India Advisory for Iran / ଆମେରିକାର ଆକ୍ରମଣ ଭିତରେ ଇରାନ ଛାଡ଼ିବାକୁ ଭାରତୀୟ ନାଗରିକଙ୍କୁ ପରାମର୍ଶ

ନୂଆଦିଲ୍ଲୀ: ଇରାନ ଓ ଆମେରିକା ମଧ୍ୟରୁ ଯୁଦ୍ଧ ପୁଣି ଥରେ ତେଜିଛି । ଆମେରିକା ସେନା ଲଗାତାର ନବମ ଦିନ ପାଇଁ ଇରାନର ଭିନ୍ନ ଭିନ୍ନ ସହରରେ ଏୟାରଷ୍ଟ୍ରାଇକ୍ କରିଛି । ଆଉ ଆମେରିକାର ଘନ ଘନ ଆକ୍ରମଣ ଭିତରେ ଭାରତ ଜାରି କରିଛି ଆଡଭାଇଜରି ।

ଇରାନ ଯିବାକୁ ଯୋଜନା କରିଥିବା ଭାରତୀୟ ନାଗରିକଙ୍କୁ ସେମାନଙ୍କ ଯାତ୍ରା ସ୍ଥଗିତ ରଖିବାକୁ ପରାମର୍ଶ ଦିଆଯାଇଛି । ତେହରାନ ସ୍ଥିତ ଭାରତୀୟ ଦୂତାବାସ ପକ୍ଷରୁ ରବିବାର ଟ୍ରାଭେଲ୍ ଆଡଭାଇଜରି ଜାରି କରାଯାଇଛି ।

ଏଥିସହ ପଢ଼ନ୍ତୁ: ହର୍ମୁଜ ପ୍ରଣାଳୀରେ ଇରାନ ମିସାଇଲ୍ ମାଡ଼ ଜଣେ ଭାରତୀୟଙ୍କ ମୃତ୍ୟୁ, ୮ ଆହତ 

ଆଡଭାଇଜରିରେ କୁହାଯାଇଛି ଯେ, ତେହରାନରେ ଥିବା ଭାରତୀୟ ବିମାନ ଯୋଗେ ଦେଶ ଛାଡ଼ି ପାରିବେ । ଏବେ ଇରାନରେ ଅସ୍ଥିରତା ଲାଗି ରହିଛି ଓ ସଂଘର୍ଷ ବଢ଼ିଛି । ତେଣୁ, ଇରାନ ଗସ୍ତ ପାଇଁ ଯୋଜନା କରିଥିଲେ ତାହାକୁ ଘୁଞ୍ଚାଇ ଦିଅନ୍ତୁ । ଏଥିସହ ଇରାନରେ ଥିବା ଭାରତୀୟ ଉପଲବ୍ଧ ଥିବା ବିମାନ ନେଇ ଇରାନ ଛାଡ଼ିବା କଥା ଚିନ୍ତା କରନ୍ତୁ ।

Advisory as on 19 July 2026. pic.twitter.com/6vYWY5esa2

— India in Iran (@India_in_Iran) July 19, 2026

ଇରାନରେ ଥିବା ଭାରତୀୟ ନାଗରିକ ଅଧିକ ସତର୍କ ରହିବାକୁ ଭାରତୀୟ ଦୂତାବାସ କରିଛି । ସେଠାକାର ଆକ୍ରମଣ ସହ ସୈନ୍ୟ ଗତିବିଧି ଉପରେ ନଜର ରଖିବାକୁ ପରାମର୍ଶ ଦେଇଛି ଦୂତାବାସ । ବିଶେଷକରି ଇରାନର ଦକ୍ଷିଣ ଉପକୂଳ ନିକଟ ଅଞ୍ଚଳକୁ ଯିବାକୁ ବାରଣ କରାଯାଇଛି ।

ଏଥିସହ ଇରାନରେ ଥିବା ଭାରତୀୟଙ୍କୁ ଦୂତାବାସ ଆଉ ଏକ ପରାମର୍ଶ ଦେଇଛି । ଆଡଭାଇଜରିରେ କୁହାଯାଇଛି, ତୁରନ୍ତ ଭାରତୀୟ ଦୂତାବାସରେ ଭାରତୀୟ ନାଗରିକ ପଞ୍ଜିକରଣ କରାନ୍ତୁ । ଅଧିକ ସୂଚନା ପାଇଁ ଅଫିସିଆଲ୍ ୱେବସାଇଟ୍ ସହ ସୋସିଆଲ୍ ମିଡିଆରେ ଫଲୋ କରିବାକୁ କହିଛି ଭାରତୀୟ ଦୂତାବାସ ।

ଚାବହାରରୁ ନେଇ ହର୍ମୁଜ୍ ପର୍ଯ୍ୟନ୍ତ ଆକ୍ରମଣ

ଇରାନ ଉପରେ ଆମେରିକା ଲଗାତାର ଆକ୍ରମଣ ଜାରି ରଖିଛି । ଲଗାତାର ନବମ ରାତିରେ ଏୟାରଷ୍ଟ୍ରାଇକ୍ କରିଛି ଆମେରିକା । ଏନେଇ ଆମେରିକାର ସେଣ୍ଟ୍ରାଲ୍ କମାଣ୍ଡ ସୋମବାର ସୂଚନା ଦେଇଛି । ଇରାନ ଉପରେ ମିସାଇଲ୍ ମାଡ଼ ସହ ଯୁଦ୍ଧ ବିମାନରୁ ବୋମାମାଡ଼ କରାଯାଇଛି ।

ଏଥିସହ ପଢ଼ନ୍ତୁ: ଡ୍ରୋନ୍ ଆକ୍ରମଣରେ ବୁଡ଼ିଗଲା ଇରାନୀ ବୁଡ଼ାଜାହାଜ; ଭିଡି଼ଓ ଭାଇରାଲ 

ଆମେରିକାର କହିବା କଥା ହେଲା, ହର୍ମୁଜ୍ ପ୍ରଣାଳୀରେ ଇରାନ ବାଣିଜ୍ୟିକ ଜାହାଜକୁ ଟାର୍ଗେଟ୍ କରୁଛି । ତେଣୁ ଆମେରିକା, ଇରାନର କ୍ଷମତାକୁ ଦୁର୍ବଳ କରିବାକୁ ଚାହୁଁଛି । ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି, "ଇରାନ ଉପରେ ଆକ୍ରମଣର ଉଦ୍ଦେଶ୍ୟ ଦେଶକୁ ପରମାଣୁ ଅସ୍ତ୍ର ହାସଲ କରିବାରୁ ରୋକିବା ।"