ନୂଆଦିଲ୍ଲୀ: ଦିନେ ଦେଶ ତାଙ୍କ ପାଇଁ ଗର୍ବରେ ଛାତି ଫୁଲାଉଥିଲା । ତାଙ୍କ ସୁରକ୍ଷାରେ ରହୁଥିଲା ପୋଲିସ ବଳୟ । କିନ୍ତୁ ଏବେ ତାଙ୍କ କାମ ପାଇଁ ସେହି ପୋଲିସ ପିନ୍ଧାଇବାକୁ ଯାଉଛି ହାତକଡ଼ି । ତୈଳ ମନ୍ତ୍ରୀ ଥିବାବେଳେ ସେ କରିଥିବା ତୈଳ ଦୁର୍ନୀତି ପାଇଁ ଗିରଫ ହେବାକୁ ଯାଉଛନ୍ତି ।

୧୯୯୬ରେ ବିଶ୍ଵକପ୍ ବିଜୟୀ ଶ୍ରୀଲଙ୍କା ଦଳର ଅଧିନାୟକ ଅର୍ଜୁନ ରଣତୁଙ୍ଗା ଗିରଫ ହେବେ । ପେଟ୍ରୋଲିୟମ୍ ମନ୍ତ୍ରୀ ଥିବା ବେଳେ ହୋଇଥିବା ଦୁର୍ନୀତି ମାମଲାରେ ରଣତୁଙ୍ଗାଙ୍କୁ ଗିରଫ କରିବ ଶ୍ରୀଲଙ୍କା । ସୋମବାର ଶ୍ରୀଲଙ୍କାର ଏକ କୋର୍ଟ ଅର୍ଜୁନ ରଣତୁଙ୍ଗା ଏବଂ ତାଙ୍କ ଭାଇଙ୍କ ନାଁରେ ତୈଳ ଦୁର୍ନୀତି ମାମଲାରେ ଦୁର୍ନୀତି ଧାରା ଲଗା ଯାଇଛି ।

ଏଥିସହ ପଢ଼ନ୍ତୁ: IPL 2026 ନିଲାମର ଠିକ୍ ପୂର୍ବରୁ BCCI ଯୋଡ଼ିଲା ୧୯ ନାଁ; ତାଲିକାରେ ୨ ଓଡ଼ିଆ ଖେଳାଳି

ଅଭିଯୋଗ ଅନୁସାରେ, ରଣତୁଙ୍ଗା ଓ ତାଙ୍କ ଭାଇ ଦୀର୍ଘକାଳୀନ ତୈଳ ଆମଦାନୀ କଣ୍ଟ୍ରାକ୍ଟର ପ୍ରକ୍ରିୟାକୁ ବଦଳାଇ ଦେଇଥିଲେ । ଯେଉଁଥିପାଇଁ ଅଧିକ ଟଙ୍କା ଖର୍ଚ୍ଚ ହୋଇଥିଲା । ୨୭ଟି କ୍ରୟରେ ଶ୍ରୀଲଙ୍କା ପ୍ରାୟ ୮୦୦ ମିଳିୟନ୍ ଶ୍ରୀଲଙ୍କାନ ଟଙ୍କା ହରାଇଥିଲା । ୨୦୧୭ରେ ଏହି ତୈଳ କ୍ରୟ ହୋଇଥିଲା ।

ଏହାପରେ ତୈଳ ଦୁର୍ନୀତିରେ ଲାଞ୍ଚ କାରବାର ନେଇ ତଦନ୍ତ କରିଛନ୍ତି କମିଶନ । ଏବେ ଅର୍ଜୁରନ ରଣତୁଙ୍ଗା ବିଦେଶରେ ଅଛନ୍ତି । ସେ ଫେରିଲେ ଶ୍ରୀଲଙ୍କା ତାଙ୍କୁ ଗିରଫ କରିପାରେ । ଏନେଇ କଲମ୍ବୋ କୋର୍ଟରେ ସୂଚନା ଦେଇଛନ୍ତି କମିଶନ ।

ଏହି ମାମଲାରେ ଶ୍ରୀଲଙ୍କା ପୋଲିସ ରଣତୁଙ୍ଗାଙ୍କ ଫାଇ ଧାମ୍ମିକା ରଣତୁଙ୍ଗାକୁ ଗିରଫ ସୋମବାର ଗିରଫ କରିଥିଲା । ଗିରଫ ପରେ କୋର୍ଟ ତାଙ୍କୁ ଜାମିନ ପ୍ରଦାନ କରିଛନ୍ତି । ଶ୍ରୀଲଙ୍କାର କେୟଲନ୍ ପେଟ୍ରୋଲିୟମ୍ କର୍ପୋରେସନ୍‌ର ଅଧ୍ୟକ୍ଷ ହେଉଛନ୍ତି ଧାମ୍ମିକା ରଣତୁଙ୍ଗା ।

ଧାମ୍ମିକାଙ୍କ ପାଖରେ ଶ୍ରୀଲଙ୍କା ସହ ଆମେରିକାର ନାଗରିକତା ରହିଛି । ଏବେ ଧାମ୍ମିକାଙ୍କୁ ବେଲ୍ ମିଳିଥିବା ବେଳେ ସେ ବିଦେଶ ଯାଇ ପାରିବେ ନାହିଁ । ତାଙ୍କ ବିଦେଶ ଗସ୍ତ ଉପରେ କୋର୍ଟ ପ୍ରତିବନ୍ଧକ ଲଗାଇଛନ୍ତି । ଏହି ମାମଲାର ପରବର୍ତ୍ତୀ ଶୁଣାଣି ୨୦୨୬ ମାର୍ଚ୍ଚ ୧୩ ତାରିଖରେ ହେବ ।

ଏଥିସହ ପଢ଼ନ୍ତୁ: ୧୧ ଦିନ ତଳେ ହୋଇଥିଲା ବିବାହ; ଖେଳ ବେଳେ ସେଲ୍ଫି ପାଇଁ କହି ଗୁଳି ମାରିଦେଲେ

୬୨ ବର୍ଷୀୟ ଅର୍ଜୁନ ରଣତୁଙ୍ଗା ୧୯୯୬ରେ ଶ୍ରୀଲଙ୍କା ଦଳର ଅଧିନାୟକ ଥିଲେ । ଏହି ବାମହାତୀ ବ୍ୟାଟ୍ସମ୍ୟାନଙ୍କ ନେତୃତ୍ଵରେ ଶ୍ରୀଲଙ୍କା, ଅଷ୍ଟ୍ରେଲିଆକୁ ହରାଇ ବିଶ୍ଵକପ୍ ହାତେଇଥିଲା । ଦେଶ ପାଇଁ ଗୌରବ ଆଣିଥିଲେ ଅର୍ଜୁନ ରଣତୁଙ୍ଗା

ଗତବର୍ଷ ଅନୁରା କୁମାରା ଦିସାନାୟକେ ଶ୍ରୀଲଙ୍କାର ରାଷ୍ଟ୍ରପତି ହେବା ପରେ ଦୁର୍ନୀତିର ମୂଳୋତ୍ପାଟନ ପାଇଁ ପ୍ରୟାସ ଆରମ୍ଭ କରିଥିଲେ । ପୂର୍ବତନ ପେଟ୍ରୋଲିୟମ୍ ମନ୍ତ୍ରୀ ରଣତୁଙ୍ଗାଙ୍କ ଅନ୍ୟ ଜଣ ଭାଇ ମଧ୍ୟ ଗତମାସରେ ବୀମା ଦୁର୍ନୀତି ମାମଲାରେ ଗିରଫ ହୋଇଥିଲେ ।