Sheikh Hasina Audio Message / ନିର୍ବାସନର ୨ ବର୍ଷ ପରେ ଶେଖ ହସିନାଙ୍କ ପ୍ରଥମ ସମ୍ବୋଧନ; ଭାଷଣ ଦେବା ସମୟରେ ହୋଇପଡିଲେ ଭାବବିହ୍ୱଳ

Sheikh Hasina Virtual Speech: ନିର୍ବାସନର ପ୍ରାୟ ୨ ବର୍ଷ ପରେ ପ୍ରଥମ ପାଇଁ ଦେଶବାସୀଙ୍କୁ ସମ୍ବୋଧିତ କରିଛନ୍ତି ପୂର୍ବତନ ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନା। ନୂଆଦିଲ୍ଲୀ ସ୍ଥିତ ବିଦେଶୀ ସମ୍ବାଦଦାତା କ୍ଲବ୍ରୁ ସେ ତାଙ୍କର ପ୍ରଥମ ଲାଇଭ୍ ଭାଷଣ ଦେଇଛନ୍ତି। ତାଙ୍କର ଏହି ସମ୍ବୋଧନ ଭର୍ଚୁଆଲ୍ ରହିଥିଲା। ଶେଖ ହସିନା ତାଙ୍କ ଭାଷଣ ଆରମ୍ଭ କରିବା ମାତ୍ରେ ଭାବ ବିହ୍ୱଳ ହୋଇ ଉଠିଥିଲେ। ବହୁତ କଷ୍ଟରେ ସେ କହିଥିଲେ, "ଆଜି ମୁଁ କେବଳ ଜଣେ ପୂର୍ବତନ ପ୍ରଧାନମନ୍ତ୍ରୀ ଭାବରେ ନୁହେଁ, ବରଂ ଦେଶର ପିତା ବଙ୍ଗବନ୍ଧୁ ଶେଖ ମୁଜିବୁର ରହମାନଙ୍କ ଝିଅ ଭାବରେ ମଧ୍ୟ କହୁଛି।" ହସିନା ତାଙ୍କ ପରିବାର ସଦସ୍ୟଙ୍କୁ ମନେ ପକାଇ ଭାବପ୍ରବଣ ହୋଇପଡ଼ିଥିଲେ। ଯେଉଁଙ୍କ ମଧ୍ୟରୁ ଅଧିକାଂଶଙ୍କୁ ୧୯୭୫ ମସିହାରେ ରାଜଧାନୀ ଢାକାରେ ଶେଖ ମୁଜିବୁର ରହମାନଙ୍କ ସହିତ ହତ୍ୟା କରାଯାଇଥିଲା। ସେ କହିଥିଲେ ଯେ ଏହା ଏକ ଶାନ୍ତିପୂର୍ଣ୍ଣ ଆନ୍ଦୋଳନ ନୁହେଁ।

ଶେଖ୍ ହସିନା କହିଛନ୍ତି, "ବିଗତ ୨ ବର୍ଷ ଧରି, ମୁଁ ମୋର ପ୍ରିୟ ବାଂଲାଦେଶକୁ ସଂଘର୍ଷ କରୁଥିବାର ଦେଖୁଛି। ଏହା ଆମେ ସୃଷ୍ଟି କରିଥିବା ବାଂଲାଦେଶ ନୁହେଁ, ଏହା ସେହି ବାଂଲାଦେଶ ନୁହେଁ ଯାହା ପାଇଁ ୧୯୭୧ ମସିହାରେ ୩୦ ଲକ୍ଷ ଲୋକ ପ୍ରାଣବଳି ଦେଇଥିଲେ। ମୁଁ ଗତ ୨୦୨୪ ଜୁଲାଇ-ଅଗଷ୍ଟ ମାସରେ ଘଟିଥିବା ଘଟଣାର ସତ୍ୟତାରୁ ଆରମ୍ଭ କରିବାକୁ ଚାହୁଁଛି। ଏହା ଏକ ଶାନ୍ତିପୂର୍ଣ୍ଣ ଛାତ୍ର ଆନ୍ଦୋଳନ ନଥିଲା। ଆରମ୍ଭରୁ, ମୋ ସରକାର ଆଲୋଚନା, ଆଇନଗତ ପ୍ରକ୍ରିୟା ଏବଂ ଧର୍ଯ୍ୟ ମାଧ୍ୟମ ସହାୟତାରେ ଏହି ସମସ୍ୟାର ଶାନ୍ତିପୂର୍ଣ୍ଣ ସମାଧାନ କରିବାକୁ ଚେଷ୍ଟା କରିଥିଲା। ହେଲେ ସଂସ୍କାରର ଆଳ ଦେଖାଇ କିଛି ସଙ୍ଗଠିତ ଗୋଷ୍ଠୀ ଛାତ୍ରଙ୍କ ଦାବିକୁ ଏକ ହିଂସାତ୍ମକ ରାଜନୈତିକ ଅସ୍ତ୍ରରେ ପରିଣତ କରିବାକୁ ଚେଷ୍ଟା କରୁଥିଲେ।"

