Argus News - କୁକୁରର ଶେଷ ପର୍ଯ୍ୟାୟ କ୍ୟାନସର୍‌କୁ ଭଲ କରିଦେଲା AIରୁ ତିଆରି ଭ୍ୟାକ୍ସିନ୍

ନୂଆଦିଲ୍ଲୀ: ଆର୍ଟିଫିସିଆଲ୍ ଇଣ୍ଟେଲିଜେନ୍ସ (AI) ବା କୃତ୍ରିମ ବୁଦ୍ଧିମତା ଫଟୋ ଏଡିଟ୍ କରିବା, ପ୍ରେଜେଣ୍ଟେସନ୍ ପାଇଁ ନୋଟ୍ ତିଆରି କରିବା ସମସ୍ତେ ଜାଣିଛେ । କ'ଣ ଆପଣ କେବେ ଭାବିଛନ୍ତି କି AI ଜରିଆରେ ଜଣେ ସାଧାରଣ ଲୋକ ନିଜେ ଭ୍ୟାକ୍ସିନ୍ ତିଆରି କରିପାରିବେ । ଆଉ ସେହି ଭ୍ୟାକ୍ସିନ୍ ନେଲେ କ୍ୟାନସର ଠିକ୍ ହୋଇଯିବ ।

ଆଜ୍ଞା ହଁ, ଆଶ୍ଚର୍ଯ୍ୟ ଲାଗୁଥିଲେ ବି ଏଭଳି ଚମତ୍କାର ହୋଇଛି । ଅଷ୍ଟ୍ରେଲିଆର ଜଣେ ବ୍ୟକ୍ତି କ୍ୟାନସର ପୀଡ଼ିତ କୁକୁରକୁ ବଞ୍ଚାଇବା ଲାଗି AIରେ ରିସର୍ଚ୍ଚ ପାଇଁ ଲମ୍ବା ଓ ଜଟିଳ ପଥା ଆପଣାଇଥିଲେ । AI ସହାୟତାରେ ରୋଗ ଅନୁସାରେ ଭ୍ୟାକ୍ସିନ୍ ପ୍ରସ୍ତୁତ କରିବା ସହ କୁକୁରକୁ ଦେଇଛନ୍ତି ।

ଏଥିସହ ପଢ଼ନ୍ତୁ: କୁକୁର କାମୁଡ଼ା ଇଞ୍ଜେକ୍ସନ୍ ନେବା ପରେ ମରିଗଲା ୨ ବର୍ଷର ଝିଅ; କାହିଁକି କାମ ଦେଲାନି ରେବିଜ୍ ଭ୍ୟାକ୍ସିନ୍ ?

ରିପୋର୍ଟ ଅନୁସାରେ, ପାଲ୍ କୋନିଂଘମ ନାମକ ଜଣେ AI କନସଲଟାଣ୍ଟଙ୍କ କୁକୁରକୁ କ୍ୟାନସର ହୋଇଥିଲା । ସିଡନୀରେ ରହୁଥିବା କୋନିଂଘମ AI ସହାୟତାରେ କୁକୁରର ଚିକିତ୍ସା ପରେ ସେ ଏବେ ଆଂଶିକ ସୁସ୍ଥ ହୋଇଛି । କୁକୁରର ବଡ଼ ଟ୍ୟୁମର ଆକାର ଛୋଟ ହୋଇ ଯାଇଛି ।

କେମିତି ତିଆରି କଲେ ଭ୍ୟାକ୍ସିନ୍ ?

କୋନିଂଘମଙ୍କ ଅନୁସାରେ, କୁକୁରର ଚିକିତ୍ସା ବାବଦରେ ବୁଝିବା ଲାଗି ସେ ଚାଟଜିପିଟି, ଜେମିନି ଓ ଗ୍ରୋକ୍ ସହ ନିୟମିତ ଚାଟ୍ କରୁଥିଲେ । ଆଉ ଏହି ଚାଟବଟ୍ ଉପଦେଶ ମାନେ ୩୦୦୦ ଜଲାର ଖର୍ଚ୍ଚ କରି କୁକୁରର ଜିନୋମ ସ୍ଵିକେନ୍ସିଂ କରିଥିଲେ ଓ AI ସହାୟତାରେ DNA ତଥ୍ୟ ବିଶ୍ଲେଷଣ କରିଥିଲେ । ଜଣାପଡ଼ିଥିଲା DNAରେ କେଉଁଠି ତ୍ରୁଟି ଅଛି ।

