ଟେଲିଭିଜନର ଲୋକପ୍ରିୟ ଅଭିନେତ୍ରୀ ତଥା 'ୟେ ହେ ମୋହବତେଁ'ର ଲିଡ୍ ଆକ୍ଟ୍ରେସ୍ ଦିବ୍ୟଙ୍କା ତ୍ରିପାଠୀଙ୍କ ଘରକୁ ଆସିବ କୁନି ଅତିଥି । ବିବାହର ୧୦ ବର୍ଷ ପରେ ଏବଂ ୪୧ ବର୍ଷ ବୟସରେ ମାଆ ହେବେ ଅଭିନେତ୍ରୀ । ଗର୍ଭବତୀ ଥିବାର ଏକ ଫଟୋ ଦିବ୍ୟଙ୍କା ନିଜ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି । ଏଥିରେ ସେ ସ୍ଵାମୀ ବିବେକ ଦହିୟାଙ୍କ ସହିତ ନଜର ଆସିଛନ୍ତି । ଦିବ୍ୟଙ୍କାଙ୍କ ପ୍ରେଗ୍ନେସିକୁ ନେଇ ବେଶ ଚର୍ଚ୍ଚା ହେଉଥିବାବେଳେ ଅଭିନେତ୍ରୀ ଏହା ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି ।

ଦିବ୍ୟଙ୍କା ତ୍ରିପାଠୀ ଟେଲିଭିଜନ ଜଗତର ଲୋକପ୍ରିୟ ଅଭିନେତ୍ରୀଙ୍କ ମଧ୍ୟରୁ ଜଣେ, ଯିଏକି ନିଜର ନିଚ୍ଛକ ଅଭିନୟ ସହିତ ଦର୍ଶକଙ୍କୁ ବାନ୍ଧି ରଖନ୍ତି । ଦିବ୍ୟଙ୍କା ଥିବା ଧାରାବାହିକ ବହୁ ବର୍ଷ ଧରି ଟେଲିଭିଜନରେ ପ୍ରସାରିତ ହୋଇଥାଏ ଏବଂ ଲୋକେ ତାକୁ ବେଶ ପସନ୍ଦ ମଧ୍ୟ କରନ୍ତି । ତେବେ ଦିବ୍ୟଙ୍କା ନିଜ ପ୍ରେଗ୍ନେସି ସମ୍ପର୍କରେ ନିଜ ଫ୍ୟାନ୍ସଙ୍କୁ ଜଣାଇବା ପରେ ତାଙ୍କୁ ଅନେକ ସମାଲୋଚନାର ଶିକାର ହେବାକୁ ପଡ଼ିଥିଲା । ତାଙ୍କ ପ୍ରେଗ୍ନେସି ନାଚୁରାଲ୍ ନା IVF ତାକୁ ନେଇ ବେଶ ଚର୍ଚ୍ଚା ହୋଇଥିଲା, ଯାହା ଉପରେ ଅଭିନେତ୍ରୀ ଶେଷରେ ମୁହଁ ଖୋଲିଛନ୍ତି ।

ପଢନ୍ତୁ ଏହି ଖବର: ନେଟ୍‌ଫ୍ଲିକ୍ସରେ ନୁହେଁ , ଏହି OTT ଫ୍ଲାଟଫର୍ମରେ ରିଲିଜ ହେବ 'ଧୁରନ୍ଧର-୨'

ସେ କହିଛନ୍ତି, "ଏହି କଥା ସବୁଠି ଶୁଣିବାକୁ ମିଳେ ଯେ ମହିଳାଟିଏ ୩୦ ବର୍ଷ ପାର କରିବା ପରେ ସେ ଗର୍ଭବତୀ ହେବା ମୁସ୍କିଲ ହୋଇପଡ଼େ । ଏହାଦ୍ଵାରା ମହିଳାଙ୍କ ଉପରେ ନକାରାତ୍ମକ ପ୍ରଭାବ ପଡ଼ିଥାଏ । ଯେଉଁ ମହିଳା ପୂର୍ବରୁ ମାନସିକ ଯନ୍ତ୍ରଣାରେ ଥାଆନ୍ତି, ସେମାନଙ୍କ ସ୍ଥିତି ଖରାପ ହୋଇଯାଏ । ମୋତେ ଲାଗେ ଖୁସିରେ ରହିବା, ଭଗବାନଙ୍କ ଉପରେ ଭରସା ରଖିବା ଏବଂ ସକାରାତ୍ମକ ଭାବନା ରଖିବା ବେଶ ଭଲ ପ୍ରଭାବ ପକାଏ । ମହିଳା ବିଳମ୍ବରେ ଗର୍ଭବତୀ ହେଲେ ଲୋକେ ତାକୁ ନେଇ ଅନେକ ଆଲୋଚନା ସମାଲୋଚନା କରନ୍ତି, ଯାହାକୁ ଦେଖିଲେ ଶୁଣିଲେ ବିରକ୍ତ ଲାଗେ ।"

• ଅଭିନେତ୍ରୀଙ୍କୁ ବି ଶୁଣିବାକୁ ପଡ଼ିଥିଲା ଗଞ୍ଜଣା

ଦିବ୍ୟଙ୍କା କହିଛନ୍ତି ଯେ ତାଙ୍କୁ ଶୀଘ୍ର ଛୁଆ ଜନ୍ମ କରିବା ଲାଗି ମଧ୍ୟ କୁହାଯାଉଥିଲା । ବୟସ ବଢିଲେ ଗର୍ଭବତୀ ହେବାରେ ବହୁତ ବିଳମ୍ବ ହୋଇଯିବ ବୋଲି ମଧ୍ୟ କୁହାଯାଉଥିଲା । କିନ୍ତୁ ଆଜିକାଲିର ଯୁବପିଢି ଫିଟ୍ ରହୁଛନ୍ତି ଏବଂ ଏବେ ସମୟ ବଦଳିଛି । ଲୋକଙ୍କୁ ଏହା ବୁଝିବାକୁ ପଡ଼ିବ ବୋଲି ଦିବ୍ୟଙ୍କା କହିଛନ୍ତି । ଯେତେବେଳେ ଦମ୍ପତି ମାନସିକ ଭାବେ ପିତାମାତା ହେବାକୁ ସଠିକ୍ ସମୟ ଭାବନ୍ତି, ସେତେବେଳେ ସେମାନେ ଗର୍ଭବତୀ ହେବା ଉଚିତ ବୋଲି ଅଭିନେତ୍ରୀ କହିଛନ୍ତି ।

View this post on Instagram

A post shared by Divyanka Tripathi Dahiya (@divyankatripathidahiya)

ସୂଚନା ଥାଉ କି, ଦିବ୍ୟଙ୍କା ତ୍ରିପାଠୀ ଓ ବିବେକ ଦହିୟା ସିରିଏଲ 'ୟେ ହେ ମୋହବତେଁ'ରେ ପରସ୍ପରର ନିକଟବର୍ତ୍ତୀ ହୋଇଥିଲେ । ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା ଓ ବର୍ଷ ୨୦୧୬ରେ ଉଭୟ ବିବାହ କରିଥିଲେ ।

ଅଧିକ ଖବର ପଢନ୍ତୁ...