟ କରିବା ମାତ୍ରେ ଏହି ଲୁକରେ ଫ୍ୟାନ୍ସ ଫିଦା ହୋଇଛନ୍ତି ଏବଂ ଫଟୋରେ ଦେଢ ଲକ୍ଷ ଲାଇକ୍ସ ରହିଛି । ନୀଳ ଏବଂ ଲାଲ୍ ରଙ୍ଗର ଏହି ଅପୂର୍ବ ସମନ୍ୱୟରେ ମାଧୁରୀ ଦୀକ୍ଷିତଙ୍କ ସୌନ୍ଦର୍ଯ୍ୟ ଯେମିତି ଦ୍ୱିଗୁଣିତ ହୋଇଯାଇଛି । ଓଡ଼ିଶୀ ହ୍ୟାଣ୍ଡଲୁମ୍‌ର ଏହି ଚମକ ସମସ୍ତଙ୍କୁ ଯେପରି ଓଡ଼ିଆ ହସ୍ତତନ୍ତର ପ୍ରେମରେ ପକାଇଛି ।

ପଢନ୍ତୁ ଏହି ଖବର: ଓଡ଼ିଶା ହସ୍ତତନ୍ତର ବ୍ରାଣ୍ଡ ଆମ୍ବାସଡର ଭାବେ ମାଧୁରୀ ଦୀକ୍ଷିତ ନେଇଛନ୍ତି କେତେ ଟଙ୍କା ? ଉତ୍ତର ରଖିଲେ ମନ୍ତ୍ରୀ

• ଓଡ଼ିଶା ହସ୍ତତନ୍ତର ବ୍ରାଣ୍ଡ ଆମ୍ବାସଡର ମାଧୁରୀ

ବଲିଉଡ ଡିଭା ମାଧୁରୀ ଦୀକ୍ଷିତ ହେଉଛନ୍ତି ଓଡ଼ିଶା ହସ୍ତତନ୍ତର ବ୍ରାଣ୍ଡ ଆମ୍ବାସଡର । ଏଣୁ ବୁଣାକାରମାନଙ୍କ ହାତ ତିଆରି କାରିଗରୀକୁ ନେଇ ଦେଶ ବିଦେଶରେ ପ୍ରଚାର କରୁଛନ୍ତି ଧକ୍ ଧକ୍ ଗାର୍ଲ ମାଧୁରୀ ଦୀକ୍ଷିତ । ଗତବର୍ଷ ଅଗଷ୍ଟ ୭ ତାରିଖରେ ଓଡ଼ିସା ହସ୍ତତନ୍ତ ଦିବସ ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମାଧୁରୀ ଦୀକ୍ଷିତଙ୍କୁ ବ୍ରାଣ୍ଡ ଆମ୍ଵାସାଡର ଘୋଷଣା କରିଥିଲେ । ମୁଖ୍ୟମନ୍ତ୍ରୀ କହିଥିଲେ, ''ଅଭିନୟ ଓ ନୃତ୍ୟ ପ୍ରତିଭାରେ ମାଧୁରୀ ଯେଭଳି ସମସ୍ତଙ୍କୁ ପ୍ରଭାବିତ କରିଛନ୍ତି ଓ ଭାରତ ସମେତ ବିଶ୍ୱରେ ନିଜର ସ୍ୱତନ୍ତ୍ର ଚାପ ଛାଡିଛନ୍ତି, ଓଡ଼ିଶାର ହସ୍ତତନ୍ତକୁ ସେମିତି ନେଇ ବିଶ୍ୱରେ ପହଞ୍ଚାଇବେ ଓ ଓଡ଼ିଶାକୁ ଏକ ମଜଭୁତ ଫ୍ୟାସନ ରାଜ୍ୟ ଭାବେ ଗଢି ତୋଳିବେ ।''

The rich weaving traditions of Odisha—timeless, intricate, full of soul ✨
Not just fabrics, but stories woven with love and patience
Honoured to represent this beautiful legacy 🤍 pic.twitter.com/chcwUehD39

— Madhuri Dixit Nene (@MadhuriDixit) April 3, 2026

ଯଦି ଆମେ ସମ୍ବଲପୁରୀ ଶାଢୀ କଥା କହିବା, ତେବେ ଓଡ଼ିଆ ଘରେ ଘରେ ଏହା ବେଶ ଲୋକପ୍ରିୟତା ଅର୍ଜନ କରିଛି । ସେହିପରି ଓଡ଼ିଶା ମଧ୍ୟ ଉତ୍କୃଷ୍ଟ ହସ୍ତତନ୍ତ ପାଇଁ ଜଣାଶୁଣା, ଯେଉଁଥିରେ ଇକତ ଏବଂ ସମ୍ବଲପୁରୀ ବୁଣାକାର୍ଯ୍ୟ ସାମିଲ । ଏହି ବୁଣାକାର୍ଯ୍ୟ ସେମାନଙ୍କର ବିସ୍ତୃତ ଢାଞ୍ଚା ଏବଂ ଉଜ୍ଜ୍ଵଳ ରଙ୍ଗ ପାଇଁ ପ୍ରସିଦ୍ଧ, ଯାହା ଏଗୁଡ଼ିକୁ ଭାରତର ସାଂସ୍କୃତିକ ବସ୍ତ୍ରର ଏକ ଗୁରୁତ୍ୱପୂର୍ଣ୍ଣ ଅଂଶ କରିଥାଏ ।

ମାଧୁରୀଙ୍କ ବିଷୟରେ କହିବାକୁ ଗଲେ, ତାଙ୍କୁ ଶେଷ ଥର ପାଇଁ ବଡ଼ ପରଦାରେ ଭୁଲ ଭୁଲୈୟା ୩ରେ ଦେଖିବାକୁ ମିଳିଥିଲା, ଏହା ଏକ କମେଡି ହରର୍ ଫିଲ୍ମ ଥିଲା ଯାହାର ନିର୍ଦ୍ଦେଶନା ଅନୀସ ବଜମୀ କରିଥିଲେ । ଏହି ଚଳଚ୍ଚିତ୍ରକୁ ଆକାଶ କୌଶିକ କରିଥିବାବେଳେ ପ୍ରଯୋଜନା ଟି-ସିରିଜ୍ ଫିଲ୍ମସ୍ ଏବଂ ସିନେ1 ଷ୍ଟୁଡିଓ ଦ୍ୱାରା କରାଯାଇଥିଲା ।