World Richest Persons / ଖସିଲା ଏଲନ ମସ୍କଙ୍କ ସମ୍ପତ୍ତି; ଜେଫ୍ ବେଜୋସ୍ ହେଲେ ବିଶ୍ଵର ଦ୍ଵିତୀୟ ଧନୀ ବ୍ୟକ୍ତି

ବିଶ୍ୱର ସବୁଠାରୁ ଧନୀ ବ୍ୟକ୍ତିଙ୍କ ଦୌଡ଼ରେ ପୁଣି ଥରେ ଏକ ବଡ଼ ବିପର୍ଯ୍ୟୟ ଦେଖାଦେଇଛି । ବ୍ଲୁମବର୍ଗ ବିଲିୟନେୟର୍ସ ଇଣ୍ଡେକ୍ସର ଏକ ରିପୋର୍ଟ ସମଗ୍ର ବିଶ୍ୱକୁ ଚକିତ କରିଛି । ଟେସଲା ଏବଂ ସ୍ପେସଏକ୍ସ ମାଲିକ ଏଲନ ମସ୍କଙ୍କ ସମ୍ପତ୍ତି ୧ ଟ୍ରିଲିୟନ ଡଲାର ତଳକୁ ଖସିଯାଇଛି । ତଥାପି ସେ ବିଶ୍ୱର ସବୁଠାରୁ ଧନୀ ବ୍ୟକ୍ତି ତାଲିକାରେ ଶୀର୍ଷରେ ଅଛନ୍ତି । ସେପଟେ ଆମାଜନର ପ୍ରତିଷ୍ଠାତା ଜେଫ୍ ବେଜୋସ୍ ଏକ ବଡ଼ ଲମ୍ଫ ମାରି ବିଶ୍ୱର ଦ୍ୱିତୀୟ ଧନୀ ବ୍ୟକ୍ତି ହୋଇଛନ୍ତି।

• ଟ୍ରିଲିୟନିୟର ଟ୍ୟାଗ୍ ହରାଇଲେ ମସ୍କ

ଟେସଲା ଏବଂ ସ୍ପେସଏକ୍ସ ମାଲିକ ଏଲନ ମସ୍କଙ୍କ ନେଟ ସମ୍ପତ୍ତି ୧.୦୫ ଟ୍ରିଲିୟନ ଡଲାରରୁ ହ୍ରାସ ପାଇ ୯୮୭ ବିଲିୟନ ଡଲାର ହୋଇଛି । ଏବେ ତାଙ୍କର ନେଟ ସମ୍ପତ୍ତି ୧ ଟ୍ରିଲିୟନ ଡଲାର ତଳକୁ ଖସିଯାଇଥିଲେ ସୁଦ୍ଧା ତାଙ୍କର ପ୍ରାଧାନ୍ୟ ଅକ୍ଷୁର୍ଣ୍ଣ ରହିଛି । ସେ ଏବେ ବି ବିଶ୍ଵର ସବୁଠାରୁ ଧନୀ ବ୍ୟକ୍ତି ଭାବେ ନିଜର ରେକର୍ଡ ଜାରି ରଖିଛନ୍ତି ।

• ଏହି ଦେଶର GDPଠାରୁ ଅଧିକ ମସ୍କଙ୍କ ସମ୍ପତ୍ତି

ଯଦି ଏଲନ ମସ୍କ କେତେ ଧନୀ ତାହା ଆମେ ଜାଣିବାକୁ ଚେଷ୍ଟା କରିବା, ତେବେ ଏହି ସଂଖ୍ୟା ସାଧାରଣ ବ୍ୟକ୍ତିଙ୍କୁ ଆଶ୍ଚର୍ଯ୍ୟ କରିବ । କାରଣ ମସ୍କଙ୍କ ସମ୍ପତ୍ତି କିଛି ଦେଶଗୁଡ଼ିକର ମୋଟ ଅର୍ଥନୀତିଠାରୁ ମଧ୍ୟ ଅଧିକ । ଅନ୍ତର୍ଜାତୀୟ ମୁଦ୍ରା ପାଣ୍ଠି (IMF)ର ତଥ୍ୟ ଅନୁଯାୟୀ, ଏଲନ ମସ୍କଙ୍କ ସମ୍ପତ୍ତି ତାଇୱାନ (ଜିଡିପି: $୯୭୬.୭୨ ବିଲିୟନ), ଆୟରଲ୍ୟାଣ୍ଡ ($୭୭୯.୩୮ ବିଲିୟନ), ବେଲଜିୟମ ($୭୭୬.୭୩ ବିଲିୟନ), ସ୍ୱିଡେନ, ଇସ୍ରାଏଲ, ଆର୍ଜେଣ୍ଟିନା, ସିଙ୍ଗାପୁର, ଅଷ୍ଟ୍ରିଆ ଏବଂ UAE ଭଳି ଡଜନ ଡଜନ ଦେଶର ମୋଟ ଅର୍ଥନୀତି (GDP)ଠାରୁ ଅଧିକ ।

