Ram Kapoor / "ମୁଁ ରାକ୍ଷସ ପାଲଟିଯାଇଥିଲି, ବହୁତି ପିଉଥିଲି"; କାନ୍ଦିଲେ ରାମ କପୁର, କହିଲେ ମରିଯାଇଥାନ୍ତେ

ମୁମ୍ବାଇ: ଟେଲିଭିଜନର ଲୋକପ୍ରିୟ ଅଭିନେତା ରାମ କପୁରଙ୍କର ଚରିତ୍ର ପରଦାରେ ସବୁବେଳେ ଜଣେ ଶାନ୍ତ ଏବଂ ପ୍ରେମମୟ ବ୍ୟକ୍ତିର ପ୍ରତିଛବି ରହିଛି । କିନ୍ତୁ ଆପଣ କ'ଣ ଜାଣନ୍ତି ଯେ ତାଙ୍କ ସଫଳତାର ଶିଖର ସମୟରେ, ରାମ କପୁର ଗଭୀର ଦୁଃଖରେ ବୁଡ଼ି ରହୁଥିଲେ । ରିଆଲିଟି ଶୋ 'ଲକ୍ ଅପ୍-୨'ରେ ରାମ କପୁର ତାଙ୍କ ଜୀବନର ଏକ ଭୟଙ୍କର ସିକ୍ରେଟର ଖୁଲାସା କରିଛନ୍ତି ଯାହା ହୋଷ୍ଟ ଫାରହା ଖାନ, ରିତେଶ ଦେଶମୁଖ ଏବଂ ଦର୍ଶକଙ୍କୁ ସମ୍ପୂର୍ଣ୍ଣ ସ୍ତବ୍ଧ କରିଦେଇଛି ।

ଶୋ'ରୁ ବାହାର ହେବାରୁ ନିଜକୁ ରକ୍ଷା କରିବା ପାଇଁ, ରାମ କପୁର ତାଙ୍କର ଶେଷ ଏବଂ ବଡ଼ ସିକ୍ରେଟ୍ ପ୍ରକାଶ କରିଥିଲେ, ଯାହା ତାଙ୍କ ପତ୍ନୀ ଗୌତମୀ କପୁର ମଧ୍ୟ ଜାଣି ନଥିଲେ । ଶୋ'ର ମଞ୍ଚରେ ରାମ କପୁର ତାଙ୍କର ଅତୀତର ଭୁଲଗୁଡ଼ିକ ବର୍ଣ୍ଣନା କରି ବେଶ ଦୁଃଖ ପ୍ରକାଶ କରିଥିଲେ । ସେ କହିଥିଲେ ଯେ ଟିଭି ଧାରାବାହିକ "ବଡେ ଅଛେ ଲଗତେ ହେଁ"ର ବ୍ଲକବଷ୍ଟର ସଫଳତା ସମୟରେ ସେ ବ୍ଯକ୍ତିଗତ ଜୀବନରେ ଭାଙ୍ଗିପଡ଼ିଥିଲେ । ସେ ତାଙ୍କ ସ୍ୱାସ୍ଥ୍ୟ ବିଷୟରେ ଅନେକ ଆଶ୍ଚର୍ଯ୍ୟଜନକ ଖୁଲାସା ମଧ୍ୟ କରିଛନ୍ତି ।

• "୬ ମାସ ମଧ୍ୟରେ ମୁଁ ମରିଯିବି"

