Gold Price Falls / ପୁଣି ଖସିଲା ସୁନାଦର; ୨ ଘଣ୍ଟା ଭିତରେ ଶସ୍ତା ହେଲା ଦାମ, କେଉଁଠି କେତେ ଜାଣନ୍ତୁ

ସୁନାରୁପା ଦାମ ଆଜି ଶସ୍ତା ହେଲା କି ମହଙ୍ଗା ? ବିଶେଷ କରି ମଧ୍ୟବିତ୍ତଙ୍କ ମନରେ ଏହି ଗୋଟିଏ ପ୍ରଶ୍ନ ଆସେ । ନିବେଶକଙ୍କଠାରୁ ଆରମ୍ଭ କରି ବିବାହ ଘରେ ମଧ୍ୟ ସମାନ ଜିନିଷ ଦେଖିବାକୁ ମିଳେ । ନିବେଶକଙ୍କ ନଜର ଘରୋଇ କମୋଡିଟି ମାର୍କେଟ୍ ଉପରେ ରହୁଥିବାବେଳେ ସୁନା ବ୍ୟବସାୟୀଙ୍କ ନଜର ବଜାର ଦର ଉପରେ ରହିଥାଏ । କିଛି ଦିନ ଧରି ଏହି ମୂଲ୍ୟବାନ ଧାତୁର ଦାମ ବୃଦ୍ଧି ପାଉଥିବାବେଳେ ଏଥିରେ ପୁଣି ହ୍ରାସ ଘଟିଛି । ଆଜି ଅଗଷ୍ଟ ୧୩ ଗୁରୁବାର କିଛି ଘଣ୍ଟା ମଧ୍ୟରେ MCXରେ ସୁନାରୁପା ଦାମରେ ହ୍ରାସ ଘଟିଛି ।

• କେତେ କମିଲା ଦାମ ?

ଘରୋଇ କମୋଡିଟି ବଜାରରେ ଅକ୍ଟୋବର ୫ରେ ଡେଲିଭରି ହେଉଥିବା ସୁନା ମଲ୍ଟି କମୋଡିଟି ଏକ୍ସଚେଞ୍ଜ୍ ଅଫ୍ ଇଣ୍ଡିଆ (MCX)ରେ ସକାଳ ପ୍ରାୟ ୧୧.୩୦ଟାରେ ୨୦୦୦ ଟଙ୍କା ଶସ୍ତା ହୋଇ ପ୍ରତି ୧୦ ଗ୍ରାମ ପିଛା ୨,୩୫,୮୭୭ ଟଙ୍କାରେ କାରୋବାର କରୁଛି, ଯାହାକି ୦.୮୧% ଶସ୍ତା ହୋଇଛି । ସେପଟେ ସେପ୍ଟେମ୍ବର ୪ ତାରିଖ ସୁଦ୍ଧା ଡେଲିଭରି ହେଉଥିବା ରୁପା ୧୦୦୦ ଟଙ୍କା ଶସ୍ତା ହୋଇ ପ୍ରତି କିଲୋ ପିଛା ୧,୫୮,୮୮୨ ଟଙ୍କାରେ ଟ୍ରେଡ୍ କରୁଛି । ଏହା ଗତକାଲି ଠାରୁ ପ୍ରାୟ ୦.୬୫ ପ୍ରତିଶତ ହ୍ରାସ ହୋଇଛି ।

• ପ୍ରମୁଖ ସହରରେ ସୁନାଦର

ଭାରତର ପ୍ରମୁଖ ସହରରେ ୨୪ ଓ ୨୨ କ୍ୟାରେଟ୍ ସୁନାଦାମରେ ସାମାନ୍ୟ ହ୍ରାସ ଦେଖିବାକୁ ମିଳିଛି । ଦିଲ୍ଲୀରେ ୨୪ କ୍ୟାରେଟ୍ ସୁନାର ଦାମ ପ୍ରତି ୧୦ ଗ୍ରାମ ପିଛା ୧,୫୫,୦୨୦ ଟଙ୍କା ଏବଂ ୨୨ କ୍ୟାରେଟ୍ ସୁନାଦର ପିଛା ୧,୪୨,୧୧୦ ଟଙ୍କା ଅଛି । ସେହିପରି ମୁମ୍ବାଇ, ବେଙ୍ଗାଲୁରୁ, କୋଲକାତା ଓ ହାଇଦ୍ରାବାଦରେ ଉଭୟ କ୍ୟାରେଟ୍‌ର ସୁନା ଦାମ ଯଥାକ୍ରମେ ୧,୫୪,୮୭୦ ଏବଂ ୧,୪୧,୯୬୦ ଟଙ୍କା ଅଛି । ଚେନ୍ନାଇରେ ୨୪ କ୍ୟାରେଟ୍ ସୁନା ଦାମ ୧,୫୪,୯୨୦ ଟଙ୍କା ଏବଂ ୨୨ କ୍ୟାରେଟ୍ ସୁନାଦାମ ୧,୪୨,୦୧୦ ଟଙ୍କା ଅଛି । ଭୁବନେଶ୍ଵରରେ ୨୪ କ୍ୟାରେଟ୍ ସୁନା ଦାମ ୧,୫୫,୧୩୦ ଟଙ୍କା ଏବଂ ୨୨ କ୍ୟାରେଟ୍ ସୁନାଦାମ ୧,୪୨,୨୦୦ ଟଙ୍କା ଅଛି ।

ପଢନ୍ତୁ ଏହି ଖବର: ବ୍ୟାଙ୍କ ଲକରରୁ ୫୦ ଲକ୍ଷ ଟଙ୍କାର ସୁନା ଅଳଙ୍କାର ଚୋରି; କ୍ଷତି କିଏ ବହନ କରିବ ?

• ରୁପା କିଲୋ ପିଛା କେତେ ?

ସେହିପରି ଦେଶର ପ୍ରମୁଖ ସହରରେ ରୁପା ଦାମରେ ମଧ୍ୟ ହ୍ରାସ ଦେଖିବାକୁ ମିଳିଛି । ଦିଲ୍ଲୀ, ମୁମ୍ବାଇ, ବେଙ୍ଗାଲୁରୁ, କୋଲକାତାରେ ୧୦୦ ଗ୍ରାମ ରୁପାଦାମ ୨୫,୪୯୦ଟଙ୍କା ଏବଂ ୧ କିଲୋ ରୁପା ଦାମ ୨,୫୪,୯୦୦ ଟଙ୍କା ଅଛି । ସେହିପରି ହାଇଦ୍ରାବାଦ ଓ ଚେନ୍ନାଇରେ ୧୦୦ ଗ୍ରାମ ରୁପା ଦର ୨୫,୯୯୦ ଟଙ୍କା ଏବଂ ୧ କେଜି ରୁପାଦର ୨,୫୯,୯୦୦ ଟଙ୍କା ଅଛି ।