Vitamin D Deficiency / ଶରୀରେ ଭିଟାମିନ D କମିଲେ କେଉଁ ଲକ୍ଷଣ ଦିଶେ ? ଜମାରୁ କରନ୍ତୁନି ଅଣଦେଖା

ଆମ ଶରୀର ପାଇଁ ଭିଟାମିନ୍ ଡି ସବୁଠାରୁ ଆବଶ୍ୟକୀୟ ପୁଷ୍ଟିସାର ମଧ୍ୟରୁ ଗୋଟିଏ । ଏହା ହାଡ଼, ଦାନ୍ତ ଏବଂ ମାଂସପେଶୀକୁ ମଜଭୁତ ରଖିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ । ତଥାପି ସୂର୍ଯ୍ୟକିରଣର ଅଭାବ ଏବଂ ଖରାପ ଜୀବନଶୈଳୀ ଯୋଗୁଁ ଆଜିକାଲି ଅନେକ ଲୋକଙ୍କ ପାଖରେ ଏହାର ଅଭାବ ଦେଖାଯାଉଛି । ସେପ୍ଟେମ୍ବର ୧୯ରେ ଆନେସ୍ଥେସିଓଲୋଜିଷ୍ଟ ଏବଂ ଇଣ୍ଟରଭେନସନାଲ୍ ପେନ୍ ମେଡିସିନ୍ ଡାକ୍ତର କୁନାଲ ସୁଦ ଇନଷ୍ଟାଗ୍ରାମରେ ଭିଟାମିନ୍ ଡି ଅଭାବର ୫ଟି ଲକ୍ଷଣ ସେୟାର କରିଛନ୍ତି ଯାହାକୁ ଅଣଦେଖା କରାଯିବା ଉଚିତ୍ ନୁହେଁ ।

ଶରୀରରେ ଭିଟାମିନ୍ ଡିର ଅଭାବ ଲକ୍ଷଣ

• ହାଡ଼ ଯନ୍ତ୍ରଣା: ହାଡ଼ ସ୍ୱାସ୍ଥ୍ୟ ବଜାୟ ରଖିବାରେ ଭିଟାମିନ୍ ଡି ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ । ତେଣୁ ଏହାର ଅଭାବ ହାଡ଼ ଯନ୍ତ୍ରଣା ସୃଷ୍ଟି କରିପାରେ । ଭିଟାମିନ୍ ଡିର ଗୁରୁତର ଅଭାବ ହାଡ଼ ଖଣିଜକରଣକୁ ପ୍ରଭାବିତ କରିପାରେ, ଯାହା ଫଳରେ ଅଷ୍ଟିଓମାଲାସିଆ ହୋଇପାରେ । ଏହା ବିଶେଷକରି ପିଠିର ତଳଭାଗ, ପେଲଭିସ୍, ହିପ୍ସ ଏବଂ ଗୋଡରେ ଗଭୀର ଯନ୍ତ୍ରଣା ସୃଷ୍ଟି କରିପାରେ ।

• ମାଂସପେଶୀ ଦୁର୍ବଳତା: ଭିଟାମିନ୍ ଡି ଅଭାବ ଶରୀରର ମୂଳ ଭାଗରେ ବିଶେଷକରି ଅଣ୍ଟା ଏବଂ ଜଙ୍ଘ ପାଖରେ ମାଂସପେଶୀ ଦୁର୍ବଳତା ସୃଷ୍ଟି କରିପାରେ । ଦୈନନ୍ଦିନ ଜୀବନରେ ଏହାର ଲକ୍ଷଣଗୁଡ଼ିକ ସିଡ଼ି ଚଢ଼ିବାରେ ଅସୁବିଧା ହୋଇପାରେ । ଭିଟାମିନ୍ ଡିର ପରିମାଣ ଶରୀରରେ ଠିକ୍ କରିବା ଲାଗି ମନଇଚ୍ଛା ବଜାରରେ ମିଳୁଥିବା କ୍ୟାପସୁଲ୍ ଖାଇବା ଉଚିତ ନୁହେଁ । ଏଥିଲାଗି ଡାକ୍ତରଙ୍କ ପରାମର୍ଶ ନେବା ଆବଶ୍ୟକ ।

• ଅତ୍ୟଧିକ ଥକ୍କାପଣ : ଡକ୍ଟର ସୁଦ କହିଛନ୍ତି ଯେ କମ୍ ଭିଟାମିନ୍ ଡି ସ୍ତର ଡିପ୍ରେସନର ଲକ୍ଷଣ ସହିତ ଜଡିତ, କିନ୍ତୁ ଏହା ପ୍ରମାଣ କରେ ନାହିଁ ଯେ ଅଭାବ ଡିପ୍ରେସନର କାରଣ ହୁଏ । ଅବସାଦଗ୍ରସ୍ତ ଲୋକଙ୍କ ଠାରେ ଅନେକ ସମୟରେ ଭିଟାମିନ ଡିର ଅଭାବ ଦେଖିବାକୁ ମିଳେ ।

• ସାମାନ୍ୟ ଆଘାତରୁ ହାଡ଼ ଭାଙ୍ଗିବା: ଦୀର୍ଘକାଳୀନ ଶରୀରରେ ଭିଟାମିନ ଡିର ଅଭାବ ଯୋଗୁଁ ଅଷ୍ଟିଓମାଲାସିଆ ହୁଏ, ଯାହାଦ୍ଵାରା ହାଡ଼କୁ ଦୁର୍ବଳ କରିପାରେ । ଆପଣଙ୍କୁ ସାମାନ୍ଯ ହାଡ଼ରେ ଆଘାତ ଲାଗିଲେ, ହାଡ଼ ସହଜରେ ଭାଙ୍ଗି ଯାଇପାରେ । ଏଣୁ ଶରୀରରେ ଭିଟାମିନ ଡିର ପରିମାଣ ଯଥେଷ୍ଟ ରହିବା ଆବଶ୍ୟକ । ଆପଣଙ୍କୁ ଏସବୁ ଲକ୍ଷଣ ଦେଖାଯାଉଥିଲେ ନିକଟସ୍ଥ ସ୍ଵାସ୍ଥ୍ୟକେନ୍ଦ୍ରରେ ଭିଟାମିନ ଡି ପରୀକ୍ଷା କରନ୍ତୁ । ଏହାପରେ ଡାକ୍ତରଙ୍କ ପରାମର୍ଶ ନେବା ନିହାତି ଆବଶ୍ୟକ । 

ପଢନ୍ତୁ ଏହି ଖବର:  ଆପଣ ୬ ଘଣ୍ଟାରୁ କମ ଶୋଉଛନ୍ତି କି ? ଡାକ୍ତର କହିଲେ କଣ ହୁଏ...