Argus News - ବ୍ୟାନ୍ ପରେ ବି ଫେରିଲେ ହାନିଆ ଆମିର ! ଭାରତରେ ପୁଣି ଦିଶିଲା ଆକାଉଣ୍ଟ

ସୋସିଆଲ ମିଡିଆରେ ପୁଣି ଥରେ ଦିଶିଲା ପାକିସ୍ତାନୀ ଅଭିନେତ୍ରୀ ହାନିଆ ଆମିରଙ୍କୁ ନେଇ ଚର୍ଚ୍ଚା । ଭାରତରେ ହାନିଆ ଆମିର ଓ ମାହିରା ଖାନଙ୍କ ପରି ଅଭିନେତ୍ରୀଙ୍କ ସୋସିଆଲ ମିଡିଆ ଆକାଉଣ୍ଟକୁ ବ୍ୟାନ୍ କରାଯାଇଛି । ହେଲେ ହଠାତ୍ ଦିଶିଥିଲା ହାନିଆଙ୍କ ଇନଷ୍ଟାଗ୍ରାମ ଆକାଉଣ୍ଟ । ଫ୍ୟାନ୍ସଙ୍କୁ ଲାଗିଥିଲା ହୁଏତ ଭାରତ ଓ ପାକିସ୍ତାନ ମଧ୍ୟରେ ଡିଜିଟାଲ ଯୁଦ୍ଧ ଶେଷ ହୋଇଯାଇଛି । ମାତ୍ର କିଛି ସମୟ ମଧ୍ୟରେ ପୁଣି ତାଙ୍କ ଆକାଉଣ୍ଟକୁ ଡିଆକ୍ଟିଭେଟ୍ କରାଯାଇଛି ।

କିଛି ଟେକନିକାଲ ପରିବର୍ତ୍ତନ କିମ୍ବା ଅପଡେଟ୍ସ ପାଇଁ ଭାରତୀୟ ୟୁଜର ପାକିସ୍ତାନୀ ଅଭିନେତା ଓ ଅଭିନେତ୍ରୀଙ୍କ ପ୍ରୋଫାଇଲକୁ ଦେଖିପାରୁଥିଲେ । ପ୍ରଶଂସକ ଭାବିଥିଲେ ହୁଏତ ଏହି ବ୍ୟାନକୁ ହଟାଇ ଦିଆଯାଇଛି । ହେଲେ ଯେତେବେଳେ ଏହି ଖବର ଭାଇରାଲ ହୋଇଥିଲା ସେତେବେଳେ ତୁରନ୍ତ ସେମାନଙ୍କ ଆକାଉଣ୍ଟକୁ ଡିଆକ୍ଟିଭେଟ୍ କରାଯାଇଛଇ । ଯଦି ଆପଣ ଭାରତରୁ ଏବଂ ପାକିସ୍ତାନୀ କଳାକାରଙ୍କ ଇନଷ୍ଟାଗ୍ରାମ ଆକାଉଣ୍ଟ ଇନଷ୍ଟାଗ୍ରାମରେ ସର୍ଚ୍ଚ କରୁଛନ୍ତି ତେବେ ଆପଣଙ୍କୁ ଏକ ମେସେଜ୍ ଦିଶିବ, ଯେଉଁଥିରେ ଲେଖାଥିବ 'ଏହି ଆକାଉଣ୍ଟରେ ଭାରତରେ ଉପଲବ୍ଧ ନାହିଁ ।'

• କେବେ ଲାଗିଥିଲା ପ୍ରତିବନ୍ଧକ ?

ଗତବର୍ଷ ହୋଇଥିବା ପହଲଗାମ ଆତଙ୍କବାଦୀ ଆକ୍ରମଣ ପରେ ଭାରତ ସରକାର ସୁରକ୍ଷା କାରଣ ଓ ଭ୍ରମ ପ୍ରଚାରକୁ ରୋକିବା ଲାଗି ପାକିସ୍ତାନୀ କଳାକାରଙ୍କ ସୋସିଆଲ ମିଡିଆ ଆକାଉଣ୍ଟ ଉପରେ ପ୍ରତିବନ୍ଧକ ଲଗାଇଥିଲେ । ଇନଷ୍ଟାଗ୍ରାମରେ ଏହି କଳାକାରଙ୍କ ଆକାଉଣ୍ଟକୁ ଡିଆକ୍ଟିଭେଟ୍ କରାଯାଇଥିଲା । ଏହି ଆକ୍ରମଣ ବେଳେ ପାକିସ୍ତାନୀ ଅଭିନେତ୍ରୀ ମାହିରା ଖାନ ଭାରତ ବିରୋଧୀ କିଛି ମନ୍ତବ୍ୟ ଦେଇଥିବା ଦେଖିବାକୁ ମିଳିଥିଲା ।

• କେଉଁ ଭାରତୀୟଙ୍କୁ ଫଲୋ କରନ୍ତି ହାନିଆ ?

ହାନିଆଙ୍କ ଆକାଉଣ୍ଟକୁ ଭାରତରେ ଡିଆକ୍ଟିଭେଟ୍ କରାଯାଇଥିଲେ ସୁଦ୍ଧା ସେ ଅନେକ ଭାରତୀୟ କଳାକାରଙ୍କୁ ଇନଷ୍ଟାଗ୍ରାମରେ ଫଲୋ କରିଥାନ୍ତି । ସେ ଭାରତୀୟ କଳାକାର ଓ ବଲିଉଡ ସଙ୍ଗୀତ ପ୍ରତି ନିଜର ଭଲପାଇବାକୁ ଲୁଚାଇ ପାରନ୍ତି ନାହିଁ । ସେ ଅଧିକାଂଶ ଭାରତୀୟ ଗୀତରେ ରିଲ୍ସ ଅପଲୋଡ୍ କରିଥାନ୍ତି । ହାନିଆ ଇନଷ୍ଟାଗ୍ରାମରେ ଅନେକ ଲୋକପ୍ରିୟ ଭାରତୀୟ ସେଲିବ୍ସଙ୍କୁ ବି ଫଲୋ କରନ୍ତି ସେମାନେ ହେଉଛନ୍ତି ଶେହନାଜ ଗିଲ୍, ପ୍ରାଜକ୍ତା କୋଲି ଏବଂ ଗ୍ଲୋବାଲ ଆଇକନ୍ ଦିଲଜିତ ଦୋସାଞ୍ଝା ।

• ଆଉ କେଉଁ ପାକିସ୍ତାନୀ ଆକାଉଣ୍ଟ ଭାରତରେ ବ୍ୟାନ୍ ?

କେବଳ ହାନିଆ ନୁହେଁ, ଭାରତରେ ନିଜର ଫ୍ୟାନ୍ ଫଲୋଇଙ୍ଗ ରଖୁଥିବା ଅନେକ ଅଭିନେତା ଅଭିନେତ୍ରୀଙ୍କ ଆକାଉଣ୍ଟକୁ ବି ବ୍ୟାନ୍ କରାଯାଇଛି । ସେମାନଙ୍କ ମଧ୍ୟରେ ଅଛନ୍ତି ମାହିରା ଖାନ, ଫୱାଦ ଖାନ, ବିଲାଲ ଅବ୍ବାସ ଖାନ, ସବା କମର ଓ ବହାଜ୍ ଅଲ୍ଲୀ ।

ଅଧିକ ଖବର ପଢନ୍ତୁ...