Vitamin D Symptoms / ଆପଣ କିପରି ଜାଣିବେ ଯେ ଆପଣଙ୍କ ଶରୀରରେ ଭିଟାମିନ୍ ଡି କମ୍ ଅଛି କି ନାହିଁ ?

ଭିଟାମିନ୍ ଡି ଶରୀର ପାଇଁ ସବୁଠାରୁ ଆବଶ୍ୟକ ଭିଟାମିନ୍ ମଧ୍ୟରୁ ଗୋଟିଏ । ଏହି ଭିଟାମିନ୍‌ର ଅଭାବ ମାଂସପେଶୀଠାରୁ ଆରମ୍ଭ କରି ମନୋଭାବ ପର୍ଯ୍ୟନ୍ତ ସବୁକିଛିକୁ ପ୍ରଭାବିତ କରେ । ଲୋକମାନେ ପ୍ରାୟତଃ ପ୍ରାରମ୍ଭରେ ଏହି ଲକ୍ଷଣଗୁଡ଼ିକୁ ଅଣଦେଖା କରନ୍ତି, କିନ୍ତୁ ଶେଷରେ ସେମାନଙ୍କ ସ୍ୱାସ୍ଥ୍ୟ ଖରାପ ହୋଇଯାଏ ଏବଂ ଦୀର୍ଘକାଳୀନ ଚିକିତ୍ସା ପରେ ସମସ୍ୟାର ସମାଧାନ ହୋଇଥାଏ । ଏଣୁ ଏହି ଅଭାବକୁ ଶୀଘ୍ର ଚିହ୍ନଟ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।

• ସବୁବେଳେ କ୍ଳାନ୍ତ ଅନୁଭବ କରିବା

ଯଦି ଆପଣ ପର୍ଯ୍ୟାପ୍ତ ନିଦ ପରେ ମଧ୍ୟ ସବୁବେଳେ କ୍ଳାନ୍ତ ଅନୁଭବ କରନ୍ତି, ତେବେ ଏହା ଭିଟାମିନ୍ ଡି ଅଭାବର ଲକ୍ଷଣ ହୋଇପାରେ । ଡାକ୍ତରମାନେ କୁହନ୍ତି ଯେ ଯେତେବେଳେ ଭିଟାମିନ୍ ଡି କମ ଥାଏ, ମାଂସପେଶୀ ଏବଂ କୋଷଗୁଡ଼ିକ ପର୍ଯ୍ୟାପ୍ତ ଶକ୍ତି ଉତ୍ପାଦନ କରିପାରନ୍ତି ନାହିଁ, ଯାହା ଫଳରେ ଆପଣ ସର୍ବଦା ଆଳସ୍ୟ ଅନୁଭବ କରନ୍ତି ।

• ମାଂସପେଶୀ ଦୁର୍ବଳତା

ଭିଟାମିନ୍ Dର କମ ସ୍ତର ମାଂସପେଶୀକୁ ଦୁର୍ବଳ କରିଥାଏ । ସିଡ଼ି ଚଢ଼ିବା ସମୟରେ ଶୀଘ୍ର କ୍ଳାନ୍ତି ଲାଗିବା କିମ୍ବା ବସିବା ସ୍ଥାନରୁ ଉଠିବା ସମୟରେ ଭାରୀ ଅନୁଭବ ହେବା ସ୍ୱାଭାବିକ ନୁହେଁ । ଏହା ଭିଟାମିନ୍ ଡି ଅଭାବର ଲକ୍ଷଣ ହୋଇପାରେ।

• ପିଠି ଯନ୍ତ୍ରଣା

ପିଠି ଯନ୍ତ୍ରଣା କେବଳ ଖରାପ ଢଙ୍ଗରେ ବସିବା ଯୋଗୁଁ ହୁଏ ନାହିଁ, ଏହା ଭିଟାମିନ୍ ଡି କମ୍ ହେବା ଯୋଗୁଁ ମଧ୍ୟ ହୋଇପାରେ । କାରଣ ଭିଟାମିନ୍ ଡି କମ୍ ହେଲେ ଶରୀରକୁ କ୍ୟାଲସିୟମ ପର୍ଯ୍ୟାପ୍ତ ପରିମାଣରେ ମିଳେ ନାହିଁ, ଯାହା ଫଳରେ ହାଡ଼ ଦୁର୍ବଳ ହୋଇଯାଏ ।

• ଦୁର୍ବଳ ରୋଗ ପ୍ରତିରୋଧକ ଶକ୍ତି

ଦୁର୍ବଳ ରୋଗ ପ୍ରତିରୋଧକ ଶକ୍ତି ବାରମ୍ବାର ସଂକ୍ରମଣର କାରଣ ହୋଇପାରେ । ଭିଟାମିନ୍ ଡି ରୋଗ ପ୍ରତିରୋଧକ ଶକ୍ତିକୁ ନିୟନ୍ତ୍ରଣ କରେ । ତେଣୁ ଏହି ଭିଟାମିନର ଅଭାବ ରୋଗ ପ୍ରତିରୋଧକ ଶକ୍ତିକୁ ଦୁର୍ବଳ କରିପାରେ ।

• ମନ ଖରାପ ହେବା

ଭିଟାମିନ୍ ଡିର ଅଭାବ ମଧ୍ୟ ଖରାପ ମନୋଭାବ ସୃଷ୍ଟି କରିପାରେ । ଭିଟାମିନ୍ ଡିର ଅଭାବ ମସ୍ତିଷ୍କକୁ ପ୍ରଭାବିତ କରିଥାଏ ଏବଂ ପରେ ଡିପ୍ରେସନ୍ ସୃଷ୍ଟି କରିପାରେ । ଆପଣଙ୍କୁ ବିନା କାରଣରେ ଦୁଃଖ ଲାଗିପାରେ । କୌଣସି କାରଣ ନ ଥାଇ ମନ ଭଲ ଲାଗେ ନାହିଁ । ଏହାର କାରଣ ଭିଟାମିନ-ଡିର ଅଭାବ ହୋଇଥାଏ ।

ପଢନ୍ତୁ ଏହି ଖବର: ପାଦର ଏହି ଲକ୍ଷଣ ହୋଇପାରେ ବଡ଼ ବିପଦ ଅଣଦେଖା କରନ୍ତୁନି

ଯଦି ଆପଣ ଦୀର୍ଘ ସମୟ ଧରି ଏହି ଲକ୍ଷଣଗୁଡ଼ିକ ଅନୁଭବ କରୁଛନ୍ତି, ତେବେ ଡାକ୍ତରଙ୍କ ସହିତ ପରାମର୍ଶ କରିବାରେ ବିଳମ୍ବ କରନ୍ତୁ ନାହିଁ । ଡାକ୍ତରଙ୍କ ସହିତ ପରାମର୍ଶ କରିବା ଦ୍ଵାରା ଅବସ୍ଥା ଖରାପ ହେବାରୁ ରକ୍ଷା ପାଇପାରିବେ ।