"ମୁଁ କେବେ ହେଲେ ମୋ ନିଜ ଲୋକଙ୍କ ଠାରୁ ଅଲଗା ହୋଇନାହିଁ"
ଶେଖ୍ ହସିନା କହିଛନ୍ତି, "ମୁଁ ମୋ ଦେଶ ଠାରୁ ବହୁ ଦୂରରେ ରହିଛି। ହେଲେ ମୁଁ କେବେବି ମୋ ଲୋକଙ୍କ ଠାରୁ ଅଲଗା ହୋଇନାହିଁ। ମୁଁ ଏବଂ ମୋ ପରିବାର ବାଂଲାଦେଶ ପାଇଁ ଲଢ଼ିଥିଲୁ। ଏହା ସେହି ବାଂଲାଦେଶ ନୁହେଁ ଯାହା ପାଇଁ ୩୦ ଲକ୍ଷ ଲୋକ ପ୍ରାଣବଳି ଦେଇଥିଲେ। ଆସନ୍ତୁ ୨୦୨୪ ଜୁଲାଇରେ ଘଟିଥିବା ଘଟଣାର ସତ୍ୟାସତ୍ୟ ସାମ୍ନାକୁ ଆଣିବା। ଏହା ସ୍ପଷ୍ଟ ଯେ ଏହା କେବଳ ଏକ ମିଥ୍ୟା ପ୍ରଚାର ଥିଲା।"

ଏହା ସହ ପଢନ୍ତୁ: 'ବର୍ତ୍ତମାନର ଭାରତ ସରକାର ବାକ୍ ସ୍ୱାଧିନତାରେ ବିଶ୍ୱାସ କରେ'

ଛାତ୍ର ଆନ୍ଦୋଳନ ନାମରେ କ୍ଷମତା ପରିବର୍ତ୍ତନ ପାଇଁ ଏହା ଏକ ସୁଚିନ୍ତିତ ଷଡ଼ଯନ୍ତ୍ର
୨୦୨୪ ଜୁଲାଇରେ ହୋଇଥିବା ଛାତ୍ର ଆନ୍ଦୋଳନ ଉପରେ ପ୍ରତିକ୍ରିୟା ରଖିଛନ୍ତି ଶେଖ ହସିନା। ଏନେଇ ସେ ଅଭିଯୋଗ କରିଛନ୍ତି ଯେ ତାଙ୍କ ସରକାରକୁ ଗାଦିଚ୍ୟୁତ କରିବାା ପାଇଁ ହୋଇଥିବା ଛାତ୍ର ଆନ୍ଦୋଳନ, ଏକ ସୁଚିନ୍ତିତ ଷଡ଼ଯନ୍ତ୍ର ଥିଲା। ତାଙ୍କ ଅଡିଓ ଭାଷଣରେ, ହସିନା କହିଥିଲେ ଯେ ୨୦୨୪ ଜୁଲାଇ-ଅଗଷ୍ଟ ଆନ୍ଦୋଳନ କେବେ ହେଲେ ଏକ ପ୍ରକୃତ ଛାତ୍ର ଆନ୍ଦୋଳନ ନଥିଲା। ବରଂ, ସେ ଅଭିଯୋଗ କରିଛନ୍ତି ଯେ ଏହା ଏକ "ସତର୍କିତ ଯୋଜନାବଦ୍ଧ" ଅଭିଯାନ ଥିଲା। ଯାହାର ଉଦ୍ଦେଶ୍ୟ ତାଙ୍କ ସରକାରକୁ ହଟାଇ ଗଣତାନ୍ତ୍ରିକ ପ୍ରକ୍ରିୟାକୁ ଏଡାଇ ଦେଇ ଏକ ନୂତନ ସରକାର ସ୍ଥାପନ କରିବା। ଏଥିପାଇଁ ପ୍ରକୃତ ଛାତ୍ରଙ୍କୁ ବ୍ୟବହାର କରାଯିବା ସହ ଭ୍ରମିତ କରାଯାଇଥିଲା। ହେଲେ ଏହା ନିହିତ ସ୍ୱାର୍ଥ ଥିବା ଗୋଷ୍ଠୀ ଦ୍ୱାରା କରାଯାଇଥିଲା। ପ୍ରସଙ୍ଗ କେବେ ହେଲେ କୋଟା ବିଷୟରେ ନଥିଲା। ବରଂ ଲୋକଙ୍କୁ ସରକାର ବଦଳାଇବା ପାଇଁ ପ୍ରୋତ୍ସାହିତ କରିବାକୁ ଏହା ଏକ ଯୋଜନା ଥିଲା।

