Why 4 Pilots on 1 Flight / ଫ୍ଲାଇଦୁବାଇ ଘଟଣା; କକପିଟ୍‌ରେ ୫ ସେକେଣ୍ଡ ଡେରି କଣ ହୋଇଥାନ୍ତା ?

ଦୁବାଇରୁ ଇସ୍ରାଏଲର ତେଲ ଅଭିଭ ଯାଉଥିବା ଫ୍ଲାଇଦୁବାଇର ଫ୍ଲାଇଟ୍ ୧୦୭୩ରେ ପାଇଲଟଙ୍କୁ ଆକ୍ରମଣ ଘଟଣା । ସହ-ପାଇଲଟ ଜଣକ ଭାରତୀୟ ପାଇଲଟ୍ ସ୍ମିଥ୍ ମଚ୍ଛାରଙ୍କୁ ଆକ୍ରମଣ କରିବା ବେଳେ ଏହି ବିମାନରେ ଆଉ ୨ଜଣ ପାଇଲଟ୍ ମଧ୍ୟ ଉପସ୍ଥିତ ଥିଲେ । ହେଲେ ଗୋଟିଏ ବିମାନରେ କାହିଁକି ୪ଜଣ ପାଇଲଟ୍ ଯାତ୍ରା କରୁଥିଲେ । ଏହିମାନେ ହିଁ ଦୁର୍ଘଟଣା ଘଟିବାକୁ ଯାଉଥିବା ବିମାନକୁ ନିୟନ୍ତ୍ରଣକୁ ନେଇ ସାଉଦି ଆରବରରେ ଅବତରଣ କରାଇଥିଲେ । ତେବେ ଯଦି କକପିଟ୍‌ରେ ପହଞ୍ଚିବାକୁ ଆଉ ୫ ସେକେଣ୍ଡ ବିଳମ୍ବ ହୋଇଥାନ୍ତା, ତେବେ କଣ ଘଟିଥାନ୍ତା । ଆଉ ୨ ଅତିରିକ୍ତ କାହିଁକି ବିମାନରେ ଥିଲେ ତାକୁ ନେଇ ପ୍ରଶ୍ନ ଉଠିଛି ।

• ଅତିରିକ୍ତ ପାଇଲଟ୍ କାହିଁକି ଉପସ୍ଥିତ ଥିଲେ ?

ସାଧାରଣତଃ କମ ସମୟ ଲାଗୁଥିବା ବିମାନ ଯାତ୍ରାବେଳେ ଅତିରିକ୍ତ ପାଇଲଟଙ୍କୁ ନିୟୋଜିତ କରେନାହିଁ । କାରଣ ପାଇଲଟଙ୍କ ଦରମା ଅଧିକ ହୋଇଥିବାବେଳେ ଆଉ ୨ଜଣ ଅତିରିକ୍ତ ପାଇଲଟଙ୍କୁ ନିୟୋଜିତ କରିବା ଏୟାରଲାଇନ୍ସ ପାଇଁ ବ୍ୟୟ ସାପେକ୍ଷ ହୋଇଥାଏ । ଯେତେବେଳେ ଅତିରିକ୍ତ ପାଇଲଟ ବିମାନରେ ଉପସ୍ଥିତ ଥାଆନ୍ତି, ତାହାକୁ ଏୟାରଲାଇନ୍ସ ଭାଷାରେ 'ଡେଡ୍‌ହେଡିଂ' ବୋଲି କୁହାଯାଏ । ଅର୍ଥାତ୍ ଏମାନେ ଡ୍ୟୁଟିରେ ଥାଆନ୍ତି ଏବଂ ଅନ୍ୟ କେଉଁଠି ବିମାନ ଉଡ଼ାଇବାକୁ ସେହି ଫ୍ଲାଇଟରେ ଯାଉଥାନ୍ତି । ଏହି ଅତିରିକ୍ତ ପାଇଲଟଙ୍କ ଉପରେ ମଧ୍ୟ ସମସ୍ତ ନିୟମ ଲାଗୁଥାଏ । ଯେପରିକି ସେମାନେ ନିଶାଦ୍ରବ୍ୟ ଖାଇପାରିବେ ନାହିଁ । ମାତ୍ର ସେମାନେ ୟୁନିଫର୍ମ ପିନ୍ଧିବେ କି ନାହିଁ ତାହା ବାଧ୍ୟତାମୂଳକ ନଥାଏ । ଯେତେବେଳେ ସହପାଇଲଟ ଜଣକ ଭାରତୀୟ ପାଇଲଟ ସ୍ମିଥଙ୍କ ଉପରେ ଆକ୍ରମଣ କରିଥିଲେ, ସେତେବେଳେ ଅନ୍ଯ ଦୁଇ ଅତିରିକ୍ତ ପାଇଲଟରେ କ୍ୟାବିନରେ ବସିଥିଲେ ଓ ସାଧାରଣ ଯାତ୍ରୀଙ୍କ ପରି ଯାତ୍ରା କରୁଥିଲେ ।

