Videos
|
International

Content Creation Income / ନର୍ସରୁ କଣ୍ଟେଣ୍ଟ କ୍ରିଏଟର୍, ୭ ମାସରେ ବଦଳିଗଲା ଭାଗ୍ୟ; ରୋଜଗାର ଶୁଣି ଉଡ଼ିବ ହୋସ୍

Debashree Debasmita Sahoo
Browse all articles by Debashree Debasmita Sahoo
·48 mins ago·3 min read
ନର୍ସରୁ କଣ୍ଟେଣ୍ଟ କ୍ରିଏଟର୍, ୭ ମାସରେ ବଦଳିଗଲା ଭାଗ୍ୟ; ରୋଜଗାର ଶୁଣି ଉଡ଼ିବ ହୋସ୍
US nurse content creator

Key Points

ନର୍ସ ଚାକିରି ଛାଡ଼ି ଭିଡିଓ କରିଥିଲେ
ଏବେ ରୋଜଗାର କରୁଛନ୍ତି ଲକ୍ଷ ଲକ୍ଷ ଟଙ୍କା
୭ମାସରେ ୮୨ ହଜାରରୁ ଅଧିକ ଫଲୋଅର୍ସ
ସୋସିଆଲ ମିଡିଆ ଏବେ କେବଳ ମନୋରଞ୍ଜନର ମାଧ୍ୟମ ହୋଇ ରହିନାହିଁ । ଏହା ଅନେକଙ୍କ ପାଇଁ ଆୟ ଏବଂ କ୍ୟାରିୟର ଗଢ଼ିବାର ନୂଆ ରାସ୍ତା ଖୋଲିଛି । ଏହାର ଏକ ଉଦାହରଣ ପାଲଟିଛନ୍ତି ଆମେରିକାର ଜଣେ ମହିଳା, ଯିଏ ନର୍ସ ଚାକିରି ଛାଡ଼ି ଇନଷ୍ଟାଗ୍ରାମରେ କଣ୍ଟେଣ୍ଟ କ୍ରିଏଟର ଭାବେ ଲକ୍ଷ ଲକ୍ଷ ଟଙ୍କା ଆୟ କରିଛନ୍ତି । ଯାହାଙ୍କୁ ନେଇ ଏବେ ସୋସିଆଲ ମିଡିଆରେ ବେଶ ଚର୍ଚ୍ଚା ହେଉଛି ।

  • ନର୍ସରୁ କଣ୍ଟେଣ୍ଟ କ୍ରିଏଟର
ଆମେରିକାର ଆରିଜୋନାରେ ରହୁଥିବା ସାରା ଆନ୍ ପୂର୍ବରୁ ଜଣେ ଫୁଲ୍ ଟାଇମ୍ ନର୍ସ ଥିଲେ । ଜଣେ ସିଙ୍ଗଲ୍ ମା’ ଭାବେ ନିଜ ଦୈନନ୍ଦିନ ଜୀବନ, ଚାକିରି ଏବଂ ପିଲାଙ୍କ ସହ ଜଡ଼ିତ ଅନୁଭୂତିକୁ ସେ ଇନଷ୍ଟାଗ୍ରାମରେ ସେୟାର କରିବା ଆରମ୍ଭ କରିଥିଲେ । ପ୍ରାୟ ଦେଢ଼ ବର୍ଷ ପୂର୍ବେ ଆରମ୍ଭ ହୋଇଥିବା ଏହି ଯାତ୍ରାର ପ୍ରଥମେ ସେତେଟା ସଫଳତା ମିଳିବ ବୋଲି ସାରା ଭାବିନଥିଲେ ନିଜ ଜୀବନର କାହାଣୀକୁ ଲୋକେ ଦେଖିବେ କି ନାହିଁ, ସେ ନେଇ ମଧ୍ୟ ତାଙ୍କ ମନରେ ସନ୍ଦେହ ଥିଲା । କିନ୍ତୁ ନିୟମିତ ଭିଡିଓ ପୋଷ୍ଟ କରିବା ସହ ଧୀରେ ଧୀରେ ତାଙ୍କ ଫଲୋଅର୍ସ ବଢ଼ିବାକୁ ଲାଗିଲେ ।

  • ୭ ମାସରେ ୧.୭୫ କୋଟିର ବ୍ରାଣ୍ଡ ଡିଲ୍
ସାରା ଆନ୍ ଇନଷ୍ଟାଗ୍ରାମରେ ସେୟାର କରିଥିବା ତଥ୍ୟ ଅନୁସାରେ, ମେ’ରୁ ନଭେମ୍ବର ମଧ୍ୟରେ ସେ ପ୍ରାୟ ୧ ଲକ୍ଷ ୮୭ ହଜାର ୭୮୫ ଡଲାରର ବ୍ରାଣ୍ଡ ଡିଲ୍ ହାସଲ କରିଥିଲେ । ଭାରତୀୟ ମୁଦ୍ରାରେ ଏହା ପ୍ରାୟ ୧.୭୫ କୋଟି ଟଙ୍କା । ତେବେ ଏହି ପୂରା ରାଶି ତାଙ୍କ ହାତକୁ ଆସିନାହିଁ । ବ୍ରାଣ୍ଡ ଡିଲ୍ ହାସଲ କରିବାରେ ସହାୟତା କରୁଥିବା ଏକ ଏଜେନ୍ସି ତାଙ୍କ ଆୟରୁ କମିଶନ ନେଇଥାଏ । ଏହା ସହ ଟିକସ ପାଇଁ ମଧ୍ୟ ସେ ଆୟର ୨୫ରୁ ୩୫ ପ୍ରତିଶତ ଅର୍ଥ ଅଲଗା ରଖନ୍ତି । ସମସ୍ତ କାଟଛାଟ ପରେ ତାଙ୍କ ପାଖରେ ପ୍ରାୟ ୮୮ ହଜାର ୭୧ ଡଲାର ଅର୍ଥାତ୍ ପ୍ରାୟ ୮୨ ଲକ୍ଷ ଟଙ୍କା ରହିଥିବା ସେ ଦାବି କରିଛନ୍ତି ।