#LISTEN | In a virtual interaction with the media in Delhi, former Bangladesh PM Sheikh Hasina says, "For the last two years, I watched my beloved Bangladesh suffer...This is not the Bangladesh we built, this is not the Bangladesh for which 3 million people sacrificed their lives… pic.twitter.com/E3JnV5eYgw

— ANI (@ANI) August 5, 2026

ମହମ୍ମଦ ୟୁନୁସଙ୍କ ନିଜସ୍ୱ କଥା ସତ୍ୟକୁ ସାମ୍ନାକୁ ଆଣିଥିଲା ମହମ୍ମଦ ୟୁନୁସଙ୍କ ନିଜସ୍ୱ କଥା ସତ୍ୟକୁ ସାମ୍ନାକୁ ଆଣିଥିଲା। ସେ ସ୍ୱୀକାର କରିଥିଲେ ଯେ ଏହା ଏକ ସୁଚିନ୍ତିତ ଷଡ଼ଯନ୍ତ୍ର ଅଭିଯାନ ଥିଲା। ଆନ୍ଦୋଳନର ଉଦ୍ଦେଶ୍ୟ ଥିଲା ଭୋଟ ବାକ୍ସ ମାଧ୍ୟମରେ ନିର୍ବାଚିତ ବ୍ୟବସ୍ଥାରୁ କ୍ଷମତା ଦଖଲ କରିବା।

ହସିନା,ପୂର୍ବତନ ବାଂଲାଦେଶ କେୟାରଟେକର ମହମ୍ମଦ ୟୁନୁସଙ୍କ ବିଷୟରେ ଉଲ୍ଲେଖ କରି କହିଛନ୍ତି ଯେ ପୋଲିସ କର୍ମଚାରୀଙ୍କ ହତ୍ୟାକାରୀଙ୍କୁ କ୍ଷତିପୂରଣ ଦେବା ପାଇଁ ତାଙ୍କ ସରକାରଙ୍କ ନିଷ୍ପତ୍ତି ସେମାନଙ୍କର ପ୍ରକୃତ ଉଦ୍ଦେଶ୍ୟକୁ ପ୍ରକାଶ କରେ। ସେ କହିଛନ୍ତି ଯେ ସେ ଏହି ମାମଲାର ତଦନ୍ତ ଆରମ୍ଭ କରିଥିଲେ, ହେଲେ ମହମ୍ମଦ ୟୁନୁସଙ୍କ "ଅବୈଧ ମଧ୍ୟବର୍ତ୍ତୀକାଳୀନ ସରକାର" ଦ୍ୱାରା ଏହାକୁ ବନ୍ଦ କରିଦିଆଯାଇଥିଲା। ସେ ପଚାରିଥିଲେ, "ଯଦି ସେମାନେ ଭୟଭୀତ ନଥିଲେ, ତାହେଲେ ସେମାନେ ସତ୍ୟକୁ କାହିଁକି ବାହାରକୁ ଆସିବାକୁ ଦେଲେ ନାହିଁ?"

ସଂଖ୍ୟାଲଘୁ ସମ୍ପ୍ରଦାୟ ଉପରେ ହେଉଛି ଆକ୍ରମଣ
ପୂର୍ବ ପ୍ରଧାନମନ୍ତ୍ରୀ ଶେଖ୍ ହସିନା କହିଛନ୍ତି ଯେ ବାଂଲାଦେଶରେ ସଂଖ୍ୟାଲଘୁ ସମ୍ପ୍ରଦାୟର ଲୋକ, ବିଚାରପତି, ସାଂସ୍କୃତିକ ବ୍ୟକ୍ତିବିଶେଷ ଏବଂ ରିକ୍ସା ଚାଳକଙ୍କୁ ମଧ୍ୟ ଟାର୍ଗେଟ କରାଯାଉଛି। ହସିନା କହିଛନ୍ତି, "ଯେଉଁମାନେ ମୁକ୍ତି ସଂଗ୍ରାମ ପାଇଁ ଠିଆ ହୋଇଥିଲେ ସେମାନଙ୍କ ଉପରେ ଆକ୍ରମଣ କରାଯାଉଛି।" ସେ ଆହୁରି କହିଛନ୍ତି ଯେ "ଦଣ୍ଡ ଭୋଗୁଥିବା ଆତଙ୍କବାଦୀଙ୍କୁ ମୁକ୍ତ କରାଯାଇଛି।"