ଅର୍ଗସ ବ୍ୟୁରୋ : ସୋସିଆଲ ମିଡିଆରେ ଏମିତି କିଛି କିଛି ଖବର କିମ୍ବା ଭିଡିଓ ଭାଇରାଲ ହୁଏ , ଯାହାକୁ ନେଇ ଖୁବ ଚର୍ଚ୍ଚା ଲାଗିରୁହେ । ସେପରି ଏକ ଭିଡିଓ ସୋସିଆଲ ମିଡିଆରେ ଘୂରି ବୁଲୁଛି, ଯାହା ଖୁବ ଭାଇରାଲ ହେବାରେ ଲାଗିଛି । ବୋଲ୍ଲିଭିଆର ଏକ ଇଲେକ୍ଟ୍ରୋନିକ ଗଣମାଧ୍ୟମର ଜଣ ଉପସ୍ଥାପକଙ୍କ ଭିଡିଓ ଏବେ ଖୁବ ଚର୍ଚ୍ଚାରେ । ଏହି ଉପସ୍ଥାପକ ଜଣକ ଏକ ଲାଇଭ ଶୋ' କରୁଥିବା ବେଳେ ଗୋଟେ ପୋଷା କୁକୁର ତାଙ୍କ ପାଖରେ ମଳତ୍ୟାଗ କରି ଦେଇଥିଲା ।

ଅଧିକ ପଢନ୍ତୁ : କୂଅରେ ପଶିଥିଲା ବିଲେଇ, ୫ ଜଣଙ୍କର ନେଲା ଜୀବନ

ଏହି ଶୋ'ରେ ଉପସ୍ଥାପକ ଜଣକ ଗୃହହୀନ ତଥା ଏଣେତେଣେ ବୁଲୁଥିବା ଖଆଇବାକୁ ପାଉନଥିବା ଜୀବମାନଙ୍କୁ ପୋଷା କରି ପାଳିବାକୁ ବୁଝାଉଥିଲେ । ଏହି ସମୟରେ ସେଠାରେ ଥିବା ପୋଷା କୁକୁରଟି ସେଠାରେ ମଳତ୍ୟାଗ କରି ଦେଇଥିଲା । ଯାହାକୁ ନେଇ ସେଠାରେ ଉପସ୍ଥିତ ଥିବା କର୍ମଚାରୀ ତଥା ଶୋ ଲାଇଭ ଦେଖୁଥିବା ଦର୍ଶକ ମାନେ ଆଶ୍ଚର୍ଯ୍ୟ ହୋଇ ଯାଇଥିଲେ । ପାଖରେ ଥିବା ସହ-ଉପସ୍ଥାପକ ଜଣକ ପେପର ଟାୱେଲ ଦେବା ପୂର୍ବରୁ ସେ ଆଶ୍ଚର୍ଯ୍ୟ ଭାବେ ତାଙ୍କୁ ଚାହିଁ ରହିଥିଲେ । ଏହି ଭିଡିଓ ସୋସିଆଲ ମିଡିଆରେ ଏବେ ଭାଇରାଲ ହେବା ପରେ ଅନେକ ଜଣ ଏହାକୁ ନେଇ ଅନେକ ମତାମତ ଦେଇଛନ୍ତି । ଜଣେ ଲେଖିଛନ୍ତି, "ସେ କୁକୁରଟି ବୋଧହୁଏ ଅଧିକ ଖାଇଦେଇ ଥିଲା ।" ସେହିପରି ଆଉ ଜଣେ ଲେଖିଛନ୍ତି, "କୁକୁରଟି ଭାବିଲା ଏଇଟା ବୋଧହୁଏ ତା ଜାଗା, ସେଥିପାଇଁ ସେ ଏମିତି କରିଦେଲା ।"

Argus News | argus news | -Argusnews Home: Odisha Latest News, Breaking News, Trending News, Live TV and more