ପାରିସ (ଫ୍ରାନ୍ସ): ପୂର୍ବତନ ରାଷ୍ଟ୍ରପତିଙ୍କୁ ଜେଲ୍ । ୫ ବର୍ଷ ଜେଲ୍ ସଜ୍ଜା ଶୁଣାଇଲେ କୋର୍ଟ । ଫ୍ରାନ୍ସର ପୂର୍ବତନ ରାଷ୍ଟ୍ରପତି ନିକୋଲସ ସରକୋଜିଙ୍କୁ ଗୁରୁବାର ପାରିସର ଏକ ଅଦାଲତ ଜେଲ୍ ଦଣ୍ଡାଦେଶ ଶୁଣାଇଛନ୍ତି । ଲିବିୟାର ତତ୍କାଳନୀ ନେତା ମୁଅମ୍ମର ଗଦ୍ଦାଫିଙ୍କ ଠାରୁ ବେଆଇନ୍ ନିର୍ବାଚନୀ ଚାନ୍ଦା ନେବାର ଅପରାଧିକ ଷଡ଼ଯନ୍ତ୍ରରେ କୋର୍ଟ ନିକୋଲସଙ୍କୁ ଦୋଷୀ ସାବ୍ୟସ୍ତ କରିଛନ୍ତି ।

୨୦୦୭ ମସିହାରେ ନିକୋଲସ ସରକୋଜି ଫ୍ରାନ୍ସର ରାଷ୍ଟ୍ରପତି ଥିଲେ । ଆଉ ସେହି ସମୟରେ ସରକୋଜି ଲିବିୟାର ନେତା ଗଦ୍ଦାଫି ସହ ଗୁପ୍ତ ବୁଝାମଣା କରିଥିବାର ଅଭିଯୋଗ ଆସିଥିଲା । ଅଭିଯୋଗ ଅନୁସାରେ, ଅନ୍ତର୍ଜାତୀୟ ସ୍ତରରେ ବିରୋଧର ସାମ୍ନା କରୁଥିବା ଲିବିୟାକୁ ସମର୍ଥନ ପାଇଁ ସରକୋଜି ନିର୍ବାଚନୀ ଚାନ୍ଦା ନେଇଥିଲେ ।

ଏଥିସହ ପଢ଼ନ୍ତୁ: ବିହାର ନିର୍ବାଚନ ପାଇଁ ଧର୍ମେନ୍ଦ୍ରଙ୍କୁ ପ୍ରଭାରୀ ନିଯୁକ୍ତ କଲା ବିଜେପି, ସିଆର୍ ପାଟିଲ୍ ଓ କେଶବ ମୌର୍ଯ୍ୟ ସହ ପ୍ରଭାରୀ

ସରକୋଜିଙ୍କ ମାମଲାର ବିଚାର ବେଳେ ବିଚାରପତି କହିଛନ୍ତି, "ଗଦ୍ଦାଫି ସିଧାସଳଖ ସରକୋଜିଙ୍କୁ ଟଙ୍କା ଦେଇଥିଲେ ଅଥବା ପାଣ୍ଠି ତାଙ୍କ ନିର୍ବାଚନ ଅଭିଯାନ ପାଇଁ ଦିଆଯାଇଥିା ତାହା ସ୍ପଷ୍ଟ ହୋଇ ନାହିଁ । କିନ୍ତୁ ନିର୍ବାଚନ ପାଇଁ ଲିବିୟା ସହିତ ସରକୋଜି ବାଣିଜ୍ୟ କରିଥିଲେ ।"

ଏଥିସହ ପଢ଼ନ୍ତୁ: ହୁ ହୁ ହୋଇ ବଢ଼ୁଛି ସୁନା ଦର, ଆଗାମୀ ୫ ବର୍ଷରେ ଛୁଇଁବ ୨ ଲକ୍ଷ !

ଏହି ମାମଲାରେ ଅଦାଲତ ସରକୋଜିଙ୍କୁ ୫ ବର୍ଷ ଜେଲ୍ ଦଣ୍ଡାଦେଶ ଶୁଣାଇବା ସହିତ ୧ ଲକ୍ଷ ୟୁରୋ ଜରିମାନା କରିଛନ୍ତି । ଅନ୍ୟ ମାମଲାରେ ସରକୋଜିଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି କୋର୍ଟ । ତେବେ ସରକୋଜିଙ୍କୁ ୫ ବର୍ଷ ଜେଲ୍ ଦଣ୍ଡାଦେଶ ହୋଇଥିଲେ ବି ସେ ଅପିଲ୍ କଲେ ଜେଲ୍ ଯିବାକୁ ପଡ଼ିବ ନାହିଁ ।

ଏଥିସହ ପଢ଼ନ୍ତୁ: ରାଜଧାନୀରେ ଆତଙ୍କରାଜ; ଗୋଡ଼ାଇ ଗୋଡ଼ାଇ ଖଣ୍ଡା, କଟୁରୀରେ ଯୁବକଙ୍କୁ ହାଣିଲେ

ପୂର୍ବରୁ ନିର୍ବାଚନୀ ଚାନ୍ଦା ଅଭିଯୋଗକୁ ସରକୋଜି ଅଗ୍ରାହ୍ୟ କରି ଆସୁଛନ୍ତି । ଫ୍ରାନ୍ସର ପୂର୍ବତନ ରାଷ୍ଟ୍ରପତି ସରକୋଜିଙ୍କ କହିବା କଥା, "ଏହି ମାମଲାର ରାଜନୈତିକ ଦୃଶ୍ୟପଟ୍ଟ ପରିବର୍ତ୍ତନ ପରେ କାର୍ଯ୍ୟାନୁଷ୍ଠାନର ଏବଂ ତାଙ୍କ ବିରୋଧରେ ସେଭଳି କୌଣସି ଠୋସ୍ ପ୍ରମାଣ ନାହିଁ ।"

ଏହି ମାମଲାର ତଦନ୍ତ ୨୦୧୩ରେ ଆରମ୍ଭ ହୋଇଥିଲେ । ସେତେବେଳେ ଲିବିୟାର ନେତା ମୁଅମ୍ମର ଗଦ୍ଦାଫିଙ୍କ ପୁଅ ଅଲ-ଇସଲାମ୍ ଅଭିଯୋଗ କରିଥିଲେ ଯେ, ଫ୍ରାନ୍ସର ପୂର୍ବତନ ରାଷ୍ଟ୍ରପତି ସରକୋଜି ତାଙ୍କ ନିର୍ବାଚନ ପ୍ରଚାର ପାଇଁ ବାପାଙ୍କ ଠାରୁ କୋଟି କୋଟି ଟଙ୍କା ନେଇଛନ୍ତି ।