ରାମ କପୁର କହିଥିଲେ, "ମୋର ମୋଟାପଣ ଯୋଗୁଁ ମୁଁ ଦର୍ଶକଙ୍କଠାରୁ ବହୁତ ଭଲପାଇବା ପାଇଥିଲି । ମୁଁ ଦେଶର ସର୍ବୋଚ୍ଚ ରେଟିଂପ୍ରାପ୍ତ ଟିଭି ଷ୍ଟାର ହୋଇଗଲି । କିନ୍ତୁ ଭିତରେ ମୁଁ ମରୁଥିଲି । ମୋତେ ଦିନକୁ ତିନିଥର ଇନସୁଲିନ୍ ଇଞ୍ଜେକ୍ସନ ନେବାକୁ ପଡୁଥିଲା ଏବଂ ମୋର ସୁଗାର ସ୍ତର ୪୦୦, ୫୦୦ରୁ ୬୦୦+ ପର୍ଯ୍ୟନ୍ତ ବୃଦ୍ଧି ପାଇଥିଲା । ଡାକ୍ତରମାନେ ମୋତେ ସ୍ପଷ୍ଟ ଭାବରେ କହିଥିଲେ ଯେ ଯଦି ମୋର ସ୍ୱାସ୍ଥ୍ୟରେ ଉନ୍ନତି ନହୁଏ, ତେବେ ମୁଁ ୬ ମାସ ମଧ୍ୟରେ ମରିଯିବି ।"

• "ମୁଁ ରାକ୍ଷସ ପାଲଟିଯାଇଥିଲି"

ରାମ କପୁର ମଧ୍ୟ ସ୍ୱୀକାର କରିଥିଲେ ଯେ ତାଙ୍କର କ୍ଯାରିଅରର ସଫଳତା ସମୟରେ ସେ ବହୁତ ଖରାପ ବ୍ୟକ୍ତି ହୋଇଯାଇଥିଲେ । ସେ ସେଟରେ ୬ ଘଣ୍ଟା ବିଳମ୍ବରେ ପହଞ୍ଚୁଥିଲେ, କ୍ରୁ ସଦସ୍ୟଙ୍କ ସହିତ ଖରାପ ବ୍ୟବହାର କରୁଥିଲେ ଏବଂ ସୁଟିଂ ସମୟରେ ସେଟରେ ମଦ୍ୟପାନ ମଧ୍ୟ କରୁଥିଲେ । ରାମ କହିଥିଲେ, "ମୁଁ ଏକ ରାକ୍ଷସ ପାଲଟିଯାଇଥିଲି। ମୁଁ ନିଜକୁ ଘୃଣା କରିବା ଆରମ୍ଭ କରିଥିଲି। ମୋର ମଦ୍ୟପାନ ନିଶା ଏବଂ ଖରାପ ମନୋଭାବ ହିଁ ସୁପରହିଟ୍ ଶୋ' 'ବଡେ ଅଚ୍ଛେ ଲଗତେ ହେ'କୁ ସମୟ ପୂର୍ବରୁ ବନ୍ଦ କରିବାକୁ ପଡ଼ିଥିଲା ।"

ପଢନ୍ତୁ ଏହି ଖବର: ପରଦାରେ ସବୁଠୁ ବୋଲ୍ଡ ସିନ୍ କଲେ କିଆରା; କହିଦେଲେ ଏହା ପଛର କାରଣ

• ପିଲାମାନେ ଜୀବନ ବଞ୍ଚାଇଲେ

ତାଙ୍କ ଜୀବନର ସବୁଠାରୁ କଷ୍ଟକର ସମୟ ବିଷୟରେ ବର୍ଣ୍ଣନା କରି, ରାମ କପୁର କହିଥିଲେ ଯେ ଯେତେବେଳେ ତାଙ୍କ ପିଲାମାନେ ତାଙ୍କ ଜୀବନରେ ପ୍ରବେଶ କଲେ, ତାଙ୍କର ସମ୍ପୂର୍ଣ୍ଣ ଦୃଷ୍ଟିକୋଣ ବଦଳିଗଲା । ପିତୃତ୍ୱର ଭାବନା ତାଙ୍କୁ ତାଙ୍କ ଶରୀର ଏବଂ ଜୀବନକୁ ଉନ୍ନତ କରିବା ପାଇଁ ଶକ୍ତି ଦେଇଥିଲା । ଆଜି ତାଙ୍କର ଜୀବନ ପ୍ରତି ଲୋଭ ଅଛି ଏବଂ ସେ ଏକ ଅତ୍ୟନ୍ତ ସୁସ୍ଥ ଏବଂ ଖୁସି ଜୀବନଯାପନ କରୁଛନ୍ତି ବୋଲି କହିଥିଲେ ।