• ଧନୀ ତାଲିକାରେ ବଡ଼ ଲମ୍ଫ ମାରିଲେ ଜେଫ୍ ବେଜୋସ୍

ଏରୋସ୍ପେସ୍ କମ୍ପାନୀ ବ୍ଲୁ ଅରିଜିନ୍ ଯୋଗୁଁ ଆମାଜନର ପ୍ରତିଷ୍ଠାତା ଜେଫ୍ ବେଜୋସଙ୍କ ସମ୍ପତ୍ତିରେ ଏହି ଅଦ୍ଭୁତ ବୃଦ୍ଧି ହୋଇଛି । ବେଜୋସଙ୍କ ମୋଟ ସମ୍ପତ୍ତି ବର୍ତ୍ତମାନ $୩୬୫ ବିଲିୟନରେ ପହଞ୍ଚିଛି । ଏହା ସହିତ ସେ ଆଲଫାବେଟ୍ (ଗୁଗଲ୍)ର ସହପ୍ରତିଷ୍ଠାତା ଲାରି ପେଜଙ୍କୁ ପଛରେ ପକାଇ ଦ୍ୱିତୀୟ ସ୍ଥାନ ଅଧିକାର କରିଛନ୍ତି । ଜେଫ୍ ବେଜୋସ୍‌ଙ୍କ ପାଖରେ ବ୍ଲୁ ଅରିଜିନ୍‌ର ପ୍ରାୟ ୯୩% ଅଂଶଧନ ଅଛି ।

• ଜେଫ୍ ବେଜୋସ୍‌ଙ୍କ ପାଖରେ କେତେ ସମ୍ପତ୍ତି ?

ନୂତନ ମୂଲ୍ୟାଙ୍କନରେ ତାଙ୍କ ସମ୍ପତ୍ତି ୮୦ ବିଲିୟନ ଡଲାର (ପ୍ରାୟ ୭.୭୪ ଲକ୍ଷ କୋଟି ଟଙ୍କା) ବୃଦ୍ଧି ପାଇଛି । ୬ ଅକ୍ଟୋବର ୨୦୨୬ ସୁଦ୍ଧା, ଜେଫ୍ ବେଜୋସ୍‌ଙ୍କ ସମ୍ପତ୍ତି ୩୭୧.୫ ବିଲିୟନ ଡଲାର (ପ୍ରାୟ ₹୩୫,୮୯୪ କୋଟି) ଏବଂ ସେ ବିଶ୍ୱର ଦ୍ୱିତୀୟ ସବୁଠାରୁ ଧନୀ ବ୍ୟକ୍ତି । ବ୍ଲୁ ଅରିଜିନ ପ୍ରତି ନିବେଶକଙ୍କ ବଢ଼ୁଥିବା ଆଗ୍ରହ ଜେଫ୍ ବେଜୋସଙ୍କ ସମ୍ପତ୍ତିକୁ ନୂତନ ଉଚ୍ଚତାରେ ପହଞ୍ଚାଇଛି । ବିଶ୍ୱର ଶ୍ରେଷ୍ଠ ଆରବପତିଙ୍କ ମଧ୍ୟରେ ଏହି ଲଢ଼େଇ ଦର୍ଶାଉଛି ଯେ ବର୍ତ୍ତମାନ, ପ୍ରଯୁକ୍ତିବିଦ୍ୟା ଏବଂ ଇ-କମର୍ସଠାରୁ ଆଗକୁ ଯାଇ ମହାକାଶ କ୍ଷେତ୍ର ବିଶ୍ୱର ସବୁଠାରୁ ବଡ଼ ସମ୍ପତ୍ତି ସୃଷ୍ଟିକାରୀ ପାଲଟିଛି ।

ପଢନ୍ତୁ ଏହି ଖବର: ଭାରତୀୟ ବଂଶୋଦ୍ଭବ ନାଭାନେଥମ୍ 'ନାଭି' ପିଲ୍ଲେଙ୍କୁ ୨୦୨୬ ନୋବେଲ ଶାନ୍ତି ପୁରସ୍କାର

ସୂଚନା ଥାଉ କି, ବିଶ୍ଵର ସବୁଠୁ ଧନୀ ତାଲିକାର ତୃତୀୟରେ ବିଶ୍ୱର ସର୍ବବୃହତ ସର୍ଚ୍ଚ ଇଞ୍ଜିନ ଗୁଗଲ (Google)ର ସହପ୍ରତିଷ୍ଠାତା ଲାରି ପେଜ୍ ଅଛନ୍ତି । ତାଙ୍କ ନିକଟରେ ମୋଟ $298 ବିଲିଅନ ବା ₹୨୮,୭୯୬ କୋଟି ଟଙ୍କାର ସମ୍ପତ୍ତି ଅଛି । ସେହିପରି $୨୭୭ ବିଲିଅନ (₹୨୬.୭୭ ଲକ୍ଷ କୋଟି) ସମ୍ପତ୍ତି ସହ ଚତୁର୍ଥ ସ୍ଥାନରେ ଅଛନ୍ତି ଆଲଫାବେଟ୍‌ର ସହପ୍ରତିଷ୍ଠାତା ସର୍ଜି ବ୍ରିନ୍ ଅଛନ୍ତି । $୨୬୫ ବିଲିଅନ (ପ୍ରାୟ ₹୨୫.୬୦ ଲକ୍ଷ କୋଟି) ସମ୍ପତ୍ତି ସହ ପଞ୍ଚମ ସ୍ଥାନରେ ଅଛନ୍ତି ଡେଲ୍ ଟେକ୍ନୋଲୋଜିର ସିଇଓ ତଥା ସହପ୍ରତିଷ୍ଠାତା ମାଇକେଲ୍ ଡେଲ୍ ।