  • କେବଳ ବ୍ରାଣ୍ଡ ଡିଲ୍‌ରୁ ଆୟ
ସାରାଙ୍କ କହିବା ଅନୁସାରେ, ଏହି ଆୟ କେବଳ ବ୍ରାଣ୍ଡ ସହ ହୋଇଥିବା ଚୁକ୍ତିରୁ ଆସିଛି । ଏଥିରେ ଭିଡିଓ ଭ୍ୟୁ, ଡିଜିଟାଲ ପ୍ରଡକ୍ଟ ବିକ୍ରି କିମ୍ବା ଆଫିଲିଏଟ୍ ଲିଙ୍କ୍ ମାଧ୍ୟମରେ ହେଉଥିବା ରୋଜଗାର ସାମିଲ ନାହିଁ । ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ୮୨ ହଜାରରୁ ଅଧିକ ଫଲୋଅର୍ସ ଅଛନ୍ତି । ବ୍ରାଣ୍ଡଗୁଡ଼ିକ ସହ ଲଗାତାର କାମ କରିବାର ସୁଯୋଗ ମିଳିବା ପରେ ସେ ନର୍ସ ଚାକିରି ଛାଡ଼ି କଣ୍ଟେଣ୍ଟ କ୍ରିଏସନ୍‌କୁ ପୂର୍ଣ୍ଣକାଳୀନ କ୍ୟାରିୟର କରିବାକୁ ନିଷ୍ପତ୍ତି ନେଇଥିଲେ ।

Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
  • ଅନ୍ୟମାନଙ୍କୁ ମଧ୍ୟ ଦେଲେ ପରାମର୍ଶ
ସାରାଙ୍କ କହିବା ଅନୁସାରେ, ଯେଉଁମାନେ କଣ୍ଟେଣ୍ଟ କ୍ରିଏଟର ହେବାକୁ ଚାହୁଁଛନ୍ତି କିନ୍ତୁ ଲୋକେ ସେମାନଙ୍କ ଭିଡିଓ ଦେଖିବେ କି ନାହିଁ ବୋଲି ଭୟ କରୁଛନ୍ତି, ସେମାନେ ଆରମ୍ଭ କରିବାକୁ ଭୟ କରିବା ଉଚିତ ନୁହେଁ । ସେ ନିଜେ ମଧ୍ୟ ଆରମ୍ଭରେ ନିଜ ଦକ୍ଷତା ଉପରେ ବିଶ୍ୱାସ କରିପାରିନଥିଲେ । କିନ୍ତୁ ନିରନ୍ତର ପ୍ରୟାସ, ଦର୍ଶକଙ୍କ ସମର୍ଥନ ଏବଂ ନିଜ ଜୀବନର କାହାଣୀକୁ ସତ୍ୟତାର ସହ ଉପସ୍ଥାପନ କରିବା ତାଙ୍କ ପାଇଁ ସଫଳତାର ରାସ୍ତା ଖୋଲିଥିଲା ।

ପଢନ୍ତୁ ଏହି ଖବର: ଚାକିରି ସହ ସାଇଡ୍ ବିଜନେସ୍‌ରୁ ରୋଜଗାର, ୧୦୦ ବ୍ରାଣ୍ଡକୁ ଇମେଲ୍ କରି ମିଳିଲା ସଫଳତା

  • କଣ୍ଟେଣ୍ଟ କ୍ରିଏସନ୍ କ’ଣ ସମସ୍ତଙ୍କ ପାଇଁ ସଫଳ କ୍ୟାରିୟର?
ସାରା ଆନ୍‌ଙ୍କ କାହାଣୀ ସୋସିଆଲ ମିଡିଆରେ କଣ୍ଟେଣ୍ଟ କ୍ରିଏସନ୍‌ର ସମ୍ଭାବନାକୁ ଦର୍ଶାଉଛି । କିନ୍ତୁ ଏହା ଏକ ନିଶ୍ଚିତ ଆୟର ମାଧ୍ୟମ ନୁହେଁ । ସଫଳତା ପାଇଁ ନିୟମିତ ଓ ଆକର୍ଷଣୀୟ କଣ୍ଟେଣ୍ଟ, ଦର୍ଶକଙ୍କ ରୁଚିକୁ ବୁଝିବା, ଫଲୋଅର୍ସଙ୍କ ବିଶ୍ୱାସ ଜିତିବା ଏବଂ ବ୍ରାଣ୍ଡ ସହ ଉପଯୁକ୍ତ ଭାବେ କାମ କରିବା ଜରୁରୀ । ତେଣୁ, ଅନ୍ୟ କାହାର ସଫଳତା ଦେଖି ତୁରନ୍ତ ଚାକିରି ଛାଡ଼ିବା ଅପେକ୍ଷା, ନିଜର ବର୍ତ୍ତମାନର କାମ ସହ କଣ୍ଟେଣ୍ଟ କ୍ରିଏସନ୍ ଆରମ୍ଭ କରିବା ଅଧିକ ସୁରକ୍ଷିତ । ନିୟମିତ ଆୟ ଆସିବା ଆରମ୍ଭ ହେଲେ ଏହାକୁ ପୂର୍ଣ୍ଣକାଳୀନ କ୍ୟାରିୟର କରିବା ନେଇ ଚିନ୍ତା କରାଯାଇପାରେ ।