ବିଗ ବି ଅମିତାଭ ବଚ୍ଚନଙ୍କ 'ସୂର୍ଯ୍ୟବଂଶମ' ଫିଲ୍ମ ଆପଣ ଚାହିଁଲେ ବି ଭୁଲିପାରିବେନି । ଏହାର କାରଣ କେବଳ ଏହା ନୁହେଁ ଯେ ଫିଲ୍ମଟିକୁ ଟିଭିରେ ବାରମ୍ବାର ଦେଖାଯାଇଛି, ବରଂ ଏଥିରେ ଥିବା ଚରିତ୍ର ବେଶ ଆଦୃତ ଲାଭ କରିଛି । ଏହି ଫିଲ୍ମରେ ଅମିତାଭ ବଚ୍ଚନଙ୍କ ନାତି ଭୂମିକାରେ ଅଭିନୟ କରିଥିବା ଶିଶୁ କଳାକାର ମଧ୍ୟ ଦର୍ଶକଙ୍କଠାରୁ ବେଶ ଲୋକପ୍ରିୟତା ହାସଲ କରିଥିଲେ । ତେବେ ସେହି ଶିଶୁ କଳାକାର ଏବେ କେଉଁଠି, କେତେ ବଡ଼ ହେଲେଣି । ଆପଣ ଜାଣିଲେ ଆଶ୍ଚର୍ଯ୍ୟ ହେବେ ସେହି ଶିଶୁ କଳାକାର ଏବେ ୩୦ ବର୍ଷ ପାର କରିସାରିଥିବାବେଳେ ତାଙ୍କ ଲୁକ୍ ସମ୍ପୂର୍ଣ୍ଣ ବଦଳିଗଲାଣି ।

୩ ବର୍ଷ ବୟସରେ ଆରମ୍ଭ କରିଥିଲେ ଅଭିନୟ
ଫିଲ୍ମରେ ଏହି ଶିଶୁ କଳାକାରଙ୍କ ପ୍ରକୃତ ନାମ ହେଉଛି ଆନନ୍ଦ ବର୍ଦ୍ଧନ । ବହୁତ କମ ଲୋକ ଜାଣନ୍ତି ଯେ ଆନନ୍ଦ ବର୍ଦ୍ଧନ ଖୁବ କମ ବୟସରେ ଅଭିନୟ ଜଗତରେ ପାଦ ଥାପିଥିଲେ । ଜଣେ ଶିଶୁ କଳାକାର ଭାବେ ସେ ପ୍ରାୟ ୨୫ଟି ଫିଲ୍ମରେ କାମ କରିଛନ୍ତି ଏବଂ ନିଜ ଦମଦାର ଅଭିନୟରେ ଦର୍ଶକଙ୍କ ହୃଦୟ ଜିତିଛନ୍ତି । ଏଥିଲାଗି ତାଙ୍କୁ 'ନନ୍ଦୀ ଆୱାର୍ଡ ଫର୍ ବେଷ୍ଟ ଚାଇଲ୍ଡ ଆର୍ଟିଷ୍ଟ' ପୁରସ୍କାର ବି ମିଳିଛି ।

ପଢନ୍ତୁ ଏହି ଖବର: ଦିନେ ଅକ୍ଷୟ ଖାନ୍ନାଙ୍କ ସହ କାମ କରିବାକୁ ଚାହୁଁନଥିଲେ ଫାରାହ; ଏବେ କହିଲେ ସତ

ଏବେ ୩୩ ବର୍ଷରେ କରୁଛନ୍ତି କମବ୍ୟାକ୍
ସମୟ ସହିତ ଆନନ୍ଦ ବର୍ଦ୍ଧନ ଫିଲ୍ମଠାରୁ ଦୂରେଇ ଯାଇଥିଲେ ଏବଂ ନିଜ ପାଠପଢା ଉପରେ ଧ୍ୟାନ ଦେଇଥିଲେ । ଏବେ ପାଠପଢା ସାରି ସେ ପୁଣିଥରେ ଫିଲ୍ମ ଇଣ୍ଡଷ୍ଟ୍ରିକୁ କମବ୍ୟାକ୍ କରିବାକୁ ଯାଉଛନ୍ତି । ଆନନ୍ଦ ବର୍ଦ୍ଧନଙ୍କୁ ଏବେ ୩୫ ବର୍ଷ ବୟସ ଏବଂ ସେ ସୋସିଆଲ ମିଡିଆରେ ବେଶ ଆକ୍ଟିଭ । ସେ ମଝିରେ ମଝିରେ ନିଜର ଫଟୋ ଓ ଭିଡିଓ ସେୟାର କରନ୍ତି । ଗତବର୍ଷ ସେ 'ନିଦୁରିଞ୍ଚୁ ଜାହାପନା' ଫିଲ୍ମରେ ମୁଖ୍ୟ ଭୂମିକାରେ ନଜର ଆସିଥିଲେ । ରୋମାଣ୍ଟିକ ଅଭିନୟରେ ଦର୍ଶକ ତାଙ୍କୁ ଖୁବ ପସନ୍ଦ କରିଛନ୍ତି ।

ଅଧିକ ଖବର ପଢନ୍ତୁ...