ଏହାପରେ ସେ ଅଲ୍ଫଫୋଲ୍ଡର ବ୍ୟବହାର କରିଥିଲେ । ଅଲ୍ଫଫୋଲ୍ଡ ହେଉଛି ଏକ ବୈଜ୍ଞାନିକ AI ମଡେଲ୍ । ଏହି ମଡେଲ୍ ୨୦୨୪ରେ ରସାୟନ ବିଜ୍ଞାନ ନୋବେଲ ପାଇଥିଲା । AIର ବ୍ୟବହାର କରି ସେ କୁକୁର ପରିବର୍ତ୍ତନ ଜିନ ନେଇ ଅଧ୍ୟୟନ କରିଥିଲେ ।

ଏହାପରେ କୋନିଂଘମ ନ୍ୟୁ ସାଉଥ୍ ୱେଲ୍ସ ୟୁନିଭରସିଟିର ସହାୟତା ନେଇଥିଲେ । ବିଶ୍ଵବିଦ୍ୟାଳୟ ସହ ସମ୍ପର୍କ ପାଇଁ ଚାଟଜିପିଟି ପରାମର୍ଶ ଦେଇଥିଲା । ଆଉ ଶେଷରେ କାନିଂଘମ ଅଷ୍ଟ୍ରେଲିଆର ଅନ୍ୟ ଶିକ୍ଷାବିତ୍‌ଙ୍କ ସହାୟତାରେ ନିଜ ଅଧ୍ୟୟନକୁ ବାସ୍ତବ ରୂପ ଦେଇଥିଲେ ।

ଏଥିସହ ପଢ଼ନ୍ତୁ: ପୋଷା କୁକୁରକୁ ମାଡ଼ ମାରିଲେ ବରଘର ଲୋକେ; ବେଦୀରେ ବାହାହେବାକୁ ମନା କଲା କନ୍ୟା

ପ୍ରଥମେ ଡାକ୍ତର ଜାଣିପାରି ନଥିଲେ କ୍ୟାନସର

କୋନିଂଘମଙ୍କ ଅନୁସାରେ, କୁକୁରକୁ କ୍ୟାନସ ହୋଇଥିବା ପ୍ରଥମେ ବର୍ଷେ ପର୍ଯ୍ୟନ୍ତ ଡାକ୍ତର ଧରିପାରି ନଥିଲେ । କୁକୁର ଦେହରେ ଲାଲ୍ ଚିହ୍ନକୁ ଡାକ୍ତର ସାଧାରଣ କହିଥିଲେ । ହେଲେ ୨୦୨୪ରେ କୁକୁରର ସ୍ଵାସ୍ଥ୍ୟ ବିଗିଡ଼ିବା ପରେ ବାୟୋପ୍ସିରୁ ଜଣା ପଡ଼ିଥିଲେ କ୍ୟାନସର ଶେଷ ପର୍ଯ୍ୟାୟରେ ପହଞ୍ଚିଛି ।

ବିକଳ୍ପ ସନ୍ଧାନ ଦେଲା ସଫଳତା

ଏହାପରେ କୁକୁରର ଚିକିତ୍ସା ଆରମ୍ଭ ହୋଇଥିବା ବେଳେ ଖର୍ଚ୍ଚ ବଢ଼ିଥିଲା । କୋନିଂଘମ ବିକଳ୍ପ ସନ୍ଧାନ ପାଇଁ AIର ସହାୟତା ନେଇଥିଲେ । ଯେଉଁଥିରେ mRNA ଭ୍ୟାକ୍ସିନ୍ ସହ ଅନ୍ୟ ଅଧ୍ୟୟନ ସାମିଲ୍ । AI ଚାଟବଟ୍ କୋନିଂଘମଙ୍କୁ ଭ୍ୟାକ୍ସିନ୍‌ର ନୈତିକ ଅନୁମତି ସହ ଜଡ଼ିତ କାଗଜ ପ୍ରକ୍ରିୟାକୁ ସରଳରେ ବୁଝାଇଥିଲା । ଆଉ ଶେଷରେ କୋନିଂଘମଙ୍କୁ ସଫଳତା ମିଳିଛି ।