ନ୍ୟୁୟର୍କ: ବିଶ୍ୱର ସବୁଠାରୁ ଚର୍ଚ୍ଚିତ ସେଲିବ୍ରିଟି ଦମ୍ପତିଙ୍କ ମଧ୍ୟରୁ ଜଣେ ଟେଲର ସ୍ୱିଫ୍ଟ ଏବଂ ଟ୍ରାଭିସ୍ କେଲସ୍ ଏବେ ଖବରର ଶିରୋନାମା ପାଲଟିଛନ୍ତି । ଏହାର କାରଣ କେବଳ ସେମାନଙ୍କ ବିବାହ ନୁହେଁ, ବରଂ ସେମାନଙ୍କ ବୟସ ଏବଂ ସମ୍ପତ୍ତିକୁ ନେଇ ବି ବେଶ ଚର୍ଚ୍ଚା ହେଉଛି । ସୋସିଆଲ ମିଡିଆରେ ଉଭୟଙ୍କ ମଧ୍ୟରେ ବୟସର ପାର୍ଥକ୍ୟ କ’ଣ ଏବଂ ଟେଲର ସ୍ୱିଫ୍ଟ ତାଙ୍କ ସ୍ୱାମୀ ଟ୍ରାଭିସଙ୍କଠାରୁ ପ୍ରକୃତରେ କେତେ ଧନୀ ସେନେଇ ଚର୍ଚ୍ଚା ହେଉଛି ।

ଯେଉଁମାନେ ହଲିଉଡ ଓ ସଙ୍ଗୀତ ଜଗତ ପ୍ରତି ରୁଚି ରଖନ୍ତି, ସେମାନଙ୍କ ପାଇଁ ଟେଲର ସ୍ୱିଫ୍ଟ ନାଁ ନୂଆ ନୁହେଁ । ତେବେ ଯେଉମାନେ ଜାଣିନାହାନ୍ତି, ସେମାନେ ଜାଣିରଖନ୍ତୁ ଯେ ବିଶ୍ୱର ସବୁଠାରୁ ସଫଳ ପପ୍ ଗାୟିକା ଏବଂ ଗୀତିକାରମାନଙ୍କ ମଧ୍ୟରୁ ଜଣେ ହେଉଛନ୍ତି ଟେଲର । ସେ ତାଙ୍କ କ୍ୟାରିଅର ସମୟରେ ଅନେକ ଗ୍ରାମି ପୁରସ୍କାର ଜିତିଛନ୍ତି ଏବଂ ତାଙ୍କର "ଏରାସ୍ ଟୁର୍" ଇତିହାସର ସର୍ବାଧିକ ଆୟକାରୀ ସଙ୍ଗୀତ ମଧ୍ୟରୁ ଗୋଟିଏ । ତାଙ୍କର ସଙ୍ଗୀତ, ରେକର୍ଡିଂ, ପ୍ରକାଶନ ଏବଂ ବିଭିନ୍ନ ବ୍ୟବସାୟିକ ଉଦ୍ୟମ ତାଙ୍କୁ ବିଶ୍ୱର ସବୁଠାରୁ ଧନୀ ମହିଳା କଳାକାରମାନଙ୍କ ମଧ୍ୟରୁ ଜଣେ କରିଥାଏ ।

• ଦମ୍ପତିଙ୍କ ସମ୍ପତ୍ତିରେ ବହୁତ ପାର୍ଥକ୍ୟ

ଟେଲର ସ୍ୱିଫ୍ଟଙ୍କ ସମ୍ପତ୍ତି ପ୍ରାୟ ୨୦,୦୦୦ କୋଟି ବୋଲି ଆକଳନ କରାଯାଇଛି । ସ୍ଵାମୀ ଟ୍ରାଭିସଙ୍କ ସମ୍ପତ୍ତି ପ୍ରାୟ ୭୫୩ କୋଟି ଟଙ୍କା ବୋଲି ଆକଳନ କରାଯାଇଛି । ଏହାର ଅର୍ଥ ହେଉଛି ଟେଲର ସ୍ୱିଫ୍ଟ ତାଙ୍କ ସ୍ୱାମୀଙ୍କ ସମ୍ପତ୍ତିର ୨୦ ଗୁଣରୁ ଅଧିକ । ସେମାନଙ୍କର ମିଳିତ ସମ୍ପତ୍ତି ପ୍ରାୟ୨୦,୮୩୦ କୋଟି ଟଙ୍କାରୁ ୨୦,୮୮୦ କୋଟି ଟଙ୍କା ହେବ ବୋଲି ଆକଳନ କରାଯାଇଛି ।

• ଟେଲର ସ୍ୱିଫ୍ଟଙ୍କ ସ୍ୱାମୀ ଟ୍ରାଭିସ୍ କେଲସ୍ କିଏ ?

