Mary Kom Controversy / ବିଗ୍ ବସ୍ ହାଉସ୍‌ରେ ମେରି କମ୍‌ଙ୍କ ଅହଂକାର; ଖାଲି ମୁଁ ମୁଁ, ଚିଡ଼ିଗଲେ ଫ୍ୟାନ୍ସ

ଦେଶର ଲୋକପ୍ରିୟ ରିଆଲିଟି ଶୋ' ବିଗ୍ ବସ୍‌ ସିଜିନ ୨୦ ଆରମ୍ଭ ହୋଇସାରିଛି । ଫ୍ୟାନ୍ସ ବି ବେଶ ଉତ୍ସାହିତ । ହେଲେ ଏହି ଶୋ'ରେ ପ୍ରତିଯୋଗୀ ଭାବେ ସାମ୍ନାକୁ ଆସିଥିବା ଭାରତୀୟ ବକ୍ସର ମେରି କମ୍‌ଙ୍କୁ ନେଇ ଚର୍ଚ୍ଚା ଜୋର ଧରିଛି । ଫ୍ୟାନ୍ସ ମେରି କମ୍‌ଙ୍କ ଅଂହକାରକୁ ନେଇ ବିରକ୍ତି ଭାବ ପ୍ରକାଶ କରିଛନ୍ତି । ରିଙ୍ଗରେ ପ୍ରତିପକ୍ଷକୁ କଚାଡୁଥିବା ମେରି କମ୍ ଆଜିକାଲି ନିଜେ ନିଜର ପ୍ରଶଂସା କରି ଦର୍ଶକଙ୍କୁ ପଞ୍ଚ ମାରୁଥିବା ନଜର ଆସିଛନ୍ତି । ଏବେ ଦର୍ଶକ କହିଲେଣି ବିଗ୍ ବସ୍ ହାଉସ୍‌ରେ ପ୍ରତିଯୋଗୀଙ୍କ ଅସଲ ଚେହେରା ଜଣାପଡ଼ିବାକୁ ସମୟ ଲାଗେ ନାହିଁ ।

ବିଗ୍ ବସ୍‌ର ମାତ୍ର ୪ଟି ଏପିସୋଡ୍‌ ପ୍ରସାରିତ ହୋଇଛି । ଏଥିରେ ସେ ବାରମ୍ବାର ନିଜେ ନିଜର ପ୍ରଶଂସା କରୁଛନ୍ତି । ମେରି କମ୍- "ମୁଁ, ମୋର ପରିଶ୍ରମ, ମୋର ସଫଳତା, ମୋ ପରି କେହି ନାହିଁ" କହୁଛନ୍ତି । ଏହାପରେ ସୋସିଆଲ ମିଡିଆରେ ଅନେକ ୟୁଜର ତାଙ୍କର ବ୍ଯବହାରକୁ ସମାଲୋଚନା କରିଛନ୍ତି । ଏ କି ପ୍ରକାର ଅଂହକାର ବୋଲି କହିଛନ୍ତି ଦର୍ଶକ ।

• "ପୂରା ବିଶ୍ଵ ମୋତେ ଜାଣେ, ତୁମେ କିଏ ?"

ମେରି କମ୍‌ଙ୍କ ଏକ ବୟାନକୁ ନେଇ ଏବେ ସୋସିଆଲ ମିଡିଆରେ ସବୁଠୁ ଅଧିକ ଚର୍ଚ୍ଚା ହେଉଛି । ସେ ରିତି ତିୱାରିଙ୍କ ସହ କଥାବାର୍ତ୍ତା ବେଳେ କହିଛନ୍ତି, "ପୂରା ଦୁନିଆ ମୋତେ ଜାଣେ, ତୁମେ କିଏ ? ମୁଁ ତୁମକୁ ଚିହ୍ନିନାହିଁ ।" ଏହି ଏପିସୋଡ୍‌ଟି ପ୍ରସାରିତ ହେବାପରେ ଫ୍ୟାନ୍ସ ମେରି କମ୍‌ଙ୍କୁ ସମାଲୋଚନା କରିଛନ୍ତି । କାହାର ପରିଚୟ ଉପରେ ପ୍ରଶ୍ନ କରିବା ଅଲଗା କଥା, କିନ୍ତୁ ଏଠି ମେରି କମ୍ ଯେଉଁ ଢଙ୍ଗରେ କହିଛନ୍ତି, ତାକୁ ନେଇ ପ୍ରଶ୍ନ ଉଠିଛି । ଏହାକୁ ଅନେକ ଅଂହକାର ସହିତ ଯୋଡ଼ିଛନ୍ତି ।