ପଢନ୍ତୁ ଏହି ଖବର: ଓମାନରେ ଥିଲା ବ୍ୟାନ୍; ଭାରତୀୟ ପାଇଲଟଙ୍କୁ ମଝି ଆକାଶରେ ଛୁରୀ ମାରିଥିବା କୋ-ପାଇଲଟର ସତ ଜଣାପଡ଼ିଲା...

ଅବସରପ୍ରାପ୍ତ ଏୟାରଲାଇ କ୍ୟାପ୍ଟେନ ଜନ୍ କକ୍ସ କହିଛନ୍ତି, "ଅତିରିକ୍ତ ପାଇଲଟମାନେ ଯେତେବେଳେ ବିମାନରେ ଯାତ୍ରା କରନ୍ତି, ସେମାନେ ସାଧାରଣତଃ ଡ୍ୟୁଟିରେ ଥାଆନ୍ତି । କିନ୍ତୁ ସେହି ବିମାନ ପାଇଁ ନୁହେଁ, ବରଂ ତାଙ୍କ ଡ୍ୟୁଟି ପଡ଼ିଥିବା ସ୍ଥାନକୁ ଯାତ୍ରା କରନ୍ତି । ସେଠାରେ ପହଞ୍ଚିବା ପରେ ପାଇଲଟ ଭାବେ ବିମାନ ଚଳାନ୍ତି । ପାଇଲଟମାନେ ମହଙ୍ଗା । ସେମାନେ ଦକ୍ଷ ହୋଇଥାନ୍ତି, ହେଲେ ଅଧିକ ମହଙ୍ଗା ହୋଇଥାନ୍ତି । ଯଦି ଆମେ ବ୍ୟବସାୟ ଦୃଷ୍ଟିରୁ ଦେଖିବା ତେବେ ଅଧିକ ପାଇଲଟଙ୍କୁ ବିମାନରେ ନିୟୋଜିତ କରାଯାଏନାହିଁ ।"

• ଆଉ ଏକ କାରଣ ଏହା ହୋଇପାରେ

ପାଇଲଟମାନେ ନିଜ ଡ୍ୟୁଟି ପଡିଥିବା ସ୍ଥାନକୁ ଯାତ୍ରା କରିବା ସମୟରେ ମଧ୍ୟ ଏହା ତାଙ୍କ ଡ୍ୟୁଟି ସମୟ ମଧ୍ୟରେ ଗଣାଯାଏ । ହୁଏତ ଦୁବାଇରୁ ତେଲ ଅଭିଭକୁ ଯାତ୍ରା କରୁଥିବା ଫ୍ଲାଇଦୁବାଇ ବିମାନଟି ଫେରିବା ଲାଗି ଅତିରିକ୍ତ ପାଇଲଟ ଯାତ୍ରା କରିଥାଇପାରନ୍ତି । କାରଣ ଫ୍ଲାଇଦୁବାଇ ପକ୍ଷରୁ ଏହା ଉପରେ କୌଣସି ପ୍ରତିକ୍ରିୟା ଦେବାକୁ ମନା କରାଯାଇଛି । ଫ୍ଲାଇଟକୁ ନିୟନ୍ତ୍ରଣକୁ ନେବାକୁ ସମୟ ମାତ୍ର ୫ ସେକେଣ୍ଡ ଥିଲା । ଠିକ୍ ସମୟରେ ଫ୍ଲାଇଟକୁ ନିୟନ୍ତ୍ରଣକୁ ନିଆଯାଇଥିଲା ।