Bigg Boss 20 Eviction / ଏଥର ଜଣେ ନୁହେଁ ୨ଜଣ ଶୋ'ରୁ ବାହାରିଲେ, ଜାଣନ୍ତୁ କିଏ କିଏ

ମୁମ୍ବାଇ: ରିଆଲିଟି ଶୋ' ବିଗ୍ ବସ୍ ୨୦ରେ ପୁଣି ଥରେ ଉଠିଛି ଲଭ୍ ଗିଲ୍ ଓ ସ୍କାଉଟ୍ ଓପିଙ୍କ ନାଁ । ସଲମାନ ଖାନ୍ ସ୍କାଉଟଙ୍କୁ ଗାଳି କରୁଥିବା ନୂଆ ପ୍ରୋମୋରେ ଦେଖିବାକୁ ମିଳିଛି । ଏହାରି ମଧ୍ୟରେ ଶୋ'କୁ ନେଇ ଏକ ବଡ଼ ଅପଡେଟ୍ ସାମ୍ନାକୁ ଆସିଛି । ଏଥର 'ୱିକେଣ୍ଡ କା ୱାର୍‌'ରେ ଜଣେ ନୁହେଁ, ବରଂ ୨ଜଣ ପ୍ରତିଯୋଗୀ ଶୋ' ଛାଡ଼ିଛନ୍ତି । ଚଳିତ ସପ୍ତାହ ଲାଗି ଗୁଲ୍ଲୁ, କନିକା, ସ୍କାଉଟ୍ ଓପି, ଆସିଫ୍ ଖାନ୍‌, ଲଭପ୍ରୀତ ଗିଲ୍‌ ଓ ଆମ୍ରାପାଲି ଦୁବେ ନମିନେଟ୍ ହୋଇଥିଲେ ।

• ବିଗ୍‌ ବସ୍‌ରୁ ବାହାରିଲେ ସ୍କାଉଟ୍‌

ବିଗ୍‌ ବସ୍‌ ୨୦ର ଟିକନିକ୍ ଅପଡେଟ୍ ଦେଉଥିବା ଏକ୍ସ ପେଜ୍‌ରେ କୁହାଯାଇଛି ଯେ ସ୍କାଉଟ୍ ଓପି ଏଭିକ୍ଟେଡ୍ ହୋଇଛନ୍ତି । ପୋଷ୍ଟରେ କୁହାଯାଇଛି ଯେ ସ୍କାଉଟ୍‌ ଓପି ବିଗ୍‌ ବସ୍‌ ୨୦ ଟିମ୍‌କୁ ୨ କୋଟି ଟଙ୍କା ଜୋରିମାନା ଦେଇ ଶୋ'ରୁ ବାହାରିଛନ୍ତି । ସେ କହିଛନ୍ତି, "ମୁଁ ସବୁକିଛି ସହିପାରିବି । କିନ୍ତୁ କାଶୱିଙ୍କ ଅପମାନ ସହ୍ୟ କରିପାରିବି ନାହିଁ । ଏଥିଲାଗି ମୁଁ ବିଗ୍‌ ବସ୍‌ରୁ ବାହାରିବାକୁ ନିଷ୍ପତ୍ତି ନେଉଛି ।" ଏହାବ୍ୟତୀତ କମ୍‌ ଭୋଟ୍‌ ଯୋଗୁଁ ଆସିଫ୍ ଖାନ୍‌ ମଧ୍ୟ ଘରୁ ବେଘର ହୋଇଛନ୍ତି ।