ଟ୍ରାଭିସ୍ କେଲସ୍ ଆମେରିକୀୟ ନ୍ୟାସନାଲ୍ ଫୁଟବଲ୍ ଲିଗ୍ (NFL)ର ଜଣେ ଷ୍ଟାର ଖେଳାଳି । ସେ କାନସାସ୍ ସିଟି ଚିଫ୍ସ ପାଇଁ ଖେଳନ୍ତି ଏବଂ ଦଳର ଅନେକ ସୁପର ବୋଲ୍ ବିଜୟରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି । କ୍ରୀଡା ବ୍ୟତୀତ ସେ ବ୍ରାଣ୍ଡ, ପୋଡକାଷ୍ଟ ଏବଂ ବ୍ୟବସାୟିକ ନିବେଶରୁ ମଧ୍ୟ ଯଥେଷ୍ଟ ଆୟ କରନ୍ତି । ଟେଲର ସ୍ୱିଫ୍ଟଙ୍କ ଜନ୍ମ ୧୯୮୯ ମସିହା ଡିସେମ୍ବର ୧୩ରେ ହୋଇଥିଲା, ଯେତେବେଳେ କି ଟ୍ରାଭିସ୍ କେଲସ୍ ୫ ଅକ୍ଟୋବର ୧୯୮୯ରେ ଜନ୍ମ ହୋଇଥିଲେ । ଏହାର ଅର୍ଥ ହେଉଛି ଟ୍ରାଭିସ୍ ଟେଲରଙ୍କଠାରୁ ମାତ୍ର ୬୯ ଦିନ ବଡ଼ ।

• ଅନଲାଇନରେ ନବଦମ୍ପତିଙ୍କୁ ନେଇ ବେଶ ଚର୍ଚ୍ଚା

ଟେଲରଙ୍କ ବିବାହ ପରେ ସେମାନଙ୍କ ପ୍ରୋଫାଇଲ୍, ବୟସ, କ୍ୟାରିଅର୍ ଏବଂ ରୋଜଗାରର ତୁଳନା କରୁଥିବା ପୋଷ୍ଟଗୁଡ଼ିକ ଅନଲାଇନରେ ଭାଇରାଲ ହେଉଛି । ଏହି ପୋଷ୍ଟଗୁଡ଼ିକରେ ବୟସର ପାର୍ଥକ୍ୟ ମଧ୍ୟ ଉଲ୍ଲେଖ ହେବା ଆରମ୍ଭ ହେଲା । ଯଦିଓ ଏହି ବୟସ ପାର୍ଥକ୍ୟ ବହୁତ କମ, କିନ୍ତୁ ବିଶ୍ୱର ସବୁଠାରୁ ଚର୍ଚ୍ଚିତ ସେଲିବ୍ରିଟି ଦମ୍ପତି ବିବାହ କରିଥିବାରୁ ସେମାନଙ୍କୁ ନେଇ ବେଶ ଚର୍ଚ୍ଚା ହେଉଛି ।

• ପ୍ରେମ କିପରି ଆରମ୍ଭ ହୋଇଥିଲା ?

ଟେଲର ସ୍ୱିଫ୍ଟ ଏବଂ ଟ୍ରାଭିସ୍ କେଲସଙ୍କ ସମ୍ପର୍କକୁ ନେଇ ଗୁଜବ ୨୦୨୩ ମସିହାରେ ଆରମ୍ଭ ହୋଇଥିଲା । ପରବର୍ତ୍ତୀ ସମୟରେ, ସେମାନଙ୍କୁ ଅନେକ ସାର୍ବଜନୀନ କାର୍ଯ୍ୟକ୍ରମ ଏବଂ NFL ମ୍ୟାଚ୍‌ରେ ଏକାଠି ଦେଖାଯାଇଥିଲା । ଗତ କିଛି ବର୍ଷ ମଧ୍ୟରେ, ଏହି ଦମ୍ପତି ବିଶ୍ୱର ସବୁଠାରୁ ଲୋକପ୍ରିୟ ସେଲିବ୍ରିଟି ଦମ୍ପତିଙ୍କ ମଧ୍ୟରୁ ଜଣେ ହୋଇଯାଇଛନ୍ତି । ଜୁଲାଇ ୩ ତାରିଖରେ ଉଭୟ ବିବାହ କରିଥିବାବେଳେ ଉତ୍ସବରେ କେବଳ ୧୦୦୦ଜଣ ଅତିଥି ସାମିଲ ଥିଲେ ।

ଅଧିକ ମନୋରଞ୍ଜନ ସମ୍ବନ୍ଧୀୟ ଖବର ପଢନ୍ତୁ..