• କେତେବେଳେ ଫିଟନେସ୍ ତ କେତେବେଳେ ବଳର ପ୍ରଶଂସା

ଶୋ'ରେ ମେରି ଅନେକ ଥର ନିଜର ଫିଟନେସ୍ ଓ ବଳର ମଧ୍ୟ ପ୍ରଶଂସା କରୁଥିବା ନଜର ଆସିଛନ୍ତି । ସେ କହିଛନ୍ତି ଯେ ରିଙ୍ଗ୍‌ରେ ତାଙ୍କର ମୁକାବିଲା କରିବା ସହଜ ନୁହେଁ । ଏପରିକି ସେ ଏହା ମଧ୍ୟ କହିଛନ୍ତି ଯେ ତାଙ୍କ ପରି ଆଉ କେହି ନୁହଁ । ମେରି ନିଜ ସଫଳତାର କ୍ରେଡିଟ୍‌ ସମ୍ପୂର୍ଣ୍ଣ ଭାବେ ନିଜର ପରିଶ୍ରମକୁ ଦେଇଛନ୍ତି । ସେ ଆଜି ଯେଉଁଠି ପହଞ୍ଚିଛନ୍ତି, ସେଥିରେ କେବଳ ତାଙ୍କର ପରିଶ୍ରମ ହିଁ ମୁଖ୍ୟ କାରଣ ।

ପଢନ୍ତୁ ଏହି ଖବର: ଧୋକା ଦେଇଥିଲେ କି ବାଦଶାହ ? ବିଗ୍ ବସ୍‌ରେ ସବୁ କହିଦେଲେ ପୂର୍ବ ପତ୍ନୀ

• "ମୋ ଛୁଆ ବି ମୋ ପରି ହୋଇପାରିବେ ନାହିଁ"

ମେରିଙ୍କ ଆଉ ଏକ ବୟାନକୁ ନେଇ ମଧ୍ୟ ଫ୍ୟାନ୍ସ ସମାଲୋଚନା କରିଛନ୍ତି, ଯେତେବେଳେ ସେ ନିଜକୁ ତାଙ୍କର ଛୁଆଙ୍କ ସହିତ ତୁଳନା କରିଛନ୍ତି । ସେ କହିଥିଲେ ଯେ ତାଙ୍କ ପିଲାମାନେ ଯେତେ ବି ତାଲିମ ନେଲେ ବି ତାଙ୍କ ପରି ହେବା ସହଜ ନୁହେଁ । ପରୋକ୍ଷରେ ସେ ଏଠାରେ ମଧ୍ୟ ନିଜେ ନିଜର ପ୍ରଶଂସା କରିଥିବା ଦର୍ଶକମାନେ କହିଛନ୍ତି । ମେରିଙ୍କ ଏହି ବ୍ୟବହାର ଅନେକ ସୋସିଆଲ ମିଡିଆ ବ୍ୟବହାରକାରୀଙ୍କୁ ପସନ୍ଦ ଆସିନାହିଁ । ଆଗାମୀ ଏପିସୋଡରେ ମେରିଙ୍କ ଏପରି ବ୍ୟବହାର ରହୁଛି ନା ସେ ନିଜ ବ୍ୟବହାରରେ ପରିବର୍ତ୍ତନ ଆଣୁଛନ୍ତି ତାହା ଦେଖିବା ନିହାତି ରୋଚକ ହେବ ।