• ସ୍କାଉଟ୍‌ଙ୍କ ସଚ୍ଚୋଟତାକୁ ନେଇ ପ୍ରଶ୍ନ କଲେ ସଲମାନ

ନୂଆ ପ୍ରୋମୋରେ ସଲମାନ ଖାନ୍ ସ୍କାଉଟ୍‌ଙ୍କ ସଚ୍ଚୋଟତା ଓ ତାଙ୍କ ସମ୍ପର୍କର ଦୁଇଟି ରୂପକୁ ନେଇ ପ୍ରଶ୍ନ ଉଠାଇଛନ୍ତି । ହେଲେ ସଲମାନ ସ୍କାଉଟଙ୍କୁ ବୁଝେଇଲା ପରି କହୁଥିବା ଦେଖିବାକୁ ମିଳିଛି । ଏହାପରେ ସଲମାନ ଘର ଭିତରେ ଥିବା ପରିବେଶକୁ ଟାର୍ଗେଟ କରି କହିଛନ୍ତି ଯେ ଏଠି 'ଭଉଣୀ' ଶବ୍ଦ ହିଁ ଖରାପ ହୋଇରିଛି । ଏହାପରେ ସଲମାନ ସ୍କାଉଟଙ୍କୁ ପ୍ରଶ୍ନ କରିଥିଲେ ଯେ ଯଦି ସେ ଲଭ୍‌ଙ୍କୁ ସାଙ୍ଗ ମାନୁଥିଲେ, ତେବେ ନିଜ ଗର୍ଲଫ୍ରେଣ୍ଡଙ୍କ ସାମ୍ନାରେ ତା'ର ସପକ୍ଷରେ ଗୋଟିଏ ବି ଶବ୍ଦ କହିଲେନି କାହିଁକି ? 'ତାଙ୍କୁ ଭାବନାତ୍ମକ ଭାବେ ଜଣେ ଝିଅ ଯଦି ଫସଉଛି, ତେବେ ସେ କଣ ଜଣେ ମୂର୍ଖ' ବୋଲି ସଲମାନ ସ୍କାଉଟଙ୍କୁ ପ୍ରଶ୍ନ କରିଥିଲେ । ବିଶେଷ ଭାବେ ସଲମାନ ଘରର ମାହୋଲକୁ ନେଇ ଭାଇ-ଭଉଣୀ ସମ୍ପର୍କକୁ ପ୍ରଶ୍ନ କରିଥିଲେ ।

ପଢନ୍ତୁ ଏହି ଖବର: ବୟସ ବଢୁଛି, ସୁନ୍ଦରତା କମୁନି... ଜାଣନ୍ତୁ ରବୀନାଙ୍କ ଫିଟନେସ୍ ମନ୍ତ୍ର

• କଣ ଲଭ୍ ଗିଲ୍ ଓ ସ୍କାଉଟଙ୍କ ମାମଲା ?

ଚଳିତ ବିଗ୍ ବସ୍‌ ୨୦ ସିଜିନରେ ଲଭ୍ ଗିଲ୍‌ ଓ ସ୍କାଉଟ୍ ଓପିଙ୍କ ବିଭିନ୍ନ ଆପତ୍ତିଜନକ କ୍ଲିପ୍‌କୁ ସମାଲୋଚନା କରାଯାଇଥିଲା । ସେମାନଙ୍କର ଭାଇ-ଭଉଣୀ ସମ୍ପର୍କକୁ ନେଇ ସୋସିଆଲ ମିଡିଆରେ ଟ୍ରୋଲ୍ କରିଥିଲେ ଦର୍ଶକ । ଏହାପରେ ଆଗକୁ ଆସିଥିଲେ ସ୍କାଉଟ୍‌ଙ୍କ ଗର୍ଲଫ୍ରେଣ୍ଡ କାଶୱୀ ହୀରାନନ୍ଦିନୀ । ସେ ଶୋ'କୁ ଆସି ବୟଫ୍ରେଣ୍ଡ ସ୍କାଉଟ୍ ଓ ଲଭ୍‌ ଗିଲ୍‌ଙ୍କ କ୍ଲାସ୍ ନେଇଥିଲେ । ଏପରିକି ସଲମାନ ଖାନଙ୍କ ବଦଳରେ ଶୋ'କୁ ହୋଷ୍ଟ କରିବାକୁ ଆସିଥିବା ବଲିଉଡ ନିର୍ଦ୍ଦେଶକ ରୋହିତ ସେଟ୍ଟୀ ମଧ୍ୟ ସ୍କାଉଟ୍ ଓ ଲଭ୍ ଗିଲ୍‌ଙ୍କୁ ତାଗିଦ୍ କରିଥିଲେ ।