Videos
|
Entertainment

Prince William Indian food / ଢୋକଲାରୁ ଚିକେନ୍ ନରଗିସି କୋଫ୍‌ତା; ବ୍ରିଟେନ୍‌ ପ୍ରିନ୍ସଙ୍କୁ ଭାରତୀୟ ବ୍ୟଞ୍ଜନ ପରଷିଲେ କରନ ଜୋହର

Debashree Debasmita Sahoo
Browse all articles by Debashree Debasmita Sahoo
·28 mins ago·2 min read
ଢୋକଲାରୁ ଚିକେନ୍ ନରଗିସି କୋଫ୍‌ତା; ବ୍ରିଟେନ୍‌ ପ୍ରିନ୍ସଙ୍କୁ ଭାରତୀୟ ବ୍ୟଞ୍ଜନ ପରଷିଲେ କରନ ଜୋହର
Prince William Indian Food Menu

Key Points

ବ୍ରିଟେନ୍ ରାଜ ପରିବାରର ସଦସ୍ୟ ପ୍ରିନ୍ସ ୱିଲିୟମଙ୍କ ଭାରତ ଗସ୍ତ
କରନ ଜୋହରଙ୍କ ଅଫିସ୍ ଧର୍ମା ପ୍ରଡକ୍ସନ ବୁଲିଲେ
ପ୍ରିନ୍ସଙ୍କୁ ଅନେକ ଭାରତୀୟ ବ୍ୟଞ୍ଜନ ପରଷିଲେ କରନ୍
ଜାଣନ୍ତୁ ମେନ୍ୟୁରେ କଣ କଣ ଥିଲା ?
ମୁମ୍ବାଇ: ବ୍ରିଟେନ୍ ରାଜ ପରିବାରର ସଦସ୍ୟ ତଥା ଉତ୍ତରାଧିକାରୀ ପ୍ରିନ୍ସ ୱିଲିୟମ ଏବେ ଭାରତ ଗସ୍ତରେ ଅଛନ୍ତି । ମୁମ୍ବାଇରେ ଆୟୋଜିତ ଅର୍ଥଶଟ୍ ପ୍ରାଇଜ୍ ୨୦୨୬ ଶେଷ ହେବା ପରେ ସେ ବଲିଉଡ୍ ଫିଲ୍ମନିର୍ମାତା କରନ୍ ଜୋହରଙ୍କ ଅଫିସ୍ ଧର୍ମା ପ୍ରଡକ୍ସନ ପରିଭ୍ରମଣ କରିଥିଲେ । ସେଠାରେ କରନଙ୍କ ସହିତ ସୈଫ ଅଲ୍ଲୀ ଖାନ, କରନୀ କପୁର ଖାନ୍ ଓ ଧର୍ମା ପ୍ରଡକ୍ସନର ଅନ୍ୟ ଅଧିକାରୀ ତାଙ୍କୁ ସ୍ଵାଗତ କରିଥିଲେ । ତେବେ ପ୍ରିନ୍ସଙ୍କୁ ପରଷାଯାଇଥିବା ଭାରତୀୟ ସୁସ୍ଵାଦୁ ଖାଦ୍ୟକୁ ନେଇ ଏବେ ଚର୍ଚ୍ଚା ହେଉଛି ।

ଏହି ଭେଟଘାଟରେ ଭାରତୀୟ ସିନେମା, ବିଦେଶରେ ବଲିଉଡର ଲୋକପ୍ରିୟତା ଓ ଭାରତ-ବ୍ରିଟେନ୍‌ର ସାଂସ୍କୃତିକ ସମ୍ପର୍କକୁ ନେଇ ଆଲୋଚନା ହୋଇଥିଲା । ଯେତେବେଳେ ଏହି ଭେଟଘାଟର ଫଟୋ ସାମ୍ନାକୁ ଆସିଥିଲା, ସେତେବେଳେ ପ୍ରିନ୍ସଙ୍କୁ ପରଷାଯାଇଥିବା ଖାଦ୍ୟ ଉପରେ ଲୋକଙ୍କ ନଜର ପଡ଼ିଥିଲା । ମେନ୍ୟୁରେ କଣ କଣ ଭାରତୀୟ ସୁସ୍ଵାଦୁ ବ୍ୟଞ୍ଜନ, ମିଠା, ମୃଦୁ ପାନୀୟ ଥିଲା, ସେ ସମ୍ପର୍କରେ ଜାଣିବା ଲାଗି ଲୋକଙ୍କ ମନରେ ଉତ୍କଣ୍ଠା ଦେଖିବାକୁ ମିଳିଛି ।

  • ପ୍ରିନ୍ସଙ୍କ ଲାଗି ଖାସ୍ ମେନ୍ୟୁ
ବ୍ରିଟେନର ପ୍ରିନ୍ସ ୱିଲିୟମଙ୍କ ସ୍ଵାଗତ ଲାଗି ବିଗ୍ ଜେଷ୍ଟର ଶେଫ୍ ଆନନ୍ଦ ମୋରୱାନି ଓ ରୋହନ ମଙ୍ଗଲୋରକର ଭାରତୀୟ ବ୍ୟଞ୍ଜନ ତିଆରି କରିଥିଲେ । ପ୍ରିନ୍ସଙ୍କ ଲାଗି ଭାରତର ଲୋକପ୍ରିୟ ଖାଦ୍ୟକୁ ସ୍ଵତନ୍ତ୍ର ଭାବେ ପ୍ରସ୍ତୁତ କରାଯାଇଥିଲା । ମେନ୍ୟୁରେ ଚିକେନ୍ ନରଗିସି କୋଫ୍ତା, ଡାଳିମ୍ବ ଓ ବିଟ୍‌ରୁ ପ୍ରସ୍ତୁତ ଟିକ୍କି, ପାରସି କିମା ଶାକଶୁକା ଭଳି ଅନେକ ବ୍ୟଞ୍ଜନ ପ୍ରସ୍ତୁତ କରାଯାଇଥିଲା । ଏହାବ୍ୟତୀତ ବଟର୍‌ ଗାର୍ଲିକ୍‌ କ୍ରାବ୍‌ ରେସିପି ମଧ୍ୟ ପରଷାଯାଇଥିଲା ।

ସେହିପରି ଅକୁରି (ପାରସି ଷ୍ଟାଇଲର ଅଣ୍ଡା ଭୁଜିଆ), ଟମାଟୋ ଚଟନି, ଚିଲି ଚିଜ୍‌ କ୍ରୋକେଟସ୍‌ (ବାହାରୁ କ୍ରିସପି ଓ ଭିତରେ ଚିଜ୍ ଦିଆଯାଇଥିବା ଏକ ସ୍ନାକ୍ସ), ଟମାଟର୍ ଚୁନ୍ଦା ମେନ୍ୟୁରେ ସାମିଲ ଥିଲା । ଭାରତୀୟ ଜଳଖିଆରେ ଢୋକଲା, କଚୋଡି, ମିନି ବଡାପାଓ, ଜିଲାପି-ଫାଫଡ଼ା ଥିଲା । ଅନ୍ୟପଟେ ମିଠାରେ ଗୁଲାବ ଜାମୁନ ଚିଜ୍‌କେକ୍‌, ବେକଡ୍ କେସର ମିଲ୍କ ଟାର୍ଟ ଭଳି ଖାସ୍ ଭାରତୀୟ ମିଠାକୁ ସାମିଲ କରାଯାଇଥିଲା ।

  • K3Gର ୨୫ବର୍ଷ ପୁରୁଣା ସ୍ମୃତି ସେୟାର କଲେ
କରନ୍ ଜୋହର ଓ କରୀନା କପୁର ଖାନଙ୍କ ଫିଲ୍ମ 'କଭି ଖୁସି କଭି ଗମ୍' (K3G) ସୁଟିଂ ସମୟରେ ବ୍ରିଟେନ୍‌ରେ ବିତାଇଥିବା ସମୟକୁ ପ୍ରିନ୍ସ ୱିଲିୟମଙ୍କ ସହ ସେୟାର କରିଥିଲେ । ଆଲୋଚନା ବେଳେ ପ୍ରିନ୍ସ ୱିଲିୟମଙ୍କୁ ଫିଲ୍ମର ସିନ୍ ଓ ସୁଟିଂ ସମୟର କିଛି ଝଲକ ମଧ୍ୟ ଦେଖାଇଥିଲେ । ଏହାବ୍ୟତୀତ ଫିଲ୍ମର ଆଇକନିକ୍ ଗୀତ ଉପରେ କଳାକାରମାନେ ଡାନ୍ସ ପରଫର୍ମାନ୍ସ ଦେଇଥିଲେ ।

ପଢନ୍ତୁ ଏହି ଖବର: ଗାୟତ୍ରୀ ମନ୍ତ୍ର ଗାଇଲେ ବିଦେଶରେ ବଢୁଥିବା ପ୍ରିୟଙ୍କାଙ୍କ ଝିଅ ମାଲତି; ସ୍ଵର ଶୁଣି ଫ୍ୟାନ୍ସ ଫିଦା, ଦେଖନ୍ତୁ ଭିଡିଓ


  • ବଲିଉଡ ଓ ବ୍ରିଟେନର ପୁରୁଣା ସମ୍ପର୍କ
ଏହି ଭେଟଘାଟରେ ବ୍ରିଟେନ ଉପରେ ବଲିଉଡ ଫିଲ୍ମର ଲୋକପ୍ରିୟତା ଉପରେ ଚର୍ଚ୍ଚା ହୋଇଥିଲା । କରନ ଜୋହର କହିଥିଲେ ଯେ, ବ୍ରିଟେନ୍ ଭାରତୀୟ ଫିଲ୍ମଗୁଡ଼ିକର ସୁଟିଂ ପାଇଁ କେବଳ ଏକ ସ୍ଥାନ ନୁହେଁ ବରଂ ଏପରି ଏକ ଦେଶ ଯେଉଁଠି ଭାରତୀୟ କାହାଣୀଗୁଡ଼ିକୁ ବେଶ ପସନ୍ଦ କରାଯାଏ । କଥାବାର୍ତ୍ତା ପରେ ପ୍ରିନ୍ସ ୱିଲିୟମଙ୍କ ଲାଗି ପ୍ରସ୍ତୁତ ହୋଇଥିବା ରୟାଲ୍ ମେନ୍ୟୁକୁ ନେଇ ଚର୍ଚ୍ଚା ହୋଇଥିଲା